السلام عليكم ورحمة الله وبركاته موضوع للنقاش .. واللي عندها هذه القدرة من الحريم الخبيرات تعلمنا انا اول ما حملت وحتى قبل لا احلل بس كنت شاكة .. شافتني وحدة وقالت وهي تضحك ( شكلك حامل ، نبارك ؟ ) و اخت زوجي قالت لي : من دخلتي عرفت انك حامل من عيونك . وتقول : انا كل حريم خوالي وحريم جماعتنا اعرفهم اذا حملوا حتى قبل ما يعلمون .. قلت لها : كيف تعرفين ؟ قالت : ما اقدر اشرح لك ، لكن فيه شي بوجه الحامل احس من خلاله انها حامل . السؤال هنا :75_75: اللي عندها مثل هالاحساس والقدرة .. تعلمنا شلوووون تعرف ؟ واذا فيه وحدة من الكروشات صار معها نفس الموقف و كشفها احد من بداية حملها .. تحكي لنا القصة . وبث :biggrin:
لووول فديييتج انا اول شخص جكني أبوو زوجي بل عليييه قالي مبروووك حااامل انا >>>>>>>>>>>>>> يلعن خيره شدراه ؟؟ بعدين قالي عيووونج تبين اهم شي علبالي يجذب علي و رحت مرمطت ريلي شكو تتحجى و شكو تقوول ملقوف قالي والله ماتحجييت حرام حسرت بالريال ثاني يوم رحت بيت يدتي و لاا عمتي تقوولي انتي حامل؟ قتلها ليش قالتلي ويهج مبين ماقالت عيونج d:
هلا أختي . . . يبين من العيووون ان كانت حامل او لا تكون فيها زوغان شي غريب يلاحظه دقيق الملاحظة في العين . . . اما سالفة صدر كييييكه فهذي غريبه يمكن علشااان يكبر حجمهم والاخت اللي عرفت تلاحظ حجم الصدر . . .
سبحان الله والله انابحمالي محد جكني لانه انا اول ماحللت مابقا احد مادقيت عليه وقلت له اني حامل اول واحد وفرحانه 000 000
هلو حلوات انا وحده معاي بالدوام تعرف الحرمه اللي حامل حتى لو ماحللت كنت حامل وكل ما سوي تحليل ماكو حمال شهرين وانا اسوي وحاولت انزل الدوره وكل هذا مانفع طلعت بعد هالشهرين حامل بالشهر الثاني وكانت الوحيده هي اللي تقول والله انج حامل مبين من عيونج وكنت اقول لا مااعتقد يمكن فني تكيسات لاني متعوده على هالتكيسات كانت تقول ما اطلع ...........؟ اذا انتي موحامل وصج كنت حامل قلتلها شلون تعرفين قالت اعيون الحامل تبين لان بياض العين يميل للصفار وفيه مثل الغشاوه على السواد وبش
السلام عليكم يا أخوات..........أنا عن نفسي من أشوف المرأة أعرف إنها حامل ولا لا سبحان الله عيون إلي موحامل صافية وعادية بس عين الحامل دايما بياضت عينها أقرب للصفرة وعينها كأنها ذابلة.............
ما غريب الا الشيطان يا حبيبتي هههههههههههههه يعني حتى اذا الوحدة بغت تخبي ولا تعلن الخبر الا بعد مرور الشهور الاولى .. فيه من يكشفها حتى قبل التحليل !!!!!!!! وفيه ناس ماشاء الله افضل من السونار في تحديد جنس المولود واشكر كل من عطر صفحتي برده الرائع
انا صار معاي هالموقف قالت لي امي اني حامل وانا مو محلله امي ماشاء الله عليها تعرف من رموش العيون عسى الله يسهل على كل الحواامل ويرزقمهم بالذريه الصالحه
واااااي انا من اول ما احمل يبين علي وكل الناس يدرون قبل اقولهم من ويهي فضيحة!!! يصير اصفر وذبلان ولما اطالع بروحي بالمنظرة اقول وييييه شرقع الحمدلله على كل حال..
تكون ذبلانه.... انا اعرف نفسي اذا حامل قبل ما احلل لان مهما احط مكياج عيوني ذابله وجفني اللي تحت احسه نازل....
