السلام عليكم انا ا بي اطرح مشكلة صديقتي المقربه بطلب منها لانها شافت ردودطم وتجربتي الشخصيه وتبي مساعدتكم المشكله اهي ان صديقتي متزوجه من 3 سنوات وكانت تعتقد انها عايشه بالجنه والكل حاسدها على عيشتها بس قبل اسبوعين مرض زوجها ودخل العنايه المركزه ودخل بغيبوبه وانقلبت حياتها وصارت ما تشوف من كثر ما تبجي وتدعيله بالسلامه المهم قبل 4ايام دخلت وحده غرفة الغنايه وقعدت عند زوجها واخد يا بجي ويا حبيبي ونور عينيا ويا البي ومن هلكلام ...........اهني صديقتي انصرعت وعرفت انها سكرتيرته وزوجته من سنتين وان اهله كلهم يدرون عن السالفه لا وعندها منه اثنين ويمكن حامل بالثالث اهني اهي دقت على خالتها اللي اكدت المعلومه وقالت لها اهي من حقها تشوفه مثلج ؟ وامس طلع الاخ من العنايه واهو ماسك بايدها ويقول حق رفيجتي شوفي وتسنعي وجدام الكل يعني فشلها بشكل فظيع قالت له يعني شنو تبيني اصير قليله ادب مثلها ( كانت تبوسه جدام الكل ) والله انا اهلي ربوني مو مثل غيري تربيه شوارع وهيلق تدرون شرد عليها ؟ قال لها والله ان ما اعتذرتي منها لانت مرتي ولا اعرفج -----عاد اهي من الحره قالت له احسن وانا ما يشرفني اتشارك بشي وصخ وطلعت الحين اهي ما تبيع بس تبي تكسر شوكته وبعدين تهده يولي خواتي للعلم فقط ان صديقتي ورثت من ابوها مبلغ كبير وايدوكانت مطمع للعرسان ويا كثر اللي خطبوها واهي ترفض الي ان ياها هذا وطلبها يمكن 10 مرات جان توافق على بالها المسكينه انه يحبها وبعدين عطته معظم ورثها علشان يشتغل فيه واللي راح ما رد ها خواتي عطونا رايكم شتسوي
هذا عيبنا يالحريم ذابحنا السنع انا منها عادي ارفع عليه قضيه ارد فلوسي بس اذا عندها شي يثبت طبعا اكيد ماعندها لانه احنا يالسنعات لازم انبين ان احنا نثق فيهم و مانخلي ولا اثبات الله يعينها على ما بلاها
صباح الخير الله يعينها ويصبرها والله لو انا مكانها اتطلق منه فوق شينه قوات عينه لا قولي لها تطلق لانه من اولها قعد يحقرها قدام اهله باجر اكيد بيزيد التجريح تشتري كرامتها احسن لها وربي يرزقها بغيره
يالغليه يا ام احمد وينج ؟ السلام عليكم ريلها يشتغل بالداخليه واهي تراها قاصده تحط سالفتها بالمنتدى غلشان البنات يتعظون ويتعلمون شلون يميزون بين الادمي والذيب
حبوبه ام سالم المساله سهله تهدده بتقديم بلاغ حق الداخليه لانه متزوج من اجنبيه من غير اذن ( ليش ؟ لانه تزوجها بسرعه عقب ما قص على رفيجتج وبحسبه صغيرونه لعمر اليهال )وفي هلحاله راح يتقدم لمحكمه عسكريه وفيها سجن وتسريح اما اذا مالها خلق التهديد فخل تروح وتقدم البلاغ . واذا مسويتله توكيل رسمي هم تقدر ترفع عليه قضية وتسترجع فلوسها وبسكم يابنات سوالف انا واااااااااااايد طيبه فتعال واكلني و مصمص عظامي وبعدين ابجي واقول لحقوا علي والباجي يا ام سالم على الخاص
حسبي الله ونعم الوكيل يا الله الله يعينها صراحه كفايه نفسيتها الحين والله يختج مادري شقول غير الله يعينها ومدري بس اذا راحت المحكمه يمكن يقدرون ينصفونها اذا معاها اثبات انها معطته فلوس الله يعينها ويصبرها وربها بياخذ حقها اول وتالي انشالله
استغفر الله العظيم صجججججججججججججججججججججججججججج شي يحر ويقهر الله عينها واذا كلام اختي صج خل تشتكي لانه ما يستاهل
صج لي قالوو يامأمن الرجاله يامأمن الميه بالغربااااال الله يكفيها شر كل من فيه شر المهم انا م احب اعطي رايي بهالمسأله لان ياداخل بين البصله وقشرتها ماينوبك إلا ريحتها فاحسن شي اهيا تقعد مع نفسها وتشووف شنوو اللي يريحها تسويه واذا عندها عيال ترى السالفه تفرق وربي يكتبلها اللي فيه الخير بالتوفيـــــــــج
انا مرة زوجي قالي مهما كااان الرجال طيب معاج وحسيتي انه يموووووووووت فيج لاتامنينه لانه ممكن يصير اي شي بكيفه او غصبن عنه يضطر انه يتخلى عنج!!!!!!عشان جذي امني نفسج دايم وكل شي بحدووووووووووووووووود...
اهم شي عند الإنسان كراااااامته واللي مايعتبرها ربح لاتعتبره خساره والله يعوضها برجل لأن زوجها لايمت للرجوله بصله واكرر كراااااامتهااااااا قدام نفسها وقدامه وقدام الناس خل تشووووته واللي جابه يجيب غيره اللهم لاتجعل الرجل اكبر همنا وشاغل تفكيرنا اللهم اغننا عنهم برحمتك يااااااااارب مو متخيله ان رجال يقهرني اصعععععععب شي
واااااااااااااااي انقهرت وربي ........عسانا من جرب حرتها وهي الله يعينها والوحدة ماتأمن للرجال /وهي عشان فلوسها تستشير محامي واتمنى عندها شي يثبت بأنها معطيته وان مارجع لها حقها لاحول ولاقوة الا بالله
قضية خلع عشاان ينذل الجلب ويعرف ياخذ جلبه نفسه ههههههه <<منقهره منه بلاول توقف اي شي تمليك معطيته او اي شي توكيل اين كاان توقفه واللي رااح ما يتعوض وعقبها تخلعه واهوو حيواان :teeth_smile:
