______(( كلمات في أذن كل تاجره وزبونه ))_____

بسم الله الرحمن الرحيم



عقب ما دشيت هالمنتدى وشفت العجايب فيه بالنسبة للبيع والشراء بغيت اقول كلمات حق التاجره أول شي

لحظت ان وايد تاجرات يحلفون ويقسمون اشكال وانواع من القسم عشان تبيع منتج بدنانير بسيطه وعشان تربح دنانير قليلة ، منهم إلي يقول أقبضي 2000 دينار ؟؟؟؟؟؟؟؟؟ ومنهم إلي يقسم على خلطه حق البشره و و و و وايد امور لحظتها وتاجرات يقسمون ان المنتج مالهم أرخص من سعر السوق وعقب فتره نلاحظ نفس المنتج بسعر وايد أقل

الخلطات ، آنا وايد احترم كل بنت تبيع الخلطه بس بنفس الوقت لما تبيع الخلطه لازم تكتب شنو مكوناتها بالتفاصيل وتكتب أرقام تلفونات بنات مجربينها مو التاجره تقعد تألف قصص وروايات ان الخلطه الي عندها تخلي العجوز بنت 14 العمر له حق والبشره لها عمر وهذا الشي ماعليه خلاف ابدا ً ، ولازم البنت تكتب ان الخلطات هذي حق اي نوع من البشره ولازم هالخلطات هذي تترخص من وزارة الصحه مو بيع أي كلام ؟؟؟؟؟؟؟

أختي التاجره مو عشان دنانير بسيطه تحلفين وتقسمين بالله هذا الشي فيه كذب ورياء على الناس وهو حرام



ألحين وقت الزبونه ، أختي قبل لا تشترين لازم تعرفين ان الي قاعدة تشترينه موثق ومعروف ومنتج مضمون مو خرابيط ممكن تكون بالنهاية أزمة حق جمالج وتعطيج نتائج مؤقته وبالنهاية يبين أثرها السلبي عليج



والله يوفق الجميع

هلا أختي . . .

اتفق معاج بمسألة الحلف والقسم بأغلظ الأيمان في التجارة أمر منفر والسبب إن ربما تكتشف الزبونة أمر مغاير بعد عملية الشراء

وكل تاجرة تحرص على تجارتها تفكر إن اللي شرت منها تثق بمنتجاتها وبسعرها وأهم شي إنها تكون راضية عن المنتج

طبعا مسألة الحلف والقسم بالله ما نقدر نقووووووول كل التجارات يسوون جذي لكن البعض يبالغ فيه لدرجة الغثيان !!

وأتفق وياج إن كل مشترية تقول رايها بمنتج التاجرة وكان في موضوعين من مشتريتين قالوا رايهم بالمنتج

لكن إحنا نبي الكل يقول رايه هالشي بيقوي من سمعة التاجرة ومنتجاتها وأيضا يبين لنا مدى صدقها ورقي منتجها

يعني التاجرة بتستفيد وأيضا العضوة اللي تفكر تشتري تستفيد من تجارب زميلاتها العضوات اللي شروا وكتبوا ملا حظاتهم

على اللي شروه . . .

ونأكد إن المنتدى يخلي مسؤوليته عن أى تعامل تجاري بين التاجرة والزبونة

وحياج الله أختي بالمنتدى

وبثبت لج الموضوع يومين وبقرأ ردود العضوات والتاجرات وبعدها بلغي التثبيت ​

مشكوره اختي على التثبيت وما تقصرين والله يوفقك الجميع للخير

والله ماقصرتي حبيبتي عالكلام وان شاء الله مااحد يفهم غلط وان كل اللي قصدتيه المصداقية
دنانير ماتعوض شخص اذا لا سمح الله حاشه شي من هالسلع
موفقين ان شاء الله

يعطيكم العافية و عساكم عالقوة ..
جزاكم الله خير على هالمواضيع الزينة ..:teeth_smile:


واذا على الحلف بالبيع والشراء .. فهذا يبيلة موضوع خاص كاااامل ..
أحب اختصر هالشي باني احط جم حديث للرسول صلى الله عليه وسلم ..


عن أبي قتادة الأنصاري؛
أنه سمع رسول الله صلى الله عليه وسلم يقول (إياكم وكثرة الحلف في البيع. فإنه ينفق ثم يمحق).
رواه مسلم . :mskket:


عن عبد الله بن أبي أوفى رضي الله عنه:
أن رجلا أقام سلعة، وهو في السوق، فحلف بالله لقد أعطى بها ما لم يعط، ليوقع فيها رجلا من المسلمين، فنزلت: {إن الذين يشترون بعهد الله وأيمانهم ثمنا قليلا}.
رواه البخاري.


عن أبي ذر، عن النبي صلى اله عليه وسلم قال:
"ثلاثة لا يكلمهم الله يوم القيامة: المنان الذي لا يعطي شيئا إلا منة. والمنفق سلعته بالحلف الفاجر. والمسبل إزاره".
رواه البخاري .. الفاجر = الكاذب .


وغيرهم وايد .. بس اكتفي بهذا القدر ..

والحمدلله الصراحة انا التمس في وايد من تاجرات المنتدى الخير .. والرغبة في رزق الله الحلال :thumbs_up: ..
وفي تاجرات نطلب من الله يثبتنا ويهديهم ..

وفقكم الله خواتي .. :biggrin:

مشكورين وايد على ردودكم الطيبه

يوفقج ربي
آمين

وايد حلووووو

جزاك الله حير و بارك الله فيك

الله يكثر من امثالك

تسلم عيونك

الله يكثر من امثالج واللي فيها دين وخشيه من الله مستحيل تضر الناس عشان مصلحتها والحلف بالله موشي عادي عشان كم فلس والرزاق رب العالمين

مشكوره حبيبتي على كلامج الحلو .... عداج العيب

اتفق معاكم 100% علشان جذيه انا ما اشتري شي الا كان مضمون او احد مجربه لان احد الخوات قالت انها جربت خلطه عيزو يمدحون فيها والنتيجه التهابات ................... مشكوووووره واااااااااايد كثر الله من امثالج

عفية عفيه ام عبدالله طلبتج لا تفكين التثبيت عن هالموضوع لازم يظل مثبت على طوول لانه مهم جدا جدا ,,
وعشان اللي ماتخاف من ربها .. تخاف عالاقل من الفضيحة وعلى اسمها ..
وياريت اي وحده انغشت في منتج معين تذكره وتذكر تاجرته عشان تنقذ البقية الباقية


ويعطيج الف عافية صاحبه الموضوع

بالتوفيق انشاء الله

موفقة يارب

اي والله صدقتي بكل كلمة قلتيهاا

بس آنا مومعاج انه التاجرة تقول المكونات هذي حقوق التاجرة واذا قالت المكونات خلاص شالفايده اذا
باعت والكل عارف المكونات جذي بتخسر

بس آنا مع سالفة انه مرخص من وزارة الصحه اضمن واحفظ للناس صراحه

وآنا لله الحمد واعوذ بالله من كلمة آنا منتجاتي كلللها طبيعية 100%
وآنا اللي اخلطها بنفسي والله العظيم اني ماشريت خلطه جاهزة
كلها من صنع ايدي وشغلات معروفه ومضمونه واصليه

يعني حرام على التاجرة اللي تبي فلوس وبس ,, وين الخوف من الله انه يبليها ؟

وآنا مع انه كل بنت تكتب تجربتها مع التاجرة

والحمدلله اكتبت احد الخوات تجربتها معاي وشافت النتيجه اللي ترضيها

سوري طولت عليكم

السلام

مشكوورة اختي عالتنبيه

يعطيج العافيه
وتسلم ايدج