وين يبيعون ؟! ووين ألاقي هالشغلة ؟!

السلام عليكم ورحمة الله وبركاته ..

في البداية .. اعتذر اذا كان الموضوع مكرر ..

بما اني بحرانية مقيمة بالكويت بعض الأوقات احتاج حق اغراض بس ماادري وين الاقيهم .

حبيت انزل هالموضوع يشمل كل الاغراض والاحتياجات الي بعض الاوقات نحتاجهم بس ما ندري وين نلاقيهم ؟!

ونتبادل فيه الخبرات والمعلومات ..​

حبووبه شنو الاغراض اللي تحتاجينها ممكن توضحين ..؟؟

عشان نقدر نساعدج ..

اي صح ممكن توضحين اكثر

............

مشكورين خواتي ..

الموضوع كتبته حق اي اغراض نحتاجها وما ندلي وين نلاقيها .. حاليا ما في شئ معين محتاجته .. والموضوع مو بس حقي ..

حق اي وحدة ما تدري وين تلاقي اي غرض ..

مشكورين مرة ثانية ويعطيكم العافية :regular_smile:

​

اها فهمتج الحين

...

اي والله ياليت تفيدوووني
ابي شغلات حق المطبخ تحف وغيرها وبن احصلهم
جديده بالكويت مو عارفه شي فيه وانتم ان شاء الله تفيدونا

شنو التحف الي تبينها ؟!

عموما سوالف المطبخ عندش true value في سوالف حليوة حق المطبخ من ادواته .. وفي ليه فرعين واحد بالشويخ عند ايكيا القديم .. والثاني بالري يصير قريب من الافنيوز من وراه ..

عند النصر الرياضي .

ويمكن تحصلين في هوم سنتر او A 2 Z بس A 2 Z وايد غالي

ان شاء الله تلاقين الي في بالش :smile:​

متصفح رائع تسلمين على الفكرة الحلوة

خلوني أشارك واتعبكم معاي

وين الاقي عطار سنع وعنده كل اغراض الخلطات وكمان عنده منتجات حراز

ويكون أسعاره زينة ؟؟؟

العطارين موجوين بكل جمعية .. ما حبيت اخلي سؤالش من غير رد بس هذا الي اعرفه .. ان شاء الله تحصلين احد عنده خبر ​

سويت لش سيرج وحصلت لش هالنتايج :smile:

هذه بعضهم مو كلهم .. سوي سيرج باسم عطار بالكويت بقوقل و بيطلع لش موضوع بمنتديات النسائية الكويتية عن العطارين ..

ان شاء الله مو مخالف لقوانين المنتدى​

مشكورة وما قصرتي أختي أفديتنا . . .

شوفي حبيبتي تبين مواعين عملية يعني مو كشخه للبيت و للعيال
عندج الميره بالشويخ ,,, الدرزن بدينار صحون و قلاصات وبيالات و غيره
و عندج بعد الاسوقه الشعبية مثل طيور الجنه و الشاهبندر
و عندج سوق لندن اشتري منه اغراض البيت الاكل و المعلبات الدرزن بدينار ارخص و اوفر لج بعد بشويخ
و عندج رامز بعد حلو و كله شغلات رخيصه بعد بشويخ

و على فكره اذا تبين اغراض من البحرين مثل ماي لقاح و حلوى و هالسوالف عند سوق لند بالشويخ تلقين شارع التمور حده حلو وعجيب ,,,,

و عندج الدريم مول للبجامات ملوت اليهال عند المشاتل جدام سوق الجمعه ,,, مجمع حلو و فيه جمعية اللولو حلوه و رخيصه ,,,,

و اذا تبين تاخذين فره بسوق الجمعه ترى و ناسه و كل شي رخييييييييييييييص

و عندج الفروانية متروسه سوالف الاسواق الشعبية الرخيصه

هذا من ناحية الاماكن الرخيصه


أما من ناحية الماركات و الرزه

عندج مجمع الراية
الصالحية
سوق شرق
الافنيوز
مجمع 360
شارع مركز السلطان (( عبدالله مبارك )) مجمع الفنار و ليلى و الثريا


اللحين بقولج عن الاماكن الحلوه اللي فيها وناسة و تسوق
سوق الكويت
اسواق القرين
ستي سنتر السالمية


ديسكفري ,,, مجمع للأطفال فيه العاب و محلات و مطاعم و مصور و اثاث كل شي يخص الاطفال

آآآآآآآآآآآآه تعبت ,,,,,

ها قولي بعد شنو تبين ادليج )​

يا حبيبة قلبي مشكورة من اعماق قلبي


على ردك الرائع

جزيت الجنة و النعيم من رب العالمين

شوكولاته .. حاضرين خييو ما سوينا شئ :smile:


وين الاقي مثل هالاشكال .. وجم اسعارهم ؟



​

؟؟

:75_75:​

ههههههههه
ما شاء الله لا قوة إلا بالله أم ورود عطت كل شي ما خلت لنا شي
الله يحفظها ويحفظكم

نور عزيزتي
تلاقين هالاشكال بمركز سلطان قسم الأواني
في منها وفي بلاستيك بعد
الله يوفقج ومشكوره على هالموضوع المفيد

أسعارهم متفاوته بس مو غاليه يمكن دينار دينار وكسور

مشكورة خييو ليلى الانصاري .. كنت بروح بجيك مركز سلطان قلت يمكن احصل عندهم ..​

خواتي العزيزات

في موضوع هنا في القسم عن ترتيب الدولاب والادراج

الحكاية فعلا شغلت تفكيري لان دولابي مهما ارتبه يرجع فوضى بسبب الارفف والملابس المصفته


فهل تعرفون طريقة لترتيب الدولاب او منتجات تساعد على ترتيب الدولايب ووين مكانها ؟

وشكرا لكم

ايكيا عندهم سوالف حق ترتيب الدولاب .. روحي وخذي كاتلوجهم وشوفيه وشوفي شنو الي تحتاجينه .. بالكتالوج واايد اشياء راح تعرفين حق شنو استخدامهاتها ..

وعندش البنات الي يبيعون بالمنتدى هني في بعضهم يبيعون سوالف مال ترتيب

اتمنى اني افدتش ​