السلاام عليكم شلونكم حبايبي ..* خواتي ابي مساعدتكم ورايكم بمشكلتي* انا طالبه عمري ٢٠ سنه .. قصتي قصه مع ولد خالتي .. تقدملي تقريباً ٣ مرات .. ورفضته بالمرتين *لان اهو بديره وانا بديره* اهو سعودي *المهم امي حست ان الولد صج يبيني فكلمته ثالث مره بالموضوع ( علما بان امي كانت اكثر وحده رافضه والسبب ان شلون اخلي اهلي وديرتي واتغرب ) *بس لانه كسر خاطرها فوافقت* واقنعتني واقتنعت وخلاص * ع اساس اني ادرس بالكويت وبالصيف ياخذني للسعوديه هذا الاتفاق بيني وبين امي* للحين ما كلمنا الولد بهالموضوع وكنا متوقعين انه يوافق لانه دايما كل ما حصله اجازه بدوامه يجينا الكويت ..* فحيل يحب الكويت * المهم تكلمنا بكل شي الا موضوع الدراسه *واتفقنا واستاانس حيل الولد وجا الكويت وكلم امي و قال احتمال اجيب اهلي بالعيد ونملج قبل لا نفاتحه بموضوع الدراسه قال حق امي انا عندي شرط* وشرطي ان تخلي دراستها هني وتكمل بالسعوديه ووعد ادخلها الكليه اللي تبي لاني ما اقدر كل شوي اجي الكويت علشانها ومو حاله انا بديره واهي بديره* ( الولد *مو صغير عمره ٢٨ يعني يبي يتزوج باقرب وقت )* بس انا رفضضضضضت وبقوه لان كل شي ولا الدراسه ويكفي اني راح اتغرب علشانه خاصة ان المنطقه الي ساكن اهو فيها منطقه مو راقيه وحيل بسيطه بس تنازلت عن هالشي .. وشهادة جامعة الكويت الكل يتمناها ولا يكمن اتنازل عنها *.. المهم* رفضت وتفركشت السالفه وضاق خلق الولد وصارلنا تقريباً ٣ شهور لا اهو تكلم واحنا ما بطلنا الموضوع واهو ما سمعنا انه خطب ** وبس هاذي كل القصه* * ابي رايكم فديتكم باللي سويته انا صح والا غلط .. وانصحوني شسوي .. * *يعطيكم العافيه لا خلا ولا عدم ..*
هلا أختي . . . استخيري رب العالمين هذي اول شغلة واستخيره بالصلاة مو مرة وحدة اكثر من مرة . . . ثاني شغلة يا اختي انتي شوفي هل الولد صاحب صلاة ويخاف ربه واخلاقه طيبة ؟!! يعني عمرج 20سنة ليش مستعيله ع الزواج؟!! وبعدين شرط انج تقعدين فترة الدراسة بالكويت واهو بديرته ترى شرط صعب جدا عموما كل شي خيرة لا تخافين اذا ربج كاتب لج نصيب ويا هالانسان بيكون لج فيه نصيب وادعي ربج ان يقدم اللي فيه الخير لج . . .
هلا ام عبدالله اول شي مشكوره ع الرد وما قصرتي و بصراحه الولد خوش واحد وبشهادة الكل يعني مو معيبه الا انه سعودي وانا خايفه اتحسف بعدين لان مو كل مره راح يجيني واحد زين مثله والله يكتب اللي فيه الخير ..
حبيبتي انتي اساسا تبينه بس مو عارفه كيف تتعاملين معا الموضوع ومتردده كثير وهذا الموضوع مايبيله تعامل كذا اذا انتي شايفه انه زين ورجال والنعم فيه فخلاص مايعيبه شي لا الحي اللي ساكنه ولا غيره وخصوصا انه مااقال بتتركين الدراسه قال ادرسي بكليات السعوديه وجامعاتنا بالسعوديه مشاء لله وش كثرهااااااااااا حالها حال الكويت .. لا خطبك من جديد خلاص وافقي بس بشرط انك ماتطبين السعوديه الا اوراقك وقبولها خالصييين بالجامعه الي هنا وانتهت الحكايه.. اما اذا ماتبينه فخلاص ماله داعي توجعين راسك بالموضوع واصلا هو سكت وراح وانتي خلك بدراستك والله يرزقك بالنصيب الزين وكل شي بوقته موفقه يارب
حبيبتي من كلامج انه خوش واحد وانتي تبينه الدليل انج لي الحين تفكرين بالموضوع وهامج من راايي استخيري وان شاء الله خير وامر الدراسه هين انتي مابقاالج شي ودام وعدج انج بتكملين هناك ليش لا عااادي كملتي هناك او هني شنو بيفرق انتي راح تعيشين هناك عنده ولجل عين تكرم الف عين الله يوفقج
هلا اختي . . . الاخوات ما قصروا بالرد . . . وطمنينا شنو يصير وياااج وربي يقدم لج اللي فيه الخير يااارب . . .
{ملاك الشرق } / {الله املي } اول شي يسلموو ع مروركم الروعه وثانياً : والله ان كلامكم عين العقل وفعلاً انا ابيه واجذب اذا قلت لا بس مثل ما قالت اختي { ملاك الشرق } حدي محتاره ومتردده لان مابي استعجل وبعدين اتحسف وبالنهايه الخيره فيما اختارها الله والله يكتب اللي فيه الخير ويعطيكم العافبه حبايبي ع النصيحه ما ننحرمش يارب :** خيتو ام عبدالله : اجمعين يارب وتسلمين ما قصرتي يا قلبي :**
اللي سويته احسن قرار دراستج اهم شي بالعالم لاحقة عالزواج وبعدين اذا اهو مايتطوف ترى حتى انتي ماتتطوفين لا اطيحون البنت من عين نفسها الف غيره ، هذا من الحين يتحكم بمسقبلها """ اللي صج يبيج ويحبج وشاريج يخليج اتكملين دراستك بالمكان اللي انتي فيه لما تتخرجين مو يلف فيج يمين ويسار وتحويل الجامعة وقبول وقصة وحووووسة عشان بس اهو يرتاح توج صغيرة ، انا هذا رأي
ربي يوفقج ودي اقولج جم كلمه وحطيها حلق بأذانج مثل مايقولون صدقيني لاتاخذين واحد اقل او اعلى او مو مثل مستواج ولا انتي من مستواه ومو قصدي بكلامي اني اقلل من قيمة ولد خالتج بس لا انتي تربيتي في بيئه مثل بيئته ولا هو مثلج وبعدين انتي كويتيه وهو سعودي يعني حطي في بالج بتمين طول عمرج رايحه راده احنا بالكويت ومناطق يم بعض وهم ودنا يم اهلنا باجر الزواره ماتحصلج وشوفة الوالده باي وقت صعبه عليج لانه مو سايق هالمسكين رايح راد على الكويت وبعدين انتي صغيره شنو عشرين سنه؟يعني توج المستقبل جدامج ولاحقه على الزواج انا بدويه وزوجي حضري وتخيلي المعاناة اللي للحين اعانيها من اختلاف العادات والطبايع هذا واحنا اثنينا كويتين اشلون وانتوا غير جنسياتكم عن بعض؟ انا اقول تمهلي ولاحقه خير
هلا حبوبه رايج ع العين والراس وفعلاً انا الحمدلله مو ناقصني شي و كلامج ذكرني بكلام اختي الكبيره اهي الوحيده اعترضت ع السالفه وامي بعد بالبدايه قالت نفس الحجي بس لان تردد كذا مره اكثر من مرتين وولد اختها فكسر خاطرها والله يكتب اللي فيه الخير ان شاءالله ويسلموو قلبي ع النصيحه والمرور
هلا خيتوو للأمانه هذا كان السبب باني ارده غير طبعاً سبب الدراسه لان صج بيئتهم مختلفه تماااااااااماااً عن بيئتنا بكل شي فخفت اني ما اتأقلم و بعد الغربه شي مو هين اكيد بستاحش بروحي مشكوره فديتج ع النصيحه والله يوفقج يارب ويسخر لج زوجج :**
ربي يوفقج تمهلي ترى الزواج مو لعبه وربي الغربه صعبه وسألي المجرب يالغاليه خلصي دراستج وربي يكتب اللي فيه الخير
اختي انا مثلك طالبه بس انا سعوديه والسعوديه على راسي ومافيه فرق بين السعوديه والكويت كلنا اخوه اهم سي داستك بس اختي اذا كاتب الله انك بتخذيتها بتخذينها وعليك بصلاه لاستخاره انا طالبه في الجامعه وفيه ناس اخطبوني بس الله ماكتب النصيب وبعدين انا احب واتنظر حبيبي يجي يارررررررررررب العاليم ترزفني الولد االي انا اتمنه يااااااااااارب حلاحلاني عليه وحرمني على غيره يااااارب استجب دعتي اختي فكره وانتي صاحبت القرار
هلا اختي ايي اكيييييد ما يبيله كلام هالشي كلنا اخوان الله يوفقج ويحقق لج اللي تبينه ويرزقج اللي تتمنين اشكرج ع مرورج الروعه
مشكوره اختي على الرد وانا اسسسسسسفه اذا قسيت عليك بكلامي بس انا اتكلام بالحققيه انت ياختي صاحبه القرار والله يوفقك ويرزقك ولد الحلال الله يسمع منك ويرزقني حبيبي ولايحرمني منه طول عمري اختي اذا بدك املي AMOK250@hotmail.com هوتميل كم واذا ارسلتي اضافه اكتبي انا جامعه كول
حبيبتي المفروض اول شي ب الامور ال**يريه اللي زي كذا الوحده تستخير بعدين الولد ماشالله تبارك الله شاريكي ويبغاكي و اكبر نعمه انك بتعيشين بالسعوديه يكفيكي بلاد الحرمين ودار الامن والامان وجامعات السعوديه مو مثل منتي فاهمه وبالع** السعوديه كل منطقه فيها ارقى من الثانيه نصيحه لكي دام الولد شاريكي لاتفرطين فيه نادرا ماتلقين بهذا الزمن واحد شاريكي الله يوفقك ويسعدك ويكتبلك الخير يا احلى جامعيه
شوفي حبيبتي انا تزوجت وانا صغير عمري ١٨سنة وتحسفت ققد شعر راسي اني ماتزوج الاوانا مخلصة الدراسة شوفي حبيبتي اهم شي دراستج لاتخلينها لو شنو يصير الزوج غيرة زوج اوذا يبيج وشاريج صدق كان ينطرج لين تخلصين دراستج شوفي بقولج شي موشرط انة سعودي ماتوافقين علية بالع** انا اعرف ناااس وايد سعودين متزوجين كويتيات عادي والسعودية زي الكويت بالضبط فيها احيا حيييييل راقية لا تخلييييييييييييييييييييين الدراسة مهما كان وبعدين انتي صغيرة توج عالزواج وعوار الراس لاحقة علية بغيت اسالج انتي باي سنة ؟؟؟ تقبلي مروري قلبو
