السلام عليكم بنات بقولكم موضوعي باختصار .. أنا وحده عمري 22 وطبعي كتومه وحساسه ووحيده ماعندي صديقات .. عندي صديقه بس وحده لكنها لاهيه بدنياها واذا بغتني دقت واذا لهت ماترد علي حتى وانا أحط لها ألف عذر لانه ماعندي غيرها ولا أبي أخسرها .. طلبي أنه ودي يكون عندي صديقات حتى لو صديقه وحده راضيه بس تكون أمينه وحبوبه حتى لو صديقه بس ايميل راضيه .. مليت كله بروحي أبي لو بس أسولف مع وحده .. مابي أروح بطريج غلط والسبه الوحده وماعندي صديقات .. اللي حابه هالشي تدزلي رساله عالخاص بعطيها ايميلي أتمنى ألقى صديقه أتمناها .. :sad_smile:
هلا حبووبه .. شوفي الصدااقه ماتلقينهاا بالنت بسهووله وشلوون تاخذين ايميل احد ماعرفتيهاا الا من جم يوووم .. الله يهديج ويرزقج على قد نيتج ويكتب لج اللي فيه الخير
هلا والله انا ماعندي ايميل اذا تبين اكلمج على الخاص لين اسوي ايميل و اعطيج والله انتي مثل حالتي قبل بس لما امنت على وحده وتعرف انا وياه على اكثر من بنت و كونت مجموعه من البنات >عسا ربي مايفرقنا و اذا حبيتي ادخلج معانابس اذا عرفتج اكثر
حبيبتي انتي انت ما تشتغلين عندج بالدوام وله بالمدرسة كونيلج صدقات من هالاماكن الي تكونين البنت شايفتها وعارفتها اشلون تكونين صداقة من مجهول انا انصحج اذا انت موظفة وله طالبة البنات الي وياج تعرفي عليهم ومفقة ياعمري
انا بالجامعه وتدرين البنات صايرين بس ربعهم والباجي يعتبرونهم بس زميلات وأنا بس من السياره لي المحاضره ومن المحاضره لي السياره
هلا أختي . . . الصداقة مع الايااام تتكون . . . في خوش اقسام في المنتدى تعرفي على العضوات في نطاق المنتدى . . . وصدقيني مو لازم سالفة يكون عندج صديقة دائمة يعني الحياة ماشية فيها وبلاها . . .
شلون تبين تكونين صداقات ، وانتي تقولين انج وحيدة ، زوري الناس ، ووجبيهم ، راح ينفتح لج باب ، ومن ورى النت مافي صداقة او ثقة يا قلبي ، مثل ما تلاقين فيه الصنح والمجاملة والروح الطيبة في الكلام ، هم بتلاقين الغدر والخيانة، عيل ليش يقولون الصداقة شي نادر بهالزمن ؟ ، لو الصداقة تنلقى بالنت ، جان كل الناس قعدو في بيوتهم ، وانطوو على عمرهم . مشكلتها تنصح وتعلم وتوجه غيرها ، لكن مو قادرة على نفسها >>
حبيبت قلبي والله حاسه فيج وانااا من عمرج 22 سنه صج اني يديده على المنتدى بس يشرفني اكون لج اخت قبل الصديقه انشاءالله دزيلي ايميلج وانشاءالله اضيفج ونتعرف على بعض اكثر
نفس حالتي والله ،، وانا اتشرف اكون صديقتج بس انا اكبر منج انا عمري 30 بس تقريبا كل الي اعرفهم من عمرج واصغر هههه .. شنسوي بعد
حياج الله انا احب الصداقات واحترمها ومقدره وحدتج .. تبين ادزلج ايميلي ماعندي مانع انا بعد بعض المرات يضيق خلقي ماعندي احد اسولف له .. كلن لاهي بدنياه مع انه رفيجاتي واااااااااجد بس البنات تغيرو عقب الزواج والعيال انا عمري 23
حبيبتي والله الصداقه هالايام صعب نلقاها وصعب تتأقلمين مع انسانه تفهمج او تكون أمينه معاج انا اقول خلي الوالده الله يحفظها كل شي في دنيتج والفراغ له يوم ويروح وانشالله تزوجين وتعيشين احلى حياه وربي يوفقج
