ياكثـر ماجيـت آسافـر بـك .. وتسكنّـي ......... وياكثر مارحـت آمـوت منـك , وآحيابك ..

للغيض .. دمـث القصيـد .. وللعتـب فنّـي!
................ وللجرح .. موت القلوب .. وللتعب .. بابـك
مادمـت مستقصـدٍ جـرحـي .. ومتعـنّـي
................ مالـي ومـال الكـلام العـذب .. وعتـابـك
نادنّـي .. (اللـي خذنّـي منـك) .. نادنّـي!
................ ماعابك .. (اللي يعيب النفـس) .. ماعابـك!
صحيح .. بعـض الليالـي مضحكـة سنّـي
................ لكنّـي آخـاف وقــتٍ مـاهـو بحسـابـك
يـوم أنـت مـن طعنـة الخفّـاق متحـنّـي
................ كنـت آتبسّـم لعينـك .. وآمـدح خضابـك!
واقول لـو هـي رمـاح العيـن .. صابنّـي
................ يكفيني أدفن جريـح القلـب .. بـ آهدابـك!
واليـوم آشوفـك تناسـى الـود .. ماكـنّـي
................ دمدمـت درب الطعـون اللـي تلـوى بــك
مستكثـر الحـب فينـي ..! مادريـت إنّـي
................ لـو آجمعـه مامـلا .. مخـابـي ثيـابـك!!
وآنـا عليـك أسبـق الأحـلام .. واغـنّـي
................ واصفّ لـك مـن صـدود النّـاس .. ترحابـك
ياكثـر ماجيـت آسافـر بـك .. وتسكنّـي؟
................ وياكثر مارحـت آمـوت منـك .. وآحيابـك
من كثـر مـا خنجـر الآشـواق .. يطعنّـي
................ قمت آتصدد عن اللـي .. يطـري غيابـك!!
والله ماطيـق جــرح الـحـب .. لكـنّـي
................ عشقت ضيـم الجـروح اللـي مـن أسبابـك
الله يسامحـك .. يالـلـي مخـلـفٍ ظـنّـي
................ وشلون صدقت هـرج النّـاس فـ آحبابـك!؟
لو كنـت تحشـم غـلاك .. وتستحـي منّـي
................ ماكـان خيّبـت ظـن اللـي .. تهقـوى بـك
خلـك علـى ماتبـي .. مـادمـت متهـنّـي
................ لابــد الايــام تمدحـنـي .. وتغـتـابـك
باكـر تجيبـك هجـوسٍ قـبـل .. جابـتنّـي
................ وتشوف نفس الطريق اللي خـذك .. جابـك!؟
فإن سولف الدمـع الأزرق سـالفه عنـّـي!
................ كفــّه ..! قبل لايضـرّ الملـح .. عنـّابك
خـــــــــلاص , ماعـاد لـك عـذرٍ .. يطمنـّي
................ أتعــابـي أتعــابــي , وانـت , أتعــابــك أتعــابــك

من كثـر مـا خنجـر الآشـواق .. يطعنّـي
................ قمت آتصدد عن اللـي .. يطـري غيابـك
يعور القلب هالبيت

يسلمو على القصيده الروعه
ربي يحفظج

مشكوره حبيبتي >> دايم منوووووره مواضيعي

لاهنتي غنااااااااتي

ثانكس حبي ,,,,

من كثـر مـا خنجـر الآشـواق .. يطعنّـي
................ قمت آتصدد عن اللـي .. يطـري غيابـك!!
والله ماطيـق جــرح الـحـب .. لكـنّـي
................ عشقت ضيـم الجـروح اللـي مـن أسبابـك

آآآآآآآآآآه ياقلبي من احلى الأبيات اللي قريتها
يانااااااس دلاااال مبدعه ثم مبدعه ثم مبدعه
في كل ماتطرحه
ننتظر جديدك حيااتي

مشكوره حبيبتي >> دايم تحرجيني بردودج الحلوه

خلـك علـى ماتبـي .. مـادمـت متهـنّـي
................ لابــد الايــام تمدحـنـي .. وتغـتـابـك

رووعه قلبي ..
صح لسانج ..

صح بدنج حبيبتي واحه

صح لسانك قلبي
لاخلا ولاعدم

صح بدنج وتوووووور الغاليه