أرجو الإفادة

حبيبتي المنشطات مو بكيفج تاخذينها وذيري بالج كثرت المنشطات تسويلج تكيس
وبعدين اكيد راح يحولونج مستشفى صباح واذا حولوج راح يبتدون معاج خطوه بخطوه تحاليل شامله واشعه ويعرفون شنو السبب ويمكن ما يسوون لج طفل انابيب لازم اول شي تلقيح صناعي وكل حاله تختلف لا موواعيدهم مو بعيده بس قلت لج يبتدون معاج علاج شهر بشهر لا تخافين

والله يا دانة اللي سمعته إن مواعيدهم واايد بعيدة ... ولازم بعد أرد أسوي تحاليل مرة ثانية ؟ ترا تعبت ... بس اذا طلبو راح أييب تحاليلي اللي بالخاص لأن ماصارلي وايد من مسويتهم ... وبعدين المنشطات راح آخذها إذا الموعد وايد بعيد والله كريم ان شالله وسهالة ..

سمعت قبل عن واحدة كانت مثل حالتك والله رزقها وعطاها ان شاء الله يعطيج ويفرح قلبك بس اهم شى تروحين حق دكتورة شاطرة اسمع عن الدكتورة عالية وايد شاطرة ويليها الدكتورة معصومة

لا تخافين انا ماشيه معاهم بالعكس وايد مهتمين واصلن لازم تاخذين كل تحاليلج معاج

:wink_smile:مشكورة يا روميا على المداخلة ، حلو إن يكون في كذا راي عشان الواحد يستفيد ...ويرزقج ان شالله يارب بعد .. انزين الدكتورة عالية ومعصومة هذيله موجودين بمستشفى الصباح ؟ ... ودانة شلون علاج مستشفى الصباح زين انتي مستفيدة منهم ... اقصد شايفة نتيجة وياهم ؟ :sad_smile:

الحمد لله انا مستفيده والله بعدين ماراح يعطلونج اول شهر لمه تييلج الدوره يقولون تعالي اول يوكم وثالث يوم اول يوم يسووون تحليل دم شامل بس مرا وحدهه ياخذون منج يشوفوت هرمون الحليب والهرمونات والغدد وكل شي وبنفس الوقت ياخذون تحليل دم من زوجج ويقولون له تعال بكرا سو تحليل مني
وبعدها بثلاث ايام تروحين انتي وزوجج ومعاج اوراق اذا معالجه مكان من قبل ويسسون لكم مقابله انتوا الاثنين ووضحون الامر وكل شي وثالث يوم الدوره يسوون لج سونار حق المبايض والرحم

الدكتوره معصومه وعاليه لا موموجودين بالصباح على فكره انا عاليه كنت اراجع عنها ماعجبتني حاطه غرفتين مجابلين بعض تقول جهزي نفسج بسويلج سونار اروح انام تطلع تروح الغرفه الي مجابلتني وترجع تكمل وهكذا ما خذيت منها حق ولا باطل ماعجبني اسلوبها

اما معصومه الشهاده لله الكل يمدحها بس يقولون الحين اذا رحتيلها اول مرا تقابلج وبعدين تحولج على الدككاتره الي عندها مو نفس قبل

يالله أنا يوم الأحد بروح لهم وبشوف متى موعدي معاهم ... اهو مكانه بمستشفى الولادة والا وين ؟

اي بس ما يصير تروحين لهم لازم عندج تحويل عليهم روحي اي مستوصف وخل يكتبلج تحويل واخذي اغراضج وتحاليلج واوراقج عشان تورينهم المستوصف ويحولونج عليهم


مستشفى الصباح الولاده الي على البحر صاير

:wink_smile::red_smile::emoticon_U:انا عندي تحويل حق المستشفى من مستشفى الفروانية الى الصباح وخذيت تحاليلي معاي وباخذ بعد تحاليلي اللي بالخاص تقريبا انا توني مسويتهم وبروح ان شالله والله كريم ... بس بعرف ( أدري كثرت أسئلة ) اهمه أول شي يحاولون معاي بالمنشطات والا سيده يبلشون معاي فحوصات حق أطفال الأنابيب ؟:emoticon_U:

راح يقولون لج متى راح تروحين لهم

انا رحت اليوم مستشفى الصباح قسم طفل الأنبوب ... وخذو عقد الزواج وبطاقتي وبطاقة الزوج ... وقالو بعد اسبوع ادق أشوف توقع للموافقة والا لأ ... وعقب نروح أنا زوجي نسوي تحليل وولوية والله يعين وسهالة ان شالله

سهالات ربي يفرجها الحمد لله لا تخافين

ربي يفرح قلوبنا ان شاء الله انا وانتي وكل البنات نحمل

مشكورة يالله يا ربي يرزقج ويرزقني ويرزق كل البنات اللي ماحملو بالذرية الصالحة ... ان شاالله راح وأقول كل خطوة شصار معاي عشان الكل ياخذ فكرة وهم يستفيد للي يبون يحملون ... وان شالله أقدر أوفي اللي أقدر عليه

اليوم آنا رحت مستشفى الصباح عشان أسوي تحاليل أنا وريلي اليوم ريلي سوى وأنا باجر عشان يكون 21 يوم واسوي تحليل وبعد في ثاني يوم الدورة أسوي بعد ... وموعدي مع الدكتور في 9/3 عشان يشوف كل التحاليل ويقرر شنو نسوي

حبيبتي تستاهلين الخير
ربي يكرمنا بالذرية الصالحه

والله ماعندي فكرة ان شاء الله الاخوات يفيدونك

شسصار عليج بشريني من زمان ا شفتج بالمنتدى

آسفة وايد على التأخير لأني وايد كنت لاهية وبعيدة عن اللابتوب ..... بس للحين ما صار شي لأن موعدي 9/3 سويت بس تحليل مال 21 يوم الدورة والثاني للحين ماسويته اللي مال 2 يوم الدورة لأني سافرت ويتني الدورة وما قدرت أسويه بس اذا يت الحين بسويه بخاص عشان يطلع أسرع والله كريم .... وانتي شصار عليج سويتي شي يديد والا للحين ؟