المنتدى معروض للبيع
للجادين في استملاك منتدى سيدات الكويت يرجى مراسلتنا على البريد

mr@faisal.it


image


  1. المنتدى معروض للبيع , للجادين في استملاك منتدى سيدات الكويت يرجى مراسلتنا على البريد mr@faisal.it
  1. الشيخه شيوخ

    الشيخه شيوخ سيدة جديدة

    إنضم إلينا في:
    ‏8 ابريل 2009
    المشاركات:
    237
    الإعجابات المتلقاة:
    0
    شلونكم شخباركم


    لاني احبكم بقولكم سر بياضي وانتو قولولي تجاربكم نبي نستفيد من خلال تجاربنا بالنظافه ... اي نعم من خلال النظافه ياحلوها النظافه وياحلو ريحتها


    تعالي بقولج عن برنامجي اليومي والاسبوعي والشهري


    اولا كلنا نبي نوحد لون الجسم نبي بياض ناصع وصافي نبي نمشي ونلبس بكل ثقه

    تعالي بقولج السر

    اولا الحمام ووما ادراك ماحمام الله يعزكم هو هذا سر البياض اللي تبي تبدأ بالبياض تبديه من الحمام :)

    اولا البرنامج الاسبوعي في الويك اند اذا ماعندج زواره للاهل او الاصدقاء تعالي تفرغي لنفسج
    اول شي شغلي الماي الحر وسكري الحمام خمس دقايق لين تشوفين البخار مو تروحين وتنسين [​IMG]

    وبعدين دخلي الحمام عزج الله ورشي على جسمج ماي دافي ديري بالج ترشين ماي بارد لانه يسكر المسامات احنا نبي ننظف ونفتح المسامات

    وعقب حطي الصابون المغربي اللي من الدرجه الاولى لونه اخضر بأبيض او اي نوع انتي متعوده عليه وفركي جسمج فيه لمدة خمس دقايق وانتي تفركين عقب رشي على جسمج ماي دافي واخذي الليفه المغربيه اللي من الدرجه الاولى تنباع عند الحواج بدينار وفركي فيه جسمج بس بشويش عشان ماتجرحين البشره وفركي فركي فركي اول ماراح يطلع معاج شي عقب الحركات الدائريه اللي بتسوينها بالتفريك راح يطلع اللحم الميت كأنها محايا (( وركزي على الاماكن الغامجه بين الفخوذ البطن المناطق الحساسه المؤخره الركب الخ ...))

    عقب غسلي بماي دااافي

    في سنفره بالحواج اسمها سنقرة كاب يابنات والله رهيبه روعه وتصلح للوجه بعد والفنادق والصالون الراقي المتخصص بالحمامات المغربيه يستخدمون هالسنفره سعرها تقريبا 3 وشي بس اذا انتي عندج سنفره ومناسبتج مو مشكله وحطي السنفره على الجسم كثر ماتقدرين خلي السنفره عليج يعني مثلا تشغلين نفسج ترتبين الحمام[​IMG] او مثل ما انى اسوي احط حمام زيت على شعري وافرك الحمام زيت بالشعر عشان اضيع وقت وافضل حمام زيت شفته بحياتي حمام زيت فاتيكا اللي بالعسل والبيض روعه تلقينه بالجمعيات والحواج

    طبعا تفركين بأيدج والسنفره عليج وركزي على المناطق الغامجه كثر ماتقدرين

    عقب غسلي من السنفره بماي دافي

    اذا عند خلطتي الصابونيه هذي ختامها مسك (( تحطين خلطتي الصابونيه على جسمج وتخلينها دقيقتين )) عقب تفركينها بالليفه المصريه او المغربيه فركي فركي فركي لين تشوفين رغوه بيضه تشيل اللحم االميت وتزيل السواد والخطوط اللي بالجسم

    عقب اخذي دش ماي بارد لانه ينشط الدوره الدمويه ويشد الجسم


    قسم قسم تطلعين من الحمام كلج نظافه وتلقين لق من البياض وتحسين جسمج فيه لمعه من النظافه وهالبرنامج تسوينه شهري او كل اسبوع قسم بتصيرين لمبه
    البرنامج اليومي خلطتي الصابونيه تتسبحين فيها يوميا او كل يومين بتلاحظين جسمج توحد لونه وتفتح الاماكن الغامجه وتقدرين تستخدمينهاللوجه يوميا 3 مرات مالها اي اضرار لانها طبيعيه 100%

    البرنامج الاسبوعي السنفره كاب تستخدمينها كل سبوع او اربع ايام


    يابنات هذا سر بياضي الدايم حبيت افيدكم بتجربتي وابي منكم تجاربكم

    استخدمي بعد كل استحمام زيت اللوز للجسم روعه ورهيب في نتايج تفتيح الجسم

    يالله ياكويتيات ابي همتكم يالسنعات

    امانه اللي تنقل مواضيعي تنقلها بأسمي ((الشيخه شيوخ ... ياحبيبه ياست الحبايب))
     
  2. همس صلاله

    همس صلاله سيدة جديدة

    إنضم إلينا في:
    ‏23 ابريل 2009
    المشاركات:
    5
    الإعجابات المتلقاة:
    0
    ماشاء الله عليكي اختي بحاول اطبق يلي قلتية عشان نوصل للبياض الصارخ
     
  3. الشيخه شيوخ

    الشيخه شيوخ سيدة جديدة

    إنضم إلينا في:
    ‏8 ابريل 2009
    المشاركات:
    237
    الإعجابات المتلقاة:
    0

    ياحياتي اسعدني مرورج

    انشالله توصلين للي تبينه وتصيرين بيضه ويتوحد اللون

    يالله يابنات نبي همتكم ونبيها ابيض :tongue_smile:
     
  4. الشيخه شيوخ

    الشيخه شيوخ سيدة جديدة

    إنضم إلينا في:
    ‏8 ابريل 2009
    المشاركات:
    237
    الإعجابات المتلقاة:
    0
    29 مشاهده ورد 1 معقووله
     
  5. الشيخه شيوخ

    الشيخه شيوخ سيدة جديدة

    إنضم إلينا في:
    ‏8 ابريل 2009
    المشاركات:
    237
    الإعجابات المتلقاة:
    0
    بصراحه انا لما اسوي الحمام المغربي مع السنفره والخلطه من اول مره احس اني فتحت بس شنو المشكله البنوتات اللي يعانون من سمار بالرقبه او البطن او بين الفخوذ هذا يبيله وقت على مايروح تعالي اقولج شنو تسوين حق تفتيح الرقبه عشان مايصير لون بشرتج مخالف لون الوجه

    جنين القمح والله يابنات لو تعرفون فوايد جنين القمح جاان ماخليتوه تتسبحون فيه بعد ههههههه[​IMG]

    حطي يوميا جنين القمح والافضل من معاصر الاحلام السعودي او المصري حراز
    حطيه على الوجه والرقبه والله يابنات يشيل الصفار من الوجه ويصفي ويفتح الاماكن الداكنه انا بسوي موضوع عن جنين القمح وماي الورد بس لما افضى انشاءالله [​IMG]

    من خلال تجربتي اكتشفت ان ماي الورد روووعه للبشره يخليها زبده

    انا خلطتي الصابونيه احط فيها بطل كامل ماي ورد
    يعني لما تقومين الصبح تغسلين الوجه بالخلطه الصابونيه اذا عندج او اي صابون طبي ممتاز تحطين جنين القمح وعقب حطي ماي ورد بمرش وشي على الوجه والرقبه

    واذا تسبحتي رشي الماي ورد على الجسم كله

    اتمنى انكم استفدتو من خلال تجاربي[​IMG]
     
  6. دار الحي

    دار الحي سيدة جديدة

    إنضم إلينا في:
    ‏24 ابريل 2009
    المشاركات:
    15
    الإعجابات المتلقاة:
    0
    مرحبا حبيبتي ياشخة الشيوخ انشالله راح اجرب تجربتج واشوف الفرق بس ابي منج خدمة ابي شي يقوي الشعر ومشكوره وماتقصرين يالغاليه
     
  7. دار الحي

    دار الحي سيدة جديدة

    إنضم إلينا في:
    ‏24 ابريل 2009
    المشاركات:
    15
    الإعجابات المتلقاة:
    0
     
  8. الشيخه شيوخ

    الشيخه شيوخ سيدة جديدة

    إنضم إلينا في:
    ‏8 ابريل 2009
    المشاركات:
    237
    الإعجابات المتلقاة:
    0
     
  9. اسرارالليل

    اسرارالليل سيدة جديدة

    إنضم إلينا في:
    ‏22 ابريل 2009
    المشاركات:
    258
    الإعجابات المتلقاة:
    0
    يعطيج مليون عافيه والله أفدتينا بهذي الشغلات الروعه الله يوفقج يارب
     
  10. الشيخه شيوخ

    الشيخه شيوخ سيدة جديدة

    إنضم إلينا في:
    ‏8 ابريل 2009
    المشاركات:
    237
    الإعجابات المتلقاة:
    0

    ياحياتي المووضوع للافاده وتسلمين على الدعوه الحلوه
     
  11. احلى لحظة

    احلى لحظة سيدة جديدة

    إنضم إلينا في:
    ‏27 فبراير 2009
    المشاركات:
    1,039
    الإعجابات المتلقاة:
    0
    سؤالى ارسلته على الخاص ارجو الاجابة

    ويعطيج الف عافيه
     
    آخر تعديل: ‏24 ابريل 2009
  12. الشيخه شيوخ

    الشيخه شيوخ سيدة جديدة

    إنضم إلينا في:
    ‏8 ابريل 2009
    المشاركات:
    237
    الإعجابات المتلقاة:
    0

    حبيبتي ماوصلني شي

    بس اول مايوصلني بدزلج

    تسلمين على المرور
     
  13. بناتي حلوين

    بناتي حلوين سيدة جديدة

    إنضم إلينا في:
    ‏16 مارس 2009
    المشاركات:
    108
    الإعجابات المتلقاة:
    0
    يعطيج العافية وجزاك الله خير على الافادة
     
  14. الشيخه شيوخ

    الشيخه شيوخ سيدة جديدة

    إنضم إلينا في:
    ‏8 ابريل 2009
    المشاركات:
    237
    الإعجابات المتلقاة:
    0




    ياحياتي اسعدني مرورج:teeth_smile:
     
  15. ياوجودي

    ياوجودي سيدة جديدة

    إنضم إلينا في:
    ‏28 نوفمبر 2008
    المشاركات:
    53
    الإعجابات المتلقاة:
    0
    ابي احسن مرطب للبشره بليز
     
  16. الشيخه شيوخ

    الشيخه شيوخ سيدة جديدة

    إنضم إلينا في:
    ‏8 ابريل 2009
    المشاركات:
    237
    الإعجابات المتلقاة:
    0

    انا استخدمت كريم ايفا المرطب بالعسل ماكو فايده ينعم مؤقت واستخدمت كريم 21 وكريم دوف وكريم جونسون الاطفال :cry_smile:

    احسن كريم جرجينز اذا ماني غلطانه بالكتابه تلقينه بالجمعيهواحسن شي اللي بالصبار:wink_smile:

    وزيت الجلسرين الاحمر روعه ويبيض بعد:wink_smile:

    بس على فكره من بشر لبشره تفرق

    بس انا اذا لبست عند زوجي اتدهن بفازلين اخدعه :shades_smile: يعطي لمعه بالسااااق واااااااااااااو
     
  17. ms- depp

    ms- depp سيدة جديدة

    إنضم إلينا في:
    ‏19 ابريل 2009
    المشاركات:
    55
    الإعجابات المتلقاة:
    0
    Nice
    thanks alooooot
     
  18. الشيخه شيوخ

    الشيخه شيوخ سيدة جديدة

    إنضم إلينا في:
    ‏8 ابريل 2009
    المشاركات:
    237
    الإعجابات المتلقاة:
    0
    العفووووووووووو
     
  19. هلا هلا

    هلا هلا سيدة جديدة

    إنضم إلينا في:
    ‏3 مارس 2009
    المشاركات:
    18
    الإعجابات المتلقاة:
    0
    بارك الله فيك

    يعطيك ال عافية
     
  20. ** شذى **

    ** شذى ** سيدة جديدة

    إنضم إلينا في:
    ‏24 أكتوبر 2008
    المشاركات:
    266
    الإعجابات المتلقاة:
    0
    يعيك العافيه يالغاليه ماقصرتي .. وزيت جنين القمح وانت الصادقه روووووووووعه استخدمته للهالات السوداء ..
     

مشاركة هذه الصفحة