مشكوره ام التوأم على المواضيع المفيده دايم اتابع مواضيعك واستفيد الله يجزاك خير وبالنسبه لموضوعك هذا على طول كتبتهن عندي بشتريهن انشاء الله اذا دخلت التاسع ادعولي باقي لي شهر الله يعين وبالنسبه لي عندي ألم الخياطه اهون من ألم الولاده ورعب الولاده على انها مو اول مره مجربه الولاده بس خايفه كثير من اول شهر وانا احاتي يوم الولاده الله ييسرها يااااااااااااارب ويسهل علي وعلى كل وحده حامل .
الله يسلمج يا مطيريه مشكوره ياحياتي لاتحاتين خليج على هالادوية وبتدعيلي ولا تنسين اتبعي موضوعي بهالقسم ( اقوى واسهل برنامج نفاس طبي وصحي)
الحمد الله انا ولدت بالصباح وبصراحه الادويه اللي عطوني اياها زينه حيل خصوصا الدهان مال الخياط حتى خياطي طاح ب 15 يوم واحسن من المرهم اللي من الصيدليه الغالي
بالنسبه لاختي مسحوره حبيبة قلبي انا ما قلت ان الادويه الباقي ما تنفع لا ياعمري راح تنفع بس دوا عن دوا يفرق واذا تقولين ان مرهمج يقط الخياط بعد 15 يوم معناته يطول الكريم هذا اللي كتبته بيطيح خياطج باقل من اسبوع اما بالنسبه لاختي لمسه شقاوه ياعمري اذا طلعتي بيصرفون لج ادويه بس موكل ادويه تنفعنا ولها نفس المفعول عشان جذي كتبت افضلهم على الاطلاق بعد التجربه وسوال الكثير من المختصين عموما شنو مراهم اللي الدكاتره بيصرفونها للخياط معروفه اهي ( ميبو , فوسيدين) وناسيه الباقي وكلها مفعولها بطيء اصلا فيها وبلياه الخياط بيطيب بعد 15 يوم لان اللحم باللحم يخيط بس احنا الغرض من المرهم نبي ما نحس فيه ونبي الخياط يطيح باقل من اسبوع يبا والله فاعليه activun tub غير طبيعيه واللي تسمع النصيحه ختجرب وما راح تندم
ام التوائم الله يخلي لج عيالج اعتبريني اختك لصغيره او الكبيره اي شي المهم انا والله مادري وين ربي حاطني بهالسوالف ماعندي خوات ولدو قبلي امي ماعندها ذيك الخبره تقول بسالك خالاتج شلون نفسو بناتهم وبسوي مثلهم انا ماادري شنو اخذ ادويه ولاشنو اسوي الادويه اللي ذكرتيهم كلهم عادي اخذها بدون ماااستشير طبيبتي ؟ انا هذي اول ولاده لي عشان جذيه ماااااااااااادري وش اسوي ادويتك هذي استخدمها عادي ماادري ليش خايفه ؟
عادي يا اختي امرأه ولكن طفله الاطباء الكبار ينصحون فيها ما لها اي اضرار كلها بدون وصفه عدا المضاد دام انتي سميتيني اختج ابشري طرشي لي رساله خاصة واعطيج كل شي يهمج اكثر واكثر واللي تبي بعد ماني مقصره مني تستفيدون ومنكم استفيد
حياتي يعطييييييييييييج العافيه اليوم وايد واااااااااااايد فدتيني بأشياااااء ،، الله يرزقج بالولد الصااااااالح ان شالله امييييييين بس بغيت اسألج اذا سويييت كل هالاشياء ما له داعي اكل أكل النفاس و لا الترديد ؟ لان هالشيين خايفه منهم مابي ازيييد دبلات كافي اللي زايدته بالحمل ،، و الترديد ما تضمنين اي وحده اخاف وحده تعورني و تسوي شي
اتمنى تقرين لي موضوع باسم( اقوى واسهل برنامج نفاس طبي وصحي) على ما اعتقد انشالله بيفيديج حيل ويغنييج عن كل شي
حبيبتي والله حبيت اشكرج مره 2 كلامج طلع كله صح بخصوص خياطي انه ماطاح وقلتيلي سوي وسوي ومشيت على كلامج والحمدالله كل شي تمام وهم على سالفة السونار يوم كنت حامل هم كلامج صح ماشالله عليج
يسلموووو يا اختي العزيزه اهات كلامج مشجع وانا صج اعتبر كل وحده هني اعز صديقاتي وخواتي بعد وانا مستانسه منج لانج تسمعين النصيحه وهذا يشجع ان الواحد ينصح لان في ناس الحمدلله للحين تسمع النصيحه يسلمووووووووووووووو ومشكوره
حبيبة قلبي والله وانا اعتبرج اخت وغاليه علي لانج وبكل صراحه لو ماتحبين منتدى سيدات الكويت واللي فيه جان مافدتينا بنصايحج وتجاربج ولله الحمد انا عن نفسي حيل استفد وهم اذا بغيت شي بستفسر منج واذا تقدرين مثلا تحطين موضوع نفس سؤال وجواب شامل كل شي تقدرين تفيدين فيه البنات راح اثبت موضوعج باذن الله لانويتي راسليني عالخاص وسامحيني عالقصور
