السلام عليكم ورحمة الله وبركاته أخواتي العزيزات أرجو أن يتسع لي المكان بينكم بعد ان ضاقت بي الأرض بما رحبت حدتني الظروض على البحث عن من اجد لديه النصيحه الصادقة والإرشاد الهادف حيث حرمني الله من الصدر الحنون ولأخت التي تساعد وتنصح وابتلاني الله بعم ظالم وزوجة عم متسلطة تبحث عن الزلة حتى تتفنن في معاقبتي بإختصار أخواتي قصتي طويييييلة تقدم لي شاب وافقت على طول ابي اهرب من الجحيم الي عايشة فيه خطوبتي ليلة العيد مشكلتي كبيرةيبي يلبسني وانا بصراحه حالتي حاله ايديني خشنه من الغسيل بشرتي سمرة من الطلعة بالحوش للتنظيف الله يوفق كل وحدة تساعدني بنصيحه صادقة حتى ولو على الخاص تكفون انا بحاجتكم ابي اتخلص من العذاب محتاجة خلطة كريمات تبيضني خلال عشر ايام محتاجة خلطة ترطيب إذا فيه شي لتكثيف الشعر انا الحمد لله موظفه بس مو مستفيد من راتبي تعطيني مصروف حالي حال الأطفال بس مو مشكلة قرب فرج ربي تكفون ساعدوني اختكم من السعودية
الله يوفقج ياااارب وتفتكين ويرزقج بالزوج الصالح اللي يعفج ويصونج خلطة الجلسريد بالليمون بالملح للجسم حلووه وتطريه وتنعمه بس مو تحطينها على وجهج وقبل النوم حطي فازلين على وجهج ورجولج والبسي دلاغات >> شرابات<< والصبح اذا قعدتي وتسبحتي تفركي بشانبو لوكس للجسم وصابونه لوكس للوجه مع الليفه الناعمه والله عن تجربه تخلي البشره تلمع وناعمه وعن الخلطات انا مااحب استعمل شي اخاف على نفسي وان شاء الله اني فدتج والبنات ماراح يقصروون في بعد قسم البشره فيه نصايح حلووه
ياااااااااااااااارب يجعل هاللنصيب زين لج ويعوضج خير وينسيج همومج ومشاكلج مع الظالم عمج ومرته حسبي الله عليهم لاتزعلين مني والله يوفقج ياعمري
الله يوفقج انشاءالله وتهنيين بحياتج الجديده ويرزقج بذريه الصالحه اميين (انا عندي خلطه مجربه حق البشره حلوه حيل تحطين هرده وعسل ونص ليمونه وتخلطينهم مع بعض وتحطين الخلطه كل يوم وانشاءالله شوفين الفرق) ودعيلي ان الله يفرج همي ويفكني من مرة ابوي
بعد عمري .... ابشري بالخير احنا خوات وخاصة في وقت الضيق والشدة.... اول شي مبرووووك الله يوفقج انشالله.. و لا تحاتين ربنا يمهل ولا يهمل كل ظالم يجيه اليوم الي ينظلم فيه... واحتسبي الأجر عند الله سبحانه... لاتزعلين حبوبة ادري عمج لكن تضايقت عليج... المهم.... 1_ خلطة خاصة بالجسم: (عصير ليمون _ خل التفاح _ جلسرين _ زيت لوز _ زيت زيتون _ كركم جسم ) تخلط جميعها وتوضع في علبة ماء صحة فارغة وتستعمل عند الحاجة. 2_ للوجه والجسم بياض ايراني وبشرة متوردة : قبل الاستحمام خذي ( مقدار متساوي من الزبادي والطحينية السائلة ) يترك على الجسم حتى يجف ثم يبدأ بفرك الجسم وبذالك تحصلين على بشرة بيضاء موردة مع الوقت. 3_ قناع للوجه: ملعقة كبيرة كركم جسم مع قليل من العسل (تعجن وتوضع على الوجه) يترك من 15 الى30 دقيقة بعدها يغسل الوجه بنصف ليمونة مع قليل من السكر. 4_ للشعر: سخني القليل من زيت اللوز على حمام مائي وعندما يصبح دافئا دلكي به فروة الرأس بعمل دوائر صغيرة بأطراف الانامل ثم ارتدي قبعة الحمام البلاستيكية واتركيه مده ساعتين. 5_ حمام الزبده: 1_ يدهن الجسم بالزبدة المذابة على النار. 2_ يجلس في حمام البخار لمدة نصف ساعه. 3_ يغسل الجسم بصابونة الغار وليفة ناعمة. وكثري من الماي ولا تنسين تقطرين فيه شوي من ماي الورد علشان بشرتج وخدودج يوردون والترطيب بعد لا تنسينه كريم الفازلين ماكو بيت مايخله منه رطبي ايدينج ورجولج دايما والبسي دسوس او كفوف قبل لا تشتغلين احسن وحافظي على ايدينج .... وانشالله اكون عند حسن الظن وافدتج ..... والله يهنييييج يارب ومبرووووك لا تنسيني بالدعاء وانا اختج ومتى ماحتجتي شي انا موجودة انشالله ادعلي الله ان يغفرلي انا واهلي والمسلمين جميعا و يوفقني وييسر امري ويردلي عافيتي اللهم اميييييييييييييين
عسى الله يوفقج ان شاء الله و يسخرلج زوجج وان شاء الله يعوضج عن كل شي فقدتيه .. بالنسبه للشعر : شدة أو حزمة جرجير + 2أو3 ملاعق أكل زيت زيتون تخلطينهم بالخلاط واذا احتجت شوية ماي مو مشكله على تنخلط الخطه عدل و حطيها على فروة الراس والبسي القبعه البلاستيكيه لمدة 3الى 5 ساعات يوم وترك وان شاء الله تشوفين النتيجه سريعه باذن الله .. باقي الخلطه اتركيها بالثلاجه للاستخدام الثاني .. بالتوفيق حبيبتي ..
أختي في الله مس انوثة الله يوفقك دنيا واخرة الله ييسر امر كل من جبرة بخاطري ولو بكلمه والله ضاقت بي الدنيا أحاول اعزم نفسي بس الإبتلاء يشتد تأخرة عليكم صاري موقف خلاني مكتوفة اليدين إذا تكلمت ياويلي وإذا سكت مت قهر والله مدري شسوي زارتنا أم خطيبي ومعاها فلوس لي حتى اجهز نفسي 10000 ريال تقول كل جماعتنا تبي تحضر ونبيها تبيض اوجيهنا صراحة انا بالمطبخ وسمعت كل شي بعدها جتني زوجة عمي وحطت بيدي 2000 ريال وقالت لي اشتري اشياء ناعمة ورخيصة حتى تبين قيمتك قدامهم ويعرفون تحبين الناعم وتبعدن عن الدفاشة بشغل الفستان والله ما قدرت امسك نفسي قدامها 000000بكيت رحت السوق عند محل متعاون مع مصممة كويتية صراحة اسعار غاااالية ياربي شسوي ما اقدر اكلم عمي لأنه بيهزئني كالعادة أسألكم بالله انصحوني شسوي احيان اقول اكلم امه بس ماراح تصدقني وراح تقول من اولها مشاكل وانا ما أبي صورة عمي تهتز قدامهم خطرت لي فكرة أني اشتري من النت فستان مستعمل بالمبلغ الي معي ادري ضيقت صدوركم بس ما عندي غيركم الله لا يحرمني منكم الله يسعدكم دنيا وآخرة
ياحياتي والله تخيلت نفسي مكانج الله يكون بعونج وكثري الاستغفار والدعاء هالايام مباركه وفضلها نفس ايام العشر الاواخر وربي بيحلها... واذا حصلتي فستان مستعمل وحلو توكلي على الله واطلبيه وحاولي تكلمين مرة عمج بهدوء وقولي لها حرام عليج ولو بنتج جان جهزتيها احسن جهاز ومن هالحجي والله يوفقج وييسر امورج ويسخر لج ريلج يارب وبشرينا شنو يصير معاج:smile:
لا تخافين الله معاج وحنا بعد معاج وانا ادعيلج بكل صلاة ان الله انشاءالله يوفقج ويعدي ليلة الملجه علي خير وتوكلي علي الله واقراي سورة البقرة كل يوم وانشاءالله ربي ييسر امورج ولاتنسين طمنينا عليج
السلام عليكم ورحمة الله وبركاته عسى كل من كتبت لي الله يحرم وجهها على النار ويرزقها من حيث لاتحتسب الله يصخر لكن ازواجكن ويصلح اولادكن وبناتكن ويبعد عنكن من لا يخاف الله فلما استحكمت حلقاتها فرجت كنت اضن انها مارح تنحل لكن بقدرة قادر انحلت حلال ثاني ما أعظمك ياربي سبحانك والله شي ولا بالخيال جتني بنت عمي تقولي تعرفين عائشة الي درست معك الثانوي (هذي صديقتي من 12 سنه)قلت ايه اعرفها قالت مشتاقه لك وتبي تكلمك اعطيتها رقم جوالي وثاني يوم دقت علي كلمتها وانا احس اني اتكلم مع أختي مدري كيف جاني هالإحساس قالت لي عندي علم بكل أحوالك والف مبروك الخطوبة وتراني ابي احظر التلبيسة (والله هي تكلمني وانا احس الأرض تدور فيني تمنيت اطيح غشيانه ياربي ناقصني هي تجيني بعد تدرون ليش لأن أخوها أمير محافظة عندنا بالسعودية وابوها خوي أمير يعني فرق بيني وبينها فرق السماء عن الأرض ) قالت لي سمر مالك إلا اخت وحدة وانا احسبيني الثانية أسألك بالله تبين شي ناقصك شي ؟ اعتذر طولت عليكم قلت لها تسلمين موناقصني شي وقاعده ادور على فستان يعجبني ما لقيت قالت تبين نصيحتي لاتشترين فستان غالي وتلبسينه يوم وتركنينه اسأليني دولابي مليان احسبيني اختك وتالي اختار لك واحد (انا هنا أنخرست عجزت اتكلم أعرف لبسها غالي وفخم لا وماترضى إلا بمصمم أعرفها تعذرت منها اني ما اقدر اجيها لأن عمي مستحيل يوافق قالت اسمعي بختار لك واحد على ذوقي بس عسى ماتغير جسمك لأني اذكرك نحيفه المهم أرسلت الفستان مع سواقها الخاص حسيت اني بحلم ماأبي احد يصحيني دخلت غرفتي فتحت الكرتون خياااال بالنسبه لي ماتخيلت اني راح البس هالنوع تعودت اشوفه بالتلفزيون لبسته رووووعه بس فيه وس شوي مومشكلة اضيقه والحمد لله انحلت بس لو تعدي التلبيسة على خير كان ارتاح والله اني بكل فرض بصلاتي ادعي لكل وحدة فيكم الله لايخليني منكم
لا والله حشى عليهم التقصير عز الله كفو ووفو ربي يحرم وجيههم على النار يكفي كلامهم خلاني اقوي صلتي برب العالمين بعد مرحلة الضعف الي مرة علي واني أختي تخيل جزاك الله الف خير ماتقصرين والله الله يحفظك لعين ترجيكي وعسى ربي يحفظلك كل غالي
الله يوفقك انشاءالله وتهنيين بحياتك الجديده ويرزقك بذريه الصالحه اميين والله يجعل كل ايامك حب وافراح وسعاده وراح ندعيلك
الحمدلله ياحياتي انها انحلت مشكلة البدله والباقي مقدور عليه باذن الله الله يوفقج ويسعدج ويعوضج خير :smile:
حبيبتي الف مبروك و الله يتمم عليج شدي حيلج و خلي ايمانج بالله قوي و الله صدقيني بعد كل عسر يسر صدقيني الله راح يعوذج كله خيرررررررررررررررررررررررر ياريت كنا جنبج و نساعدج ما فينا غير الدعاء روحي موفقه دنيا و اخره
هلا اختي . . . ربي يوفقج يااارب يمكن ردي تأخر لكن عليج بالفازلين حطي فازلين ولبسي قلفز قفازات ونامي فيهم وفي كريم مصري اسمه اعتقد لونا اعتقد جذي روعةةةة صج روعة
