يهم كل احد...

السلام عليكم اخواني واخواتي
اسمحولي انا عضوة جديدة في المنتدى
وحابة اطرح موضوع وسامحوني على صراحتي


بصراحة اوقات ادخل منتديات كثير عشان اتعرف على خلطات للبشرة او الشعر
والاقي اشياء غريبة حطي مدري ايش مع مدري ايش عشان التبيض
اخلطي مدري ايش مع مدري ايش لشد البشرة
افعلي هذا وحطي هذاك وكلااااااااااااااااااام لبكرة الصباح
اللي يدقق فيه يشعر انه كلام مو صحيح

حبايبي انتو كلكم زي اخواتي او بالاحرى صرتو اخواتي
الله يسعدكم لاتصدقون اي شي ينكتب عن الخلطات
بالفعل في بعض الناس يحبون يكتبون اي شي حتى لو مو مجربينه
او حتى مخترعينو من راسهم بس عشان يزيد رصيد موضوعاتهم
وحطو براسكم دايما انه في خلطات ممكن تناسب اختك بس ماتناسبك
يعني مو اي خلطة مناسبة لك
فنتبهو الله يرضى عليكم

واطلب من اي احد ناوي ينزل مواضيع بهالخصوص انه ينزلها بأمانه
عشان مايتحمل وزر احد

وسامحوني على صراحتي بس حبيت افيدكم
وكل سنة وانتو بخير