اشلــــونكم ياأحلــى كويتيــــات آنــا بدخل بالموضوع عرس اختي قريب حيـــل وابي منكم أفكـــار (( جــــــــــــــــديــــــــــــــدة )) لخـــوات العـــروس وطلبــي الثاني منكـــم ابي فكرة لرداء او حــركة انتغطـى فيها لما يدخل المعرس غير العباية او الرداء اللي مثل لون الفستان لانها قديمة ولكم جزيل شكري وتقديري ومع ارق تحيــة
مبروك عرس اختج والله مادري بس انا شفت الحين البنات يلبسون العبايه بس بدون كم عرفتيها او لا مثل الشال وتغطي الراس وقصيره ولونها شفاف ماعرف شلون اوصفها لج بس كشخه وعليها من عند الشعر يعني تغطي نصه بس عليه تطريز كشخه وناعم وفي عند بدون اسم بحولي روحي شوفيهم قولي لها عبايات عروس روعه اخذي فكره
حبيبتي انا عندي لج فكره كنت مسويتها بعرسي سويت شمسيه كلها من الدانتيل وعليها تركيبات عجيبه راقيه وذربه وتغطيت فيها لما دخل المعرس ....طبعااااااااااا الدانتيل يكون نازل وطويل علشان يغطيها ومايبين منها شئ ......اما بالنسبه لخوات العروس سووا رداء كأنه عباية كتف من نفس لون بدلة كل وحده يعني له اكمام طويله وسووا معاه قبعه ثابته مثل ليلي والذيب هههه واشتغلي عليه باطراف الكم والراس باي شئ تحبينه........اتمني اكون فدتج بشئ والله يهنيها ويوفقها ومبروك مقدماااااااااااااااااااا
ماكو اكشخ من العبايات الشيفون المطرزة ومتروسة شوارفسكي مع الملافع الهامة لخوات العرووس عندج الدب اللي بالفروانيه شغله غريب وام انور للملافع ومبرووك مقدما
بصراحه تحمست حيل تسلموووون احنا تونا ماحددو العرس وانا بعد تحمست حيل وعطوونا بعد موديلات مثل هالشغلات تسلمون
افكار رائعه لتزيين وترتيب جهاز العروس (1) سجاجيد الصلاه : - نشتري سجادة صلاة وشرشفها أو شيلة الصلاة .. بلونين متناسقين .. او تشتري اطقم سجاده الصلاه وشرشفها .. بالنسبه للشرشف الي تستخدميه جمعه مع السجاده .. وممكن كتاب الأذكار مع المسواك .. ونجمعهم كلهم في علبة .. ونغلف العلبة بالتجليد الفاخر لأنه بيستخدم لفترة طويلة بإذن الله ..مثل الصورة التالية .. بالنسبه لسجاجيد وشراشف الضيوف .. بامكانك وضعها في مثل هذه الصناديق .. او اي من الصناديق المميزه الموجوده في الاسواق (2) الملابس : - ثاني شيء نروح للمحلات اللي فيها أدوات التخزين والعلاقات والعلب الخاصة بالدواليب ونشتري طقم كامل .. باللون واحد حتى يكون جداا مرتبه وحلوه ونبدأ نعلق الملابس بأنواعها .. ممكن نعلقها وومكن نطبقها او نغلفها بأكياس شفافة .. عشان نحتفظ بترتيبها وريحتها المعطرة .. وهذي بأكياس الأورجنزا .. وهذي بدون كيس ممكن تربطيها بشريطه فقط للملابس الداخلية طبعا بيكون عندنا نوعين .. النوع الفخم والأطقم ...والنوع العادي اليومي .. النوع الفخم حطيه بأكياس أورجنزااا ..أو أكياس خاصة يبيعونها في محلات الملابس الداخلية .. شوفي معاااااااااااايا وشوفي الأفكاااااااار قمصان النوم : - طبعا حلو تغليفهااا للإبتعاد عن أعين الفضوليييين .. ممكن نغلفها بكراتينها وممكن بأكياس أورجنزا وممكن بأكياس خاصة نخيطها .. وبامكانك غسلها بداخل الكيس علشان تحافظي على قمصان النوم رقيقه .. وماتتشابك مع الغسيل .. (3) العباءات .. من نفس الأكياس السابقة .. نشتري كم كيس أسود متوسط الحجم .. تراه متوفر في محلات الخياطة .. وممكن نزينها بالورود والكلف او أي شيء تحبينه .. ونحفظ فيها العبايات .. ونحطها كلها في صندوق ونزين الصندوق إذا حبيتوا والحين نوزع أكياس الورود المجففة في كل مكااااااااان .. يعني في ادراج الملابس الداخلية ..وأدراج التسريحة والحمااااااااام أعزكم الله .. وخذوا الأنواع اللي تتعلق وعلقوها في علاقات الملابس وشوفوا هالأفكار من الأكياس .. وهذا بين الملابس .. (4) أفكار وعلب لحفظ المجوهرات .. ويوجد انواع اجمل وحجمها اكبر والوان مختلفه (5) المكياج .. طبعا أنا من النوع الي احب يكون المكياااااااج في شنط صغيرة مثل المقلمة .. وسهلة النقل من الغرفة للحمام أو شنطة السفر حتى .. والان العطور العربية خذي لها الزجاجات اللي مثل الكريستال .. على فكرة هي رخيصة جداا ..وفي منها كريستال عند محلات العطور مثل كذا .. وغلفيها بهذا الشكل الرائع 6) ولا تنسين المبخره .. (7) افكااااااااااار لتنسيق الأحذية اكرمكم الله .. شوفوا معايا هذه الافكار ..لو تحصلون مثل هذي العلب ..يكون عز الطلب .. (8) ترتيب الشباصات ( البكل وربطات الشعر والأكسسوارات ) .. وممكن تجمعينهم جميعا في علب متشابهة ..وتنسقينها بهذا الشكل .. على شكل طبقات ..العلب متوفره في الاسواق ..
يعطيج العافيه أختي على المجهود الرائع بس حبيت أسألج وين بلقى الشغلات هذي اذا تعرفين رقم شركه او اماكن مخصصه لهذي الشغلات ياليت ترسلينها لي لاني عاروس ومحتاجتها حدي
