ساعدوني ابي شعري يطول

السلام عليكم ورحمة الله وبركاته بنات تكفون ساعدوني والله اني مضايقه انا شعري من تزوجت زوجي صارلي 4سنين قضيت شعري بوي وللنحين مطالب الا نتفه. تعبت ابي تجاربكم ابي شعري يطول علموني اذا تعرفون شي يكثفه وبطوله وانا عارفه أنكم ماراح تقصرون

شوفي حبيبة قلبي
عندي بنت على طول تبكي تبي شعرها يطول ويكون كثيف
وبنفس الوقت لاتبي تعتني فيه ولاتعمل له حمام زين ولاتحط حنه ولا تدهنه باي خلطه

وتمت على هالحال سنين لغاية ماسمعت كلامي وابتدت تحط حنه وتعمل له حمامات زيت وتدهنه بزيت املا العادي....تخيلي
والله الحين شعرها يهبل ولمعه فيه مو طبيعيه
القصد من كلامي...دهني شعري باي زيت المهم انك تستمرين واعملي له حمامات زيت وحنيه حتى لو ماتبين لونها الاحمر في حنه شرقا وفي بني واسود

ان شاءالله بيرد شعرج احسن من اول وعلى طول قصصي اطارفه

ياحياتي ياالمزاين ماقصرتي انشالله بهتم فيه والله قاعد استعمل له خلطة زيوت لكن نتايجه للنحين مابينت

صدقيني اذا كان شعرج تعبان معناه يبيله وقت علشان يتعدل بس والله من تجربه ااكد لج انه راح يتغير وايد

ويمكن اللي قصته لج ايدها مو زينه ههههههههههه كلام عجايز

عاد قالوها لي الي يده قصته مرحلوه انا قصي أطرافه بس انشالله بسوي نفس ماقلتي

يشرفني ارد عليج ماطلبتي شي شوفي ياقلبي اشتري من القرشي زيت جدايل الاحمر لتطويل والاخضر للكثافه وجيبي من للحواج زيت للخردل لشعر بنص دينار وهم جيبي زيت الاس بدينار ونص واخلطيه معاهم وخذي من الحواج اكليل الجبل وعشبة الاس وخذي من كل نوع من العشبه كاس وحطيه في ماي مغلي ٣ قلاسات ماي وخليه ١٢ ساعه وعقب اشخليه وحطيه في بخاخ وبخي علي شعرك ٣ او ٢ مرتين في لليوم شهر واحد بس وشوفي للطول انا مجربته علي شعر عجيب طول وكثافه

اختي عود براىحه المسك أنا نفسك ابي طول والله ان شعري قبل لااتزوج كان طويل وبعد ماتزوجت قصيته وبعدها ماطال (((((اختي اقوي الصبر)))))خلطتك تصلح للشعر الناعم ؟؟؟؟؟

مشكوره يعمري اقوي الصبر والله ياام هاجر مدري ليش للوحده من تتزوج شعرها يخرب والله من كثر مانفكر ونهمل انفسنا

السلام عليكم بنات
ترى ساعات يكون السبب مو صحة الشعر بس الصحة النفسية يعني الوحدة اذا عندها ستريس و مو مرتاحة نفسيا أو تفكر وايد شعرها يطيح و ما يطول بسرعة و هالشي كلام الدكاترة
عاد اول شي الراحة النفسية و بعدين تغذية الشعر كل الزيوت أو اغلبها ممتازة للشعر أحسن شي نستعمله في المغرب و الي شائع هو خلطة مح البيض مع زيت الزيتون أو العسل مع مح البيض قبل كل حمام حطي الخلطة و غطيها ببوني بلاستيك و حطي فوطة عليه عشان يسخن شوي خليه ساعة و اغسليه
و شوفي الزين الي تحبينه وواضبي عليه أنا شخصيا استعمل زيت الورد و زيت اللوز ريحتهم حلوة
و يغذون الشعر و ابتعدي عن كثرة الصبغات و السشششششششششششششششششوار ترى ما يخرب الشعر غير الصبغة و السيشوار
و تقبلن مرووووري

قطرة ندي مشكوره يعمري قصدج مح البيض يعني صفاره البيض ومشكوره يقلبي

وعليكم السلام
البنات ماقصروا حطي زيت نارجين وزيت زيتون حني شعرتس وراح يتغير بس لاتستعجلين خلك صبوره وبالك طويل وراح يطول ويتغير شعرتس ان شاء الله وتستانسين

يعمري ماقصرتي

ايه حبيبتي صح مح البيض يعني صفار البيض

فديتج مشكوره

العفو حبيبتي

====================================

اختى العزيزة عود عندنا اقوال ستات عجايز يقولوا ان فى شعر ما يجى على رائحة الرجالة وفى شعر يجى على ريحة الراجل ههههههههههههههه

سيبك انى من الكلام ده فى ناس يتغير جسمها بعد الزواج وينقص بعد الفيتامينات والمعادن لذلك الى جانب الاهتمام والخلطات لازم تاخدين مكمل غذائى يعالج نقص الفيتامينات عندك وعن تجربة واذا حابة اعطيكى اسم مكمل غذائى طبيعى 100% تجيبينه من شركة ماليزية بالسالمية راسلينى على الخاص