بنات ابي افكار حق القرقيعان ادري توناس بس ودي اخذ افكار ممكن تحطون قرقيعان عيالكم مال السنه اللي طافت لاني بعد 8سنين لله رزقني بولدي لله يخليه لي فابي شي مميز حق قرقيعانه ولاتبخلون علي بافكاركم الحلوه ترى مالي غيركم ساعدوني .
الله يخلية لج وانا مثلج بعد 6 سنوات رزقني الله بس القرقيعان حرام وولدج هذا نعمة الله عطاج اياها احمدي اللة انا والله ناصحة لج وانا جربت اللي جربتية والحمد للة ماعمري سويت لة قرقيعان احتسب الاجر من الله وحدة لاشريك لة والله انها نصيحة من اخت ابغي فيها وجة الله ورضاة واسأل الله ان يعطيج من الذرية حتى ترضين واعرفي انة من ترك شيئ لله عوضة بخير منة
الحمد لله وحده والصلاة والسلام على من لا نبي بعده وبعد فتوى رقم (15532) بتاريخ 24/ 11/1413هـ فقد اطلعت اللجنة الدائمة للبحوث العلمية والإفتاء على ما ورد إلى سماحة الرئيس العام من المستفتي / مدير مركز الدعوة بالدمام بالنيابة والمحال إلى اللجنة من الأمانة العامة لهيئة كبار العلماء برقم (5054) وتاريخ 6/10/1413هـ وقد سأل المستفتي سؤالا هذا نصه: أنه جرت العادة في دول الخليج وشرق المملكة أن يكون هناك مهرجان (القرقيعان) وهذا يكون في منتصف شهر رمضان أو قبله وكان يقوم به الأطفال يتجولون على البيوت يرددون أناشيد ومن الناس من يعطيهم حلوى أو مكسرات أو قليل من النقود وكانت لا ضابط لها إلا أنه في الوقت الحاضر بدأت العناية بها وصار لها احتفال في بعض المواقع والمدارس وغيرها وصارت ليست للأطفال وحدهم وصارت تجمع لها الأموال .. ؟ وبعد دراسة اللجنة للاستفتاء المذكور أجابت عنه بأن الاحتفال في ليلة الخامس عشر من رمضان أو في غيرها بمناسبة ما يسمى مهرجان القرقيعان بدعة لا أصل لها في الإسلام (وكل بدعة ضلالة) فيجب تركها والتحذير منها ولا تجوز إقامتها في أي مكان لا في المدارس ولا في المؤسسات أو غيرها والمشروع في ليالي رمضان بعد العناية بالفرائض الاجتهاد بالقيام وتلاوة القرآن والدعاء . والله الموفق وصلى الله على نبينا محمد وآله وصحبه وسلم اللجنة الدائمة للبحوث العلمية والإفتاء
مشكوره اختي الجوري حزن بس ولله ماتدرين شلون فرحانه فيه وماني مسويه شي مكلف شي بسيط وموحق كل العايله لا بس حق زوجي وخالتي ام زوجي وامي وابوي وحمواتي واخواني بس يعني ماكو احد غريب وانا اخاف من العين وايد . لله يحفضنا من العين
جزاااج الله اختي الجوووري .. انا بصرااحه اسوي داايم عند جاكليت دايم شغلااتهم غريبه بس العاام ماسويت وخلااص بلااش خسااير هههههههه وهم بعد انتي تقدرين تبتكرين روحي ليووم البحااار عندهم شغلااات تهبل بسوق الكويت بعد وعبيهم من عندج يكوون احلى وااغرب .. وانا كنت ملبسه ولدي وزاار محد كان طااح فيه كانت فكرتي من ست سنواات بس الحين الكل وزااار فأنتي ابتكري شي جديد ولاتروحين معااارض لانه الكل شايفه مسوي نفسه ابتكري انتي
ولله انا مفكره بموديل ولدي الزديري والقبعه والجيس نفس خامة دراعتي والوانها وايد موديله طالع حلو بس القرقيعان محتاره ابي افكار حلوه ابي شي غير حق خالتي ام زوجي وحق امي وابوي وابي حق حمواتي شي غير وحق اخواني وخواتي شي غير يعني كل واحد بحط له الشي اللي يحبه . بس محتاره بالشكل .انا بس اول قرقيعان راح يصير خساير بس من بعد هالقرقيعان صح بيكون فيه افكار بس شي بسيط .
روحي بياع الورد او محل بالفرانيه مقابل مبارك الصيفي بس تروحين هالمحلين خلاص تلقين عندهم كل يديد وفنتق والله يخليه لج ويحفظه من عين كل حاسد يارب
مسا الخير والطيب والكرامة قمووووووووووورة ....... وربي يحفظ لج وليدج وتشوفينه وتحوفينه واهوا بأعلى المناصب يارب ........... جم تدفعين اذا قلت لج الفكرة ؟؟؟؟؟؟؟؟؟؟؟ اهيا بسيطة وسهلة ومو مكلفه ....... وراح تعجب الكل .......
بنت الجناع اللي تامرين فيه حبوبه بس ابي شي فنتق ويديد وبغيت شي يكون فيه صورة ولدي ويحتفضون فيه طول العمر . ومشكوره ياكيكه وتسلمون على هالكلام الحلو وادري فيكم خواتي ولله وماتقصرون اذا طلبتكم .
يا أحلى مسا على قمر أحلى حلى ... حبيبتي فكرتي من الطراز القديم .......... @ في ( طوس ) اختاري الحجم اللي تبين في سوق الميره ........ @اخذي خام نفس خام الوزار مبكر اختاري الألوان اللي تبين وقصي الخام بحجم الطاسه وتالي ربطي الطاسة فيها يعني ربطة ام عقدة ... نفس أول ......... @ تالي كل طاسة حطي فيها حلويات أول ( غريبه/رهش/زلابيا/سمسمية/درابيل صغار/حلوى مقطعه صغار ) من محل هيل وزعفران اللي بالجابرية بعد لا تستهينين فيه غالي بس راقي .. لأن حباته صغيره وحلو ........ حبيبتي غطا الطاسة تقدرين تحطين عليها صورة ولدج الله يحفظه ...اذا تبين يعني ... @ تالي حطيهم ب( زبيل ) مال أول .. ووزعي على حبايبج الله يخليهم لج .......... فكرتي بسيطة بس حلوة وأنا عموما أحب الأشيا القديمة أسوي منها فناتق ما أحب سوالف ككاوات هالوقت ... لأن الكل بيسويه ودارج ... وفكرة الطوس تلقينها عند هيل وزعفران بس غالي ... روحيله وشوفي وعلى فكره ترى حق رمضان حده زحمة وما ياخذ طلبات من الزحمة اللي عليه ربي يبارك له برزقه ... وانتي ربي يجعل وليدج من الذرية الصالحة وتفرحين بعرسه وفكرة ثانية ::: سوق الصفافير اللي عندهم صناديق تقدرين تاخذين حجم الصندوق اللي يعجبج ويكون فيه قفل قديم ومفتاح صغير وطبقي نفس الفكره من خام وحلو قديم داخل الصندوق وهذي محد طبقها بس طبعا تاخذين صندوق صغير أفضل عشان الثقل ...
اول شي اشكرج على هالفكره الحلوه واقولج انه انا احب الشغلات التراثيه القديمه احبها اموت فيها وودي بشي تراثي مو فناتق هالوقت عرفتي شوفي انا مفركه بشغلتين تعرفين الزبيل الشويه يصير حجمه وسط وفيه غطه قلت بستريه واحط فيه حلويات وشغلات قديمه والفه بتور من بره او خام ترتر والفكره الثانيه بشتري تعرفين اول الجدر اللي جنه طاسه حديد قلت نفس الطريقه بحط فيه والفه بخام ترتر بس بغيت بعد افكار غييير .
هلا قمورة ........... شلونج ؟؟؟؟؟؟؟؟؟؟ طيب دام الفكرة متقاربة بحاول أفكر بشي ثاني وان رسيت على شي راح أخبرج ........ بس انتي مري محل هيل وزعفران أتوقع تحصلين عنده شغلات . وربي يفرح قلبج بوليدج ويكون لج سند في هالدنيا .
