يوميات ريجيمي !!

قوة بنااات
انا بسوي يوميات ريجيم من باجر انشاله راح اصارحكم شنو كليت وشربت :tongue_smile:
لحظات الظعف :emoticon_U:
لحظات القوة :48_48:
لحظات الحرمان :1:
لحظات الحزن :cry_smile:
ابيكم تعيشون معاي الرجيم عشان تشجعوني و توقفون يمي

انا وزني 95 كيلو و طولي 157 يعني السكه طوييييييييييييييييييييييييلة :71_71:
انا لازم اظعف عشان أقدر احمل ادعولي يا بنات و لاتنسوني كل يوم طلوا علي و شجعوني

بسم الله الرحمن الرحيم نبدأ

اليوم الأول​

انا اليوم رحت الدوام و الحمد لله ما كليت شي بس فنجان قهوة تركية بدون سكر
و الغدا توني خالصة منه والحمدلله كليت موزة و كوب حليب باااااااارد
أنا اليوم وايد متحمسة عشان جذي نفسيتي مو تعبانة بس شوي قارصني الجوع الله كريم
اشوفكم وقت العشا و اللي تبي تبتدي ريجيم معاي حياها تشاركني يومياتها و نشجع بعظ​

موفقه يا قلبي وانا اول من يشجعج :74_74:
وياليت تبتدين بدايه قويه نفس مابدين انا
كنت اول اسبوع اكل علبة روب باليوم بس واتفنن كنت احط مع الروب
نعناع شويه وشوية زيت زيتون وعليها لي ثاني يوم
والاسبوع اللي وراه طبقت الريجيم الثلاثي
اللي هو اول 3 ايام سوائل
و3 ايام سلطات
و3 ايام روب
وقعدت على الثلااثي اسبوعين مع تمارين رياضيه خفيفه
وكان وزني قبل الريجيم 65 وطولي 152
وحاليا" 52 << شرايج فيني :wink_smile:
بس الصراحه صج تعبت شوي والنفسيه موشي بس النتيجه كانت روووووووعه :shades_smile:

فديتج يا الأميييرة انا و الله احسج مميزة وايد مستانسة انج نورتيني

اليوم طبخت مجبوووس دجاج و ريحة المجبوس صراااااااحة موتتني بس خليت زوجي ياكل المجبوس عليه بالعافية و انا سويتلي صلطة تونه جني فقيرة اكلها بس الحمدلله النفسية مرتاحة
الحمدلله مر اليوم الاول بنجاح و باجر انشاله القاكم مع يومي الثاني

ملحوووظة : انا ماحب الرياظة لكن غصب امارس رياظة المشي لمدة ساعة يوميا (ان طاعك الزمان و لا طيعه )

بالنسبة للرجيم يا بعد روووحي وااايد صعب اشرب بس سوايل احس جبدي تلوع انتي ادعيلي و لا تنسين تطلين علي عشان اللي يشوفج يحس بالراحة النفسية​

حياتي الله يوفقج ويارب توصلين للي تبينه
والله انا احتاج رجيم وكل يوم اقول باجر بس شسوي مااقدر
وبعدين دوامي مايساعد ودي اضعف حيل بس مادري شسوي تعبت

هلا و غلا ورد و ياسمين ليش ما تقدرين لازم تقدرين شرايج تكتبين يومياتج معاي و نتشارك و نتابع بعظ و خلي يوم فري انا يوم الخميس بخليه فري عشان النفسية ما تروح الحظيظ و ليش دوامج ما يساعد ليش نظام شفتات ؟؟؟

مشكوووووورة

اليوم الثاني

انا اليوم قررت ما اتريق الا ماااااي ابي انظف المعدة و الامعاء عشان احس اني ظلمتهم واااااايد امس نمت وانا مرتاحة عشان ما تعشيت عشا ثقيل و قمت اليوم نشيطة بس انا اليوم مطنشة الدوام
نشوفكم وقت الغدا و العشا :wink_smile:

يا بعد قلبي وعسى الله يوفقكم يارب وانا معاكم متابعتكم وحاولوا تمسكون انفسكم شوي
وشوفوا النتايج ان شاء الله خير يارب :smile:

امين فديتج يالاميرة الحلووووووووووووووه

فداج الكون يا قلبي
ويالغلا كنت اشرب مع رجيمي بذرة الكتان فضيييييييييييييييييعه :smile:

اي انا راح اشتريها قالوا عنها وااايد زينه و قريت عنها في المنتدى

انا اليوووم تغديت صحن صلطة كبيييييييييييييييير و تعشيت توستين وجبن + تفاحة + عصير برتقال طبيعي


الحمدلله عدا اليوم الثاني على خير باجر انا بريك و اشوفكم عقب باجر انشاله:wink_smile:

الله يوفقج ياااارب وتوصلين للوزن اللي تبينه

ويرزقج بالذريه الصااالحه اللي تقر عينج

وهالله هالله اهم شي النفسيه تكون مرتاحه وكل شي يهووون

وعلى فكره رجيم دشتي سهل وحلوو ومايحرمج من شي وبسرعه تنزلين عليه

اختي نزلت عليه حيييييييييييل

كانت بس ماتاكل العيش والنشويات والخبز طبعااا ممنووووع منعا باتا

وتستبدلين الخبزه بالخس لو تاكلين دجاجه كامله مايضرج بس بدون خبز

وكانت تطلب مشويات وتاكلهم بدون خبز .

وترى تلقين برنامجه بالنت

ومووووووووووووووفقه ياااااااااااااااااااااارب

:teeth_smile:

عسوووووووله وينج انا فاقدتج من امس الحمدلله انج بخير انا ناوية انشاله بس كل شي بالتدريج بس لو الله يفكنا من العيوش احنا بخير :emoticon_U:

مشكورة على طلتج الحلوة

ماتفقدين غااااااالي يالغاليه والله

وان شاء الله توصلين للوزن اللي تبينه

وعن بذرة الكتان ترى عندج مخبز امير الامراء اللي بالفروانيه عندهم فرع

يبيع خبز وتوتست وبقصم كله ببذرة الكتان وترى يوصلوون .

اذا تبين رقمهم حاظرين للطيبين:wink_smile:

مشكووووووووووورة بس سمعت انه يسوي عقم صج و لا لا

يسلموو
^_^

عيون ذباحة مشكوووووووووورة على مشاركتج قولي حق الناس تلبس نظارات عشان عيونج ما تذبحهم هههههههه :shades_smile:

موضوعج غريب وحلو بالتوفيق يارب وآنا راح أتابع معاج الموضوع ان شاء الله :regular_smile: