سلام عليكم خواتي بغيت رايكم بموضوع يخص اختي واتمني تفيدوني اختي من فتره كلمها زميلها بالعمل ان معجب فيها ويبي يتقدم لها اذا اهي موافقه ياخذ اهله وايوون يخطبونها اهي قالتله انا مبدئيا موافقه بس بتعرف عليك اكثر قبل اي شي المهم بعد فتره حبوا بعض وخلاص وافقت ان تاخذه بس المشكله ان قالها ان هو متزوج وعنده عيال اهني البنت انصدمت شلون ماقالها من البدايه وشنو الحل الحين اهي حبته ماتقدر تفارقه قالها ان اهو كان رادها عند اهلها وبيطلقها ابوها توفى الله يرحمه وبالعزا لمن راح عزاهم راحتله وقالتله انا مالي غيرك الحين لاتطلقني خلني عندك وقالها برجعج لويه الله اكسب فيج اجر واربي عيالي في بيتي احسن وعلاقتهم عاديه اهو بغرفه واهي بغرفه طبعا اختي يت قالتلي انا قلت خل نتاكد سالناه شنو اسباب هوشتكم الي ادت انك بغيت تطلقها قالنا اشياء ماصدقناها لان ماتوقعنا في بنت جذي وصخه حبينا نتاكد قمنا نسال من بنته وقمنا نجمع معلومات المهم اخر شي اكتشفنا ان بيت ابوهم كان نفس الفريج الي فيه بيت يدي صارت عزايم وصارت سوالف وعزمنا ناس تعرفهم وقلنا لهم عزموا بيت فلان نبي نتعرف عالبنت نعرف صح كلام الريال والا لأ للاسف طلع صح وطاحت البنت واهلها من عينا المهم موضوعنا الحين هل نوافق ان يتزوج اختي والا نمنعها ونكسر بخاطرها لان صعبه علينا اول زواجه لها وتكون الثانيه وبعد هل راح تتحمل العيشه هذي والله ياخواتي ماكتبت الا وانا بين نارين اختي الي متعلقه بالريال ونار ان مابي ايي اليوم وتندم فيه فيدوني الله يجزاكم خير
اللي مافيه خير بالاولى ام عياله مافيه خير بالثانيه وصدقيني مهما كانت البينه وصخه والله والله الزواج والعيال راح يغيرونها وصدقيني لو هو رجال صج صج جان ضبطها ونصيحه من رايي لااااااااااااا والله بيعوضها احسن منه
تبين راي من غير زعل 000 لا لاتوافقوون اول شي ليش ماقال لها من اول انه متزوج وعنده عيال00 ووثانيا اختج راضيه انها تكون الثانيه؟؟عادي؟وهي بنت اول مره تتزوج؟؟ وبعدين على قوله اختي تمريه في رجاجيل هم يسنعون الحريم وفي حريم هم يسنعون الرجاجيل يعني معقوله في مره وسخه ومتماديه بالوساخه وزوجها ساكت عنها ولا ناقشها اوكي ليش جبت منها عيال يا شاطر؟؟ وبعدين انتي تقولين اختي حبته شنوووووووو حب قبل الزواج الحب الابدي واللي يبقى على طول هو بعد الزواج 000 وقوليلها خليها تستخير ماخاب من استخار ربه000 والله يوفقهاا000
شوفي حبيبتي محد راح يفيدها الا رب العالمين فاحسن شي تصلي الاستخاره وتستخير ربها والله يكتب اللي فيه خير انشالله
اختي الغاليه لاتزعلين مني يمكن كلامي ايضاقكم لكن الرجال لو مابينه وبين امرته الثانيه معزة جان طلقها بعدين الوصخه هذي حجة اللي مولاقيله حجه وصارت موضه هالايام كل ماقالوا افلان طلق فلانه وقالوا الناس ليش قالوا وصخه وماتعرف تلبس وبعدين علقولته وصخه جان من اول الزواج طلقها مولمن جاب جهال يعني موجاهل واحد اذا تبون نصيحتي خل ترفض والنصيب اللي الله كاتبه لها بيجيها انشاء الله وانا اسف لو زليت بكلمه
الصراحه الموضوع صعب وبنفس الوقت ابيج تعرفين ان بين الزوجين في اسرار وصعب الواحد يحكم على الطرفين والله يستخير الخير ، بس مو معقوله ان في ريال ما يقدر ياخد قرار مع زوجته او حتى يسيطر عليها وبالنسبه لي صعب انه عاش هالفتره معاها والله ارزقه بعيال منها انه يتكلم عنها بالشينه مهما كان اهي ام عياله والستر زين وادا تكلم عنها كأنه تكلم عن عياله ومهما كان بينهم عشره!!!! فشلون مو قادر انه يسيطر عليها مو معقوله فأنا انصحج انج ما تتسرع اختج بقرارها وتاخد وقت وليش اصلا!!! ماقلها من البدايه انه متزوج ونطر انها ترتبط فيه بالنسبه لي القرار صعب وانشالله الله يستخير الخير وهدي حياة مو يوم ترى دوم وبالنسبه لي تنسى احساسها وعاطفتها وتفكر بعقلها والى ما قدر العشره مع زوجته وهي ام عياله وتكلم عنها شللوووووون ادا بدا بحياة يديده وترى حياة الحب غير وايد عن الحياة الزوجيه، اهني الواقع الى يعرفج على الشخص الى راح تعيشين معاه في بيت واحد اتمنى انج تطمنينا عليكم والله يستخير الخير
مشكورين خواتي الي يقول شلون صبر عليها وعنده منها عيال اهم بنت او ولد توأم يعني مره وحده وبعدها وداها بيت اهلها ورجعها للضروف الي سبق وقلتها واهي الحمدالله استخارت و طلع خيره لها بس المشكله فيني وبأمي قلبنا مايطاوعنا نعطيها اياه مادري نقولها نطري اييج الي احسن منه تقول انتوا ماتبون لي الخير سعادتي معاه وبنفس الوقت نخاف لاسمح الله ماترضى بغيره وتسويها سالفه عناد وتقعد عندنا لازواج ولاعمات عين
هلا اختي انا معاج من البدايه ان ليش ماقالها انه متزوج شي غلط بس من قالج ان مافي حب قبل الزواج لا في وناس وايد تزوجوا عن حب وصار حبهم ابدي وتكلل زواجهم بنجاح الحمدالله ومنهم انا هذا ابدا مومقياس
اشدعوه عليكم 58 وحده دشت وماردوا الا 6 المهم مشكورين وجزاكم الله خير لو عندي نفنوف ببيعه جان الف من رد
