هاى بنات اخباكم المشكلة ومافيها ان صديق خالى كبير فى العمر متزوج وعندة ثلاث اولاد شافنى وانا نازلة من السيارة وقالى ما شاء الله هذى انتى ؟ والله كبرتى قتلة كل صغير يكبر وهذا شى طبيعى وهذى حياة الدنيا المهم قالى نادى خالج وقتلة ان شاء الله ثانى يوم شفتة عند الباب وبنفس الوقت وبروحة وقالى انتى تسوين رياضة او داخلة معهد؟ قتلة لا وانا من طبعى احافظ وقت الاكل قالى يا حظج واللبس ماشى عليج ؟؟؟؟ مو مثل الى عندى صايرة درام الصراحة قهرنى وقتلة تبى خالى قالى لا ؟ صدمنى ولا اعرف ارد على ؟ قتلة شنو تبى قالى الصراحة انا معجب فيج وفى اخلاقج وهذا رقمى ابى اكلمج فى شى خاص قتلة لو سمحت روح قبل لا اسوى لك مشكلة وافضحك بين البيوت والجيران انا من طبعى ما احب المشاكل ولا احب خالى يعرف شى عن الموضوع خالى نوعة يذبح خرفان وانا خايفة يذبح صديقة على المشكلة هذى ؟ يا بنات شنو اسوى وين اروح واقول حق منو انا يتيمة اب ؟ وكل عمامى عايشين برة الديرة
كلمي خالك وقوليلة الصراحة وماراح تندمين هذي اولها والاخر اعظم وراح يتمادى ولا تفتحيلة الباب وانتي عارفة انة عند البار لا تروحين خلي غيرك يفتحة ويشوف انتي لا قدر ماتقدري ت تحاشي الخروج في الاوقات الي يجي فيها ولا تتمادين في الاجوبة الي يسأل فيها عنك وانتي محرمة علية وتتكلمي معة وانا اختك لاتتكلمين معة احذري ومن محبتي لك دخلت وجاوبت اول وحدة وهذي نصيحة لك والتالي اعظم واجل والحمدالة انة خالك ماشافك في وضع الخبيث الي يقدر يسوية من اشياء تخوف ويتنزلي من قيمة خالك لك فحذري هذا الشي محبتك اميره لحيان ودمتي بحفظ ارحمان وصونه
لاااازم تقولين لخالج لاازم وصدقيني ماراااح تندمين حبيبتي انتي المفروووض ماتجارينه بالكلاام يمكن شافج على نيااتج قال بماا انهااا تكلمت معااي فالبدايه فأكيد رااح تكلمني بالتلفوون ورااح اكوون معااهاا احلى علاقه((هذولاا كلاب حشاااج وحشاا الساامع)) وماتدرين شنوو يفكروون فيه لاتخلينه يتماادى وقولي لخالج صدقيني انتي بتكبرين بعين خالج تدرين ليش؟؟؟؟؟؟؟؟؟؟؟؟؟؟ لأن رااح يااخذ عنج فكره انج ماتخشين عليه شي وانج صريحه وخايفه على نفسج وسمعت العايله
انا اضم صوتي لصوت الخوات قولي حق خالج لا تخلين الموضوع يتطور وبعدين تندمين او بالصدفه يشوفه خالج عند الباب معاج وبعدين حتي التفسير ما ينفع اول شي راح يقولج ليش ماقلتي لي من اول مره فحلي المشكله من بدايتهااا قولي لخالج قولي لخالج
وانا مع البناات كلمي خالج وضروري ضروري مو تسكتين لان هذا متغافل خالج ومايصير انه يماشيه لا تسكتين كلميه وصدقيني ماراح يذبحه بس يبي يادبه ويعلمه ان الله حق وانه مايتمدى على بنات خلق الله
أنا مع خواتي في كل الي قالوه بس فيه شي ما يعرفه إلا الي مر عليه مثل هالموقف انا مريت بموقف مشابه بس الفرق أنهم ما صدقوني لأنه أخ مرة عمي تدرين وش سويت قويت حالي شاف قدامه وحده قويه مستعده تسوي اي شي ولا ينولها بتقولين كيف؟؟؟؟ أحشمي حالك عنه يعني استتري لايشوف محاسنك هذي اول خطوة ثانيا :انتبهي تعطينه وجه لو صادف وتواجهتم بمكان ثالثا: إذا نشبلك عطيه كلمه بزمره يعني بعصبية والله بيخاف منك وراح يتأكد انك صعبة المنال ويعملك الف حساااب والله يحميكي ويحمي بنات المسلمين اللهم آآآمين
ماقصرو البنات بالنصيحه قولي لخالج واذا انتي خايفه على خالج من المشاكل اول شي انهريه وخوفيه انج تفضحينه عند خالج هالاشكال تخاف ماتستحي ولاتكلمينه ابد
مشكورين حبايب قلبى على النصايح الجميلة تصدقون ما كلمت خالى للحين وانا خايفة علشان لا تصير مشكلة كبيرة انا اعرف خالى عصبى وايد ولا يرحم نفسة انا شفت صديقة وكلمة عند الباب وقتلة والله اعلم خالى وانت ما تستحى على ويهك تدرون شنو رد على ؟ يقول انا ابيج بالحلال وابى اخطبج هههههههه ضحكنى والله الرجال كبير وعندة اولاد ويمكن الكبير قد عمرى ويبى يخطبنى ناس حدها فاضية ههههههه
حبيبتي قولي حق خالج و ارتاحي اخر سطر .... عادي دام خالج يذبح خرفان خل يذبحه لانه خروف يصير خروف العيد
حبيبتي لاتكلمين خالج فكي عمرج بقولج انتي اللي خليته يتمادى ويكلمج انسي الموضوع ولاتكلمينه ديري بالج واذا شفتي اللي تحرش فيج ولا كانه موجود طاف ولاطالعينه صدقيني راح يفك عنج بس طنشيه
انا مع البنات .. لازم تكلمين خالج ,, يحط حد حق هالمواقف ,, لنه بيتمادى اكثر لو شاف انج ساكته ولا سويتي شي ,, الله يبعد عنج كل شر يا ربيه ,,
هلا أختي . . . من البداية كان لازم يكون ردج مختصر ولا تجارينه في الكلام لانج لما قلتي له كل صغير يكبر ومن هالجمل خلت في مجال للحجي والتواصل بينكم . . . شوفي يا بنتي ان شفتيه مرة ثانية قولي له عيب عليك وصج انك مو كفو حشيمة ولا احترام وان سمعت منك كلمة زايدة صدقني بتندم على اليوم اللي تماديت فيها بالحجي وياااي وان ما ارتدع كلمي امج وخليها تراقبج وانتي طالعة علشان تصيده بالجرم المشهود وبعدها واخر شي خالج ان ما خاف منج . . . ومثل ما قالت الاخت احتشمي في لبسج لانه حقير وعينه على تفاااصيل جسدج وهذا اللي خلاه يتمادى
