يااااهيه لبن فطيس

>>>> السلام عليكم



اليوم لي وقفه مع شاعر معروف لدى الكل

يمتاز بشاعريه رائعه واحساس جميل

وحبك الكلمه

بأختصار القصيده لشاعر المليون

محمد بن حمد بن فطيس المري

اوكما اطلق عليه المحيط الهادي

اتمنى ان تنال اعجابكم








ياهيه اللتفت لي واسمع ادعاي لـك ياهيـه **** ترا عـادك بتشبـع مـن البعـد وتواجـه


دعيتك بصـوت ٍ ياصلـك ليـه ماتوحيـه ** وانا اسمع ضلوعك من صدى الصوت لجّاجه


عليك الفـؤاد اخلاجـه مصمّـخ ٍ راعيـه ** خف الله فـي راعيـه ماتسمـع اخلاجـه


ترا العفو قـد جـاك اولـه واغتنـم تاليـه ** وترا الحلم بحـر ٍ غيـر لا تامـن امواجـه


وترا الود ليل ٍ مظلـم ٍ جيـت لـك ساريـه ** سراجه وصالـك والجفـى ينفـخ اسراجـه


وترا قصرنا اللي كم سنـه نجمـع ونبنيـه ** هوى العذل طيّـح بابـه العـود وسياجـه


لي أيام مـدري ويـن دارك ولا ادري ليـه ** وانا خابـر انـي بـاب شفـك ومزلاجـه


غيـاب ٍ بـلا سبّـه هجـاد ٍ بـلا تنبـيـه ** وجفا أغلا العرب نار ٍ على الكبـد وهّاجـه


نضج قلبي من البعـد وش حاجتـك تكويـه ** جفاك الجمر والصبر فـي بعـدك الصاجـه


طبـع حبـك بقلبـي والايـام مـا تمحيـه ** هذا هجـرك يحـاول يموجـه ولا مـاجـه


يموت الأمل لكـن ضنـون الغـلا تحييـه ** عروق الوفـا فالـروح والقلـب وجّاجـه


خبرتوا حـد ٍ يبكـي علـى واحـد ٍ يبكيـه ** خبرتوا حـد ٍ مسجـون مايبغـي أفراجـه


احبه ولا ابغضتـه علـى شـي ٍ إيسويـه ** ولا زالـت أرقـاب الرجـا فيـه منعـاجـه


عسى منزل ٍ ضمه حقوق الوسـم تسقيـه ** وتضحك له الدنيـا وهـو يضحـك أحجاجـه


فقد خاطري شـي ٍ مـن الضيقـه امسلّيـه ** غدت روحي من النـاس والليـل هجّاجـه


اروح لمكـان ٍ خابـره ..خابـره ياتـيـه ** اسوق القدم صوبـه وهـي مالهـا حاجـه


مكـان ٍ نزيـه وأول مواجهـي لـه فيـه ** وانـا خابـر ٍ مارجـل مثـلـه بـدواجـه


لعل وعسى مـا حدنـي للمجـي ..يدعيـه ** اشوفـه وانـا مـاودي اسبـب احـراجـه


يحب الجريـح اخـر دروب اللقـاء ويجيـه ** وتحـب القـدم جيّـة مكـان اول مـواجـه



لسماع القصيده :

YouTube - ظٹط§ ظ‡ظٹظ€ظ€ظ€ظ€ظ‡ - ظ…ط*ظ…ط¯ ط¨ظ† ظپط·ظٹط³ ط§ظ„ظ…ط±ظٹ​

تسلمين m!ss_gucci ع القصيدة الروعه


وابن فطيس دايم معودنا ع قصايده الحلوه​

الله يسلمج ونورتي الموضوع بمرورج العطر ,,,,,​

خبرتوا حـد ٍ يبكـي علـى واحـد ٍ يبكيـه ** خبرتوا حـد ٍ مسجـون مايبغـي أفراجـه

بيت راااااااااااااااااااااااائع مشكوره على المواضيع الحلوه​

العفوو اسعدني مرورج العطر ,,,,,​