m3a1 دا كله برمش عين

قولت اكتب صعيدىجت معايه كده

ارجو ان تنال اعجابكم




من اول نظرة عين فى لجانا احنا الاتنين

وجلبى بات مسكين ويشكى حاله لمين

جلبى منى يشكى لى النظره كانت جويه

سهم رمشه جرح عنيه ما انسها يا بوى سنين

وجلبى يدج دج واجوله عندك حج

اللى جال المثل صدج جرحنى برمش عين

جولت والله ما هسيبه لازم ابجى نصيبه

وابجى لاخوه نسيبه بفرحنا احنا الاتنين

شديت على داره طوالى وخدت معاى خالى

عشان يبجى لى حلالى وفرحى يكون ع الزين

جابلنا ابوها ع الباب سلم سلام الاحباب

وجال ما هم اغراب افسح يا واد يا حسين

جتكم لى فرحى يكمل بيها فرحى

وبنتى سبب فرحى خطبها الواد حسين

جمت فزيت فى الحال وتهت فى الخيال

ما بجتش عارف الخال انه ف اللى جعدين

والدنيا تلف لف وجلبى بنبضه وجف

وعجلى طار وخف ودا كله برمش عين


مصطفى
​