تسلمين على المشاركه ما أختلف معاج نهائيا و أحترم وجهه نظرج لكن حبيبتي لمسه شقاوه لكل قاعده شواذ و الرياييل في بعضهم مظلوم و في بعضهم ظالم و نفس الشيء مع الحريم يعني معقووووووووووووله إن كل الحريم ملائكه و كل الرياييل أبالسه لا خل نكوون واقعيين و نبتعد عن العاطفه شوي ترى فينا الزينه و فينا الشينه و نفس الشي مع الرياييل و شكرا جزيلا على التعقيب
حبيبتي اا مااول الا غير الواقع اللي اشوفة بعيوني مو كلام اي احد بس نااادر ماتلقين الرجال اللي يخاف من ربة
كلام حلوووووووو بس مو كله على الحريم.. بعض الرياييل وسسسسسخين ولايتنظفون وحالتهم حالة ويبون حريمهم كشخه وحلوين .. خل ينظف نفسه ويهتم ويسبح وبعدين يتفلسف.. ناس مايبين في عيونهم شي لو تقتل زوجته روحهااا ياعسااهم بس... مشكورة اختي عالموضوع
اسمحولي بس صج الرّجــل التراب مايترس عينه.. اذا مايخاف ربه خان,, واذا ملتزم تزوج على مرته,, الرجل بطبعه ملووول.. الله يهديهم ويعمي عيونهم عن كل الحريم وعساهم مايشوفون غيرحريمهم ..هههههه
يعطيج العافيه عاموضوع وانا معاج ان الوحده تهتم بروحها انا الحمدلله داايما شكلي نضيف ومرتب حتلى ايام الدوره الشهريه والله حتى وانا بالنفاس مايشوفني الا وانا نظيفه مرتبه لانه انا تعودت على هالشي من زمان من قبل لا اتزوج حتى يوم كنت بنت دايما اشتري بجايم حلوه وحركات غريبه حقي انا حق نفسي احب اشوف شكلي جذي حلو ومرتب ونظيف تعودت على جذي انا وعيالي دايما اخليهم متكشخين حتى لو قاعدين بالبيت لازم متكشخين انا طبعي احب جذي يعني مو بس عشان زوجي عشاني انا بعد
الموضوع حيييييييل شدني والشكر لصاحبته والله والله اني استفدت كثير من كلام الرجال في بعض المنتديات اللي يتكلمون بقهر عن حريمهم المرأة مو بس كشخه ولبس ونظافه هذا شي أساسي ما ينتكلم عنه سواء طفله او شابه او متزوجه مو حلوة نتكلم عن النظافه بشدة حنا مسلمين وهذا اساس ديننا مو علشان الزوج او غيرهـ بعض الرجال يقصد ان الزوجه حتى لو كاشخه ما تعجبه ببعض الاحيان اسمعوا شنو قريت ببعض المنتديات واحد يقول زوجتي ما تفاجئني بشي الا انها تبي مني شي ثاني حتى النوم ما آخذ حقي الا بالمقابل كأنها ............... مو زوجتي لحد ما مليت منها والثاني يقول انا زوجتي تعطيني حقي بالفراش بس بدون اي استجابه وقال بالصريح تقول اذا خلصت غطني تراي بنام ؟!!!!!!!! وواحد يقول الرجل ما يبي كثرة كلام وطلبات في فترتين اللي هن ( فترة الأكل - فترة النوم ) عاااد الحريم حدث ولا حرج بهالفترتين من جد من جد من جد استفدت من كلامهم تذكرت واحد يقول كنت مسوي مفاجأه وجايب هدايا لها وللعيال الا القاها مسويه استقبال وما عبرتني وقالت ما لقيت الا هالوقت والمرأة حتى لو كلامها معاهـ رومانسي حييل وحلو و عن حياتهم و بذرابه ومعطرة الفم طبعا بس ما تهتم لاهتماماته هذا الشي يخليه يمل لان اهتمامات الحريم مو من اهتماماته ( كثرة الكلام عن الحب , و سوالف عن فلانه وعلانه , و حكايات وقصص , مشاكل العيال العاديه اللي تقدر تحلها ) انا الحين اشاركه اهتماماته مثلا بالمباريات اتحمس معاهـ وبالصدفه انا وياه نحب فريق معين ونكرهـ نفس الفريق ودايم ابين له كرهي للفريق اللي ما يحبه صاار يستانس مني و بعد اهتم بسيارته اقول حط لها كيذا وسو فيها كيذا ونتكلم عن سيارته كثير صار يحب يسولف معاي مو بس حب ورومانسيه بكل شي نسولف. احس الرجل يبي مشاركه بكل اهتماماته مو بس انج تهتمين بنفسج وبس يبي تهتمين فيه بشكل كبير وبأشياء غريبه مو بس اكله ونومه مرهـ سويت له اهداء ياليوتيوب باسمه خليتها مفاجأة له بصراحه انجن عليهااا ما توقع اسوي جذي المسأله مو كشخه ونظافه بس وغير كيذا زوجي قالي بعض الرجال يسوي نفسه مو مهتم لكشخه زوجته مع انه يموت على كشختها بس علشان ما تصجه كل مرة بروح للسوق برووح للسوق اشتري لبس جديد علشانك !!!! وهذا اللي عندي وادري صجيتكم بالقرقرهـ
ردود سربعه موقه قلتي كل الكلام اللي كان ودي أقوله تعقيب جميل جدا ريان التميمي كلامج ميه ميه المرأه ممكن أن تبقى ورده جميله و إلى الأبد متى ما حافضت على نفسها الخمريه المثل يقول حرص (شده على الراء) و لا تخوِن (شده على الواو) البحرينيه و لمسه شقاوه لا نعمم على الرجال و لو خليت لخربت أهم شي يكون إختيارنا لشريك حياتنا في محله تولي تسلمين عمري
كلااااااام في قمه الروووووعه اهم شب نظافت الزوجه قدام زوجهااا والرجال لو تمر المره عليه بسرعه يفصلهااا تفصيل دقيق هذا دليل انه عندهم انتباااه مو طبيعي
ردود سريعه أغادير هديل و هند شكرا على المشاركه و تسلمون حبايبي أم نوافي الريال يطوف لحد معين و بعدين يفتح عليج أبواب جهنم ليش خلينا بالسليم و نسوي اللي علينا نفس ما ذكرتي و شكرا على المشاركه و تسلمين ghala سؤال حلو إذا ريلج من النوع اللي ما يعبر عن مشاعره؟!! شالمشكله هو من الله جذي متربي جذي أبوه ما كان يقول لأمه كلام حلو فماتعلم إنه يعبر عن مشاعره لكن مومعناته إنه مايقدر جمالج و لطفج و دلعج و مومعناته إنج ما تهتمين في نفسج على سبيل المثال لو أنا و وحده من الأخوات الشاعرات نمر على ورده حلوه أنا أكيد بشوف الورده حلوه و من داخلي حاسه إنها حلوه لكن ما عندي تعبير مناسب أقوله في الموقف هذا لأني ما تعودت أما الشاعره فممكن تعطينا الف بيت في روعه و جمال الورده و ترى أغلب الرييايل نفس الشي و شكرا على المشاركه و تسلمين
اللي تبي الحب من زوجها تقدر تاخذه بالحب الرجال صج فيهم غموض بس الغالبيه تسحرهم الكلمه الحلوه والاهتمام والتجديد .. والمره تملك القوه والسحر << الحلال طبعاً فـ تقدر تجذبه بس هي شويه مهارات تتعلمها واهتمام الوحده لازم يكون اولا لـ نفسها وحتى لو ما عبر أو حست بجفاء انصحها تصبر هي مسأله وقت وبالأخير ما راح يقاوم الحب مششكورة يالغلا على الموضوع
موضوع جميل وكل الشكر لج عالموضوع والمهم أننا مانخلي علينا قصور والاهم الاهتمام يكون لذاتج لأن ينعكس عليج وعلى نفسيتج وزوجج
الله يعطييييييييييييييج العافيه كلام رووووووووووووووعه مثلج الله يوفقج في حياتج لا تحرمينا جديدك ودي وعبير وردي لكي
