مرحبا بنات طلبتكم طلبه بغيتكم تدلوني على احسن المحلات والاسواق اللي عندكم لأني ناويه اتسوق مع بنت عمي تبي تتجهز لعرسها من اسواق الكويت عرسها بنهاية بشهر 12بشنو تنصحوني متى تكون اسواقكم حلوه قبل رمضان وإلا بعد العيد مباشرة؟ هل 3 ايام بتكفينا للتسوق؟ لأن زيارتنا بتكون للتسوق فقط، وإلا برايكم كم يوم بغيت تدلوني على احسن محلات 1- بيع الملابس الداخليه وقمصان النوم للعرايس؟ 2- بيع البدل الجاهزة ( تنانيير، قمصان، بديات،.......)؟ 3- الشنط والنعل وانتوا بكرامه؟ 4- محلات الدراريع للاستقبال والعادي؟ 5- فساتين السهرات والاستقبال؟ الجاهزة والتفصيل 6- الأكسسوارات؟ 8- محلات بيع وتفصيل بدل العرس؟ بس تكون اسعارهم معقوله ولكم مني جزيل الشكر
عن نفسي انا اعرضلج خدماتي لبدل السهره والكاجوال والاستقبال والدراريع و3 ايام ماتكفي حبيبتي اقل شي اسبوع وحياج الله بديرتكم الثانيه
حبيبتي الكويت كلها اسواق بس اذا بتحصرين نفسج ب 3 ايام صعبه ... شوفي حبيبتي روحي حولي النقره الشمالي فيه بدل سهره اكثر من 30 محل اكيد بيرضون ذوقج وبالسرداب فيه محلات لقمصان النوم ومحل اكسفورد بالدور الثاني <<< انور الطاهر القاسم وفيه بعد محلات بدل حلوين وسعرهم رخيص ومحلات جواتي حلوين بس الجنط لج عليهم ... روحي للمهلب هم بحولي روعه بمعنى الكلمه الاكسسوارات والجناط والجواتي وفيه محلات سهره فوق وفيه بدل بس اسعارهم غاليه شوي ... عندج العربيد بالفروانيه روووووووووووعه عمارتين وكل عماره دورين وسرداب بس يبيلج تفترين فيه عدل مدل عندج شرق ... بدل جواتي جناط .... اسواق السالميه القديمه بدل روووووووووعه سوق الحوش بالسالميه <<< جواتي وجناط والله يعينج على الفراره بالسوق وحياجج الله بين اهلج
فديتج بقايا انسانه ماقصرتي شكلي بخلي زيارتي من 5 - 7 ايام بإنتظار خبرتكم يابنات الكويت فديييييييييييييييييييييتكم
مبروووك يالغاليه عرس بنت عمج و تحصلين مواضيع مثبته تخص العرايس في قسم العروووس و تقدرين تشوفين موضوعي تجمع عرايس 10 / 11 /12 /2010 أن شاء الله تستفيدين منه لأن يتكلم عن تجهيزي وعن تجهيز العضوات إللي بنفس الأشهر المذكوووره و عن المحلات والمجمعات وعن الأشياء اللي شريناها و.... غيره و مـــووووفــــقـــيـــن
الافنيوز بس يبيله يومين مو يوم لان كبير وكل شي فيه ومثل ماقالو البنات النقره-الايوب-المهلب-ولاتنسين فحيحيل كل شي فيها تهبببببل وفي اسوق عندنا مثل : في اي بي - المعلم وااااااااايد حلو-مترو-فاشن مل هالمحلات حق ملابس البيت واذا تذكرت شي ببلغج وعندج سنتربوينت حق الجواتي واذا بين محلات بفحيحيل بلغيني
ام الحلوات 2 مشكورة ياقلبي عى العناوين الأنسه عنابه فديتج والله يبارك فيج ويسعدك ويهنيج ويتمم لج عرسج على خير مشكوره حبيبتي كييييييكه مشكوره حبيبة قلبي وياليت تدليني على محلات الفحيحيل وجزاكم الله كل خير
محلات بالفحيحيل عندج مجمع الدبوس فيه بدل وملابس لانجري وقمصان نوم وفيه محلات عبايات وغيره من محلات ساعات و اكسسوارات وقبال مجمع الدبوس في مجمع أسمه أجيال عندهم بعد بدل وجنط وكرمج الله نعال وشحاطات وإذا تمرين البيرق عندهم محلات قمصان نوم حلوه وبعد عندج كويت ماجيك فيه لازنزا عندهم بجامات وقمصان روووعه وعندج النقره الشمالي والنقره الجنوبي بحولي فيهم محلات بدل والبدل إللي نفس البلايز طويله عندهم أسعارها زينه ومناسبه وعندج بعد ستي سنتر تحصلين عندهم البلايز الطويله إللي تلبسين تحتها لقنز أو جنز أي شيء تحتاجينه حاضرين للطيبين
ولا يهمج معاج أي شيء تبينه أمري و حاضرين للطيبين علميني شنو تبين بالضبط و أنا حاضره شنو ناويه تاخذين لها من الكويت؟ وشنو الأماكن إللي تبين تروحين لها عشان نقدر نخدمج أكثر
مرحبا خواتي ان شاء الله انا زايره الكويت بتاريخ 29 يوليو الخميس الجاي ابي اعرف وين اقدر احصل على فساتين اعراس لعروس وباسعار معقوله لاتتعدى 200 دينار وفساتين سهره المقاسات الكبيرة مع ذكر اسم المحلات والمنطقة.. فديتكم ارجو الرد السريع
فساتين سهره عندج مجمع زهره وعندج ليلى جاليري فيهم سوالف وعندج الحين كل البوتيكات حاطين نفانيف جاهزه وحلوه لو انتي جايه من السعوديه اقربج المنطقه العاشره روحي حق اتيلية المصمم اللي يم المستشفى البريطاني في المنقف ويمه تلاقين ايفان بعد بوتيك وعندهم ملابس مصمممين وجاهزه واسعار معقوله وحق شحاطات وجناط تلاقين في الافنيوز كل شي يرضيج لانه كبير بس لا تنسين يكون الشوز فلات عشان ترتاحين بالمشي وروحي حق سنتر بوينت والله عندهم شحاطات حدها نيس بس مركز عن مركز يفرق روحي لمال الري وعندج مجمع 360 والله في ارقى البوتيكات حدها عنيفه ومجمع المثنى ترى الكويت كلها فيها شغلات بس حسب ذوقج
1- بيع الملابس الداخليه وقمصان النوم للعرايس؟ عندج نعومي الاصلي اللي بمجمع الكوت روووووعة ، و لاسنزا يهبببل و ملابسهم الداخلية راقية و بنفس الوقت كد و مد و عندج القاسم اللي بالمهلب 2- بيع البدل الجاهزة ( تنانيير، قمصان، بديات،.......)؟ عندج المجمعات و اللي فيها محلات تبيع الملابس الراقية حق العرايس مثل ( ريفا - أنوتا - أويسس - مانغو - زارا - و الأسطورة و في بعد محلات وااااااااايدة و موجودين بالأفنيوز و سوق شرق و المارينا و الفنار و الكوت و مجمع العثمان بحولي 3- الشنط والنعل وانتوا بكرامه؟ عندج بعد بالمجمعات و المحلات : آلدو - ناين ويست - ستبس بالفنار بضاعته راااقية - ميلانو - Guess 4- محلات الدراريع للاستقبال والعادي؟ عندج مجمع العربيد طبي و تخيري حتى اللي تلقينهم بالمعارض أغلبهم من عندهم و بنص الأسعار 5- فساتين السهرات والاستقبال؟ الجاهزة والتفصيل عندج مجمع زهرة و الثريا بالسالمية بضاعتهم راااقية و حلوووة حيييل و في بعد محلات بالفنار و عندج مجمع المهلب روووووعة 6- الأكسسوارات؟ الاكسسوارات الراااقية عندج المارينا ( Biligrem ) و أون تايم عنده ساعات و اكسسوارات حلوووة و في بعد محلات بالأفنيوز و سوق شرق و المهلب الكوت و البيرق موفقة يا رب
