تكفون يابنات انا متزوجه ولي الحين 8 سنوات وعندي 3 عيال وعمري قرب الثلاثين وزوجي اكبر مني بخمس سنين المشكله تكمن اننا على طول في خلاف ولايمكن يمر اسبوع الا صاكه هوشه انا ادري انه يحبني وانا اموت فيه* اللي يخرب علينا اننا مانعرف نقول لبعض كلام حلو حياتنا جد بجد وذابحنا بعد اننا نتكبر على بعض كل واحد يحمل الثاني الخطأ. والله تعبت انا كتبت هالموضوع وتونا متهاوشين ويقولي ياتعدلين ياكل واحد يروح بطريقه. ادري طولتها عليكم بس ابي منكم نصايح تكفون شسوي:cry_smile:
ياحبيبتي الرجل مهما كان شديد لازم المراه تكون الين منه والمراءه هي سيدة الرومنسيه اذا ماقدرت بذكائه تمتص غضب الرجل راح تكون حياتها مثل الارض الجدباء الي مافيها مويه نصيحه من مجربه تحبك لله وفي الله اكسري غرورك وكبريائك فليس بينك وبين زوجك الا كل حب فلا تخسريه لانكي سوف تندمين الايكفيكي قول الرسول صلى الله عليه وسلم ( ايما امرأة ماتت وزوجها راض عنها دخلت الجنه ) اي كرامه بعد هذه الكرامه تريدين اكسري الجفاء ببتسامه فهي صدقه ارسمي حياتك مع زوجك بورود الحب ولا تشمتي اعدائك بكي واكثري الاستغفار فهو خير مخرج من ماأنت فيه ..........................
يالغلا ما في شئ اسمه كبرياء بين الحرمة وريلها هو يحبج وانتي تحبين فحرام تخسرينه وتضيعيين اجمل ايامج بسبة الكبرياء واذا ع الكلام الحلو والذرابة تعلميه اشتري دفتر واكتبي فيه كل جملة فيها مدح او اطراء او شكر وتعلمي اتطلعينها من كل قلبج مثال// يوم يعطيج مصرروف قولي له (فديت البوك وراعي البوك. ) يوم ايطلعكم انت والعيال / قولي له ،، الله لايخلينا منك يابعد عمري. يوم ايب شي للبيت او يصلح لي شي في البيت/ عساك عالقوة ياقلبي. وانتوا ما شاء الله عليكم اهل الكويت الطيبين ،،، الذرابة في لسانكم مثل الاكسجين في النفس ماعليكم اقصور. ونحن اللي نتعلم منكم من اغانيكم الحلوة ومسلسلاتكم ويوم اتزورنا في الامارات. والكلام السنع اللي نسمعه منكم. انت ياقلبي يبالج كورس تعليم وتطوير ذات ابتدئ من عمرك اولا وعقب انت تتغيرين صدقيني ريلج بيتغير وبيتنازل هو بعد عن غروره وكبريائه وطمنيني عليج.
والله البنات ما قصروا انتي عرفتي العله انكم تتكبرون على بعض لا تنطرين انه يتغير انتي ابتدي غيري اسلوبك معاه ماتحبين تعيشين حياة رومانسيه انتي اخلقيها الاولين قالوا ( طب الريال طب هيين لقمه هنيه وقلب لين ) الله يسخركم لبعض ان شالله
مرحبا اختي بصراحه كلام اختي عذابه هو عين العقل وامانه طبقه انا مثلك اختي مثلك مشاكل بمشاكل صارلي متزوجه خمس سنوات بس جلس مع نفسي ليش اناكذا ليش ماضحي واخضع صار اذا تهوشنا اسكة ومااتكلم واقول طيب مالك الامايرضيك انا غلطانه انا اسفه واحيانا هو الغلطان بس وش اسوي عشان اكسبه واذا جاب اغراض اقولالله يعطيك العافيه والصبح اصبحه بالخير واذا جا من الدوام استقله والمساء اذاقام من النوم بعد الدوام المسيه بالخير اختي وش نسوي مالنا الاالله والدعاء والصبر وتناااااااااازلي عشانه زوجك مالك الا هو وعيالك لايصيرون ضحيت الكبرياء مثل ماقالو ظل رجل وظل حيطه ودايما قبل ماتنامين صلي ركعتين ودعي اللهم اسخرلي زوجي واختي الاستغفار وبعدينخلي لسانك دايم حلو ياحياتي ياقلبي ودايما احظنيه انت قلبي وعمري وشوفي والله تكسبينه والله انا سوي كذا والحمدلله احس حياتي تغيرة ولا تروحين بيت اهلك وتصيرين عاله عليهم ولا ترى بيدور اللي تريح بالي لو كاااااااااااااان يحبككككككك الرجال ماله الامصلحته ادري طولة عليك بس انشاءالله استفتي تحيااااااااااااتي الله يصخرقلب زوجك لك ويجعلكي قرررررررررة عينه اللهم امييييييييين
