To do list

بنات شلونكم ؟
بقولكم اليوم موضوع لا منقول ولا شي وهذا عن نفسي
عمري 19
اشتغل بمكتب سفريات
ادرس اداب انجليزي بالجامعة المفتوحة
ابي اصير مدرسة انجليزي
اول شي كنت بس اشتغل عشان معاشي استانس فيه وبس
الحين زاد طموحي قام افكر وانا اشتغل شلون مو بس اخذ معاشي ووناسة لا قام
احاول ازيد معاشي كعمولة او بونص وجذي اول شي صدفة عجبتني فكرة وسويتها اعلان ماكنت اعتقد راح تعجب احد بس سويتها ببرنامج وورد !! بس عجبت الموظفين ووروها مديري وعجبته الفكرة
هذا اكثر شي شجعني اني ازيد طموحي
قام اخذ كورسات على حساب الشركة ادري من اول اقدر اخذها بس ماكان عندي طموح
وقام اتعلم فوتوشوب عشان راح يفيدني وقام استغل اي فرصة جدامي بدال كلمة مالي خلق
وقام اتعلم شغلات ممكن ماتفيدني الحين بس راح تفيدني بعدين
قام احاول اكون شي بس كل هذا جزء صغير من رحلتي اني اكون شي
وترا القصة مو صعبة بس يبيلها ارادة ومو عيب انج تضعفين بيوم من الايام بس حزتها اخذي بريك وردي اقوى من اول
انا صج ابي اصير مدرسة بس مايمنع يكون لي دخل ثاني استانس فية وعيالي بعدين يستانسون فية واكبر واصير شي وعيالي يصيرون من بعدي

انا احبكم وابيكم تسوون to do list نفس اللي بتلفون كل وحده فيكم
وكل شي تبينة تكتبينة وكل شي تخلصينة تحطين يمة صح

وابيج تكتبين to do list مالتج اهني ورقميهم ورتبيهم ولما تسوين هالشي دشي حطي صح يم الشي اللي خلصتية حتى لو كنتي تبين تضعفين حطيها بالقائمة مالتج حتى لو في اثر حبه بويهج وتبينه ينشال ولا تستحون ترا كلنا خوات وكلنا راح انشجع بعضنا ونساعد بعضنا
وعفية بنات تجاوبو معاي ترا في وايد بنات يشوفون شي جدامهم ويقولون تخيلي لو انا اسوي نفس هذا وهالبنت نفسها تقدر تسوي احسن منه بألف مرة بس مو عارفة
قدرتها اللي بداخلها دوري داخلج وحققي كل احلامج وطموحاتج
وقوليلنا النتايج
وترا كل ماتكبرين راح تكبرين بلدج معاج كبرو طموحاتكم ومعاها تكبر الكويت



وناطره ردودكم وطموحاتكم
واكرر الى كل المشرفات ابيكم انتو تبدون عشان تشجعون العضوات

يسلموووووووووووووووووو