ابي اراائكم ضروووووووري

السلام عليكم جميييييعااا...



احب انكم ترحبوون فيني كعضوووه جديده بينكم .......



عندي قصه واااااقعيه صاارت لي.......
والى اليوووم ما رااح انساااها لان جنه حلم...
والاهم منه ابي ارايكم فيها وهم بعد ابيكم تعرفون نيه البويات



انا كويتيه بالصف عااشر ..

بنت ماشي حالي بالدراسه
وكل ابلاتي يحبووني ما احب المشااكل وعندي مقووله داايما اقوولها ابعد عن الشر وغنيله ..


انا متفوقه الكورس الاول

بدينا بالكوورس الثاني ...

جتني بنت اسمها نوره تقولي يا فلانه ترا وضحه
تحبج وتبي تمشي معااج

معروووووووفه وضحه انها بويه عند البنات وحركاااتها مو حلووه

انا مني رفضت قلتلها ما ابي امشي معاها

ومن اهني بدت المشاااكل


طبعااا
وضحه ما قصرت نظرااات غريبه عجيبه لي وانا احااول اتجاااهلها وما ابي اطالعها مالي خلق لللمشااكل

وطبعا وضحه عندها شله مريم
بويه بس ما كانت جذي من اول سنه كانت وحده مودبه وما كانت بويه بس الرفيجات يخربوون الصرااحه من يووم ما تعرفت مريم
عليهم تغيرت
وعايشه تحب وضحه البويه

طبعاا كلهم اقلبووو علي جني ماكله حلالهم عشان ليش رفضتي رفيجتنا .... طبعا البويه وضحه
كل اسبووع عندها ليدي
المهم يقطووون علي كلام وسخ ورفيجاتي قالولي احقيرهم ما علييييج منهم

تخيلو لدرجه انهم يتنطروووني عن الدرج توقعوا ليش؟؟؟


انا شفت هم من بعيد !! صعدت الدرج بدت الحصه الثالثه الي بعد الفرصه ...

انا طاحت عيني على وحده منهم الليدي مالت وضحه جااان تقووولي انتي هيييييي اشتبين اتطاالعين
انا طبعا ماسكتت لها رديت وونص بنات عااشر موجودين بالممرات المقاابله للدرج

قلتلها :: كيفي
جان تقولي : الحييييين اجيييييييج تخيلو الوقااحه ليه وين اوصلت ...

جان اقووولها لوفيييج خيييييييير تعالي صوبي
مني البويه وضحه تسكتها
تعرفوون ليش سووا الحركه هذي يبون يبينون انه البويه اتحبج وما ترضى عليج انا فهمتني ارفيجتي بالموقف الي صارانه يبون وصلولي معلوومه انه وضحه ماترضى علييج

ومرت الايم طبعااا كل يووم لازم يغطوون جم كلمه وسخه ... وطبعا اذا رديت عليهم رااح انزل من مستوااي حق حثاااله نااس ما تستااهل اني اراااددهم اهم يبوون بس اني ارااادهم عشاان نتهااوش



وفي موقف صاار تخيلووو وانا جاايه مع رفيجاتي للمقصف المدرسه واهم كانوا ورااي بس انا ما انتبهت لهم ما احس الا عايشه لازقه بضهري مو قصد انه ضيقه بنات ع المقصف انها ناويه تشتري لا معطه ظهرها ع ضهري وتقوول للبويه وضحه
تعالي مكاني قصدها انها تلزق فيني عااد شنوو تتوقعوون رد البويه : تقول انا ما اوسخ نفسي عااد انا طالعت عايشه وقلتلها أي شي الحمدالله والشكر
طالعوووو الحثاله والانحطاط البويه وين وصل انا ما سمعتها جتني بنت من البنات الي اعرفهم تقووولي ترا وضحه
قالت عنج جذي لمن كنتي تشترين من المقصف
انا طبعا فجيت حلجي من الصدمه ... بس واااطيه شقوول اكثر من جذي


المهم انكمل طبعااا صاارت معااي مووا قف وااجد
منهم لا تعد ولا تحصى بس نسيتهم
تقريبا اخر يووم لصفي يدااوم لان فيه عطله قبل امتحانات الفاااينل


رحنا المختبر الكيميا عندنا امتحان عملي صفي وبالصدفه معااي صفهم

طبعااا احنا كلنا عند الباب ننطر الدوور الابله ادخلنا للمختبر

واسمع من وراااي عايشه
تقوول حق البويه وضحه
هااا ادخلت **** تكرمون

جان دخلتنا الابله القرووب عند الباب
وبالصدفه كان معااي بالقرووب عايشه
جاان استلمهاا
وانا اطاالع رفيجتي ومصدوومه انه عايشه ساكته ما تتكلم انا الي خبري السانها شطوله جان
ارفجيتي من غثتها منهم عشاني قالت :
تراااج واااطيه ومصخره ومنحطه لو فيييييج خيييير
جان تطالعلي نظره عاديه تخيلوو خااايفه بدووون رفيجاتها
ودخلوو القرووب الي وراااي
وكان معااهم البويه وضحه
ومعاها مريم
همن بعد بويه معرووفين عند البنات طبعااا حركاااتهم ما يبينووونها جداام الابلات يعني حركااااتهم من تحت لين تحت ومحد يعرف بحركاااتهم الا احنا البنات


اكمل مو اهما دشوااا بالقرووب الثاني عشاان يمتحنوون بس احنا ما خلصنا وقفتهم الابله الكيميا جاان تستلمني مريم
نظرااات جني مااكله حلال امها ..

عااد انا طوووول الفتره الي طاافت محترمتها لان بنت عمها رفيجتي واهي مثل اصلي




انا خزيتها وعطيتها طااف وكملت امتحاااني لان الصرااحه امتحاني اولا انه اخزه واطالعه صح ولالا؟؟ لووووووووووووول << قليب

اكمل لكم انا خلصت

ورااها رحت الصف علينا انجليزي ودخلت الابله قااعده اترااااجع لنا وانا قااعده يمهاا لاني مناااشبتها ع كل سووال واهي تحب البنات الي يجتهدوون ويحبوون ينتبهون معاها وانا منهم وانا شااطره عندها وكرموني بالماده هذي انا وبنتين من صفي

المهم اكمل لكم جان تدخل علي مريم
تقوولي جداام الابله والصف كله وبدوون لا تعبر الابله تخيلو شنوو قالت انتي يا الوواطيه اطلعيلي برا ...(( اذكركم ترا اهي مثل اصلي تسمى بالبدوو انها بنت عمي ))

انا قلتلها ما رااح اطلع واذا فييج خييييييير قربي

الابله من انصدمت من البنات وقالتلهم برا عن الصف عندنا حصه طبعا مريم
ما سكتتلها قامت تصاارخ ع الابله وتقوولها طلعيلي هذي وكملي حصتج الابله زفتها ووطلعتهابرا


اهم اطلعووا برا بس ينطروووني براا وكل شوي يفجوون الباب

اكمل لكم
انا قلت حق ابلتي ابي انزل لنااظره ابي اكلمها الابله ما رضت خاافت علي لان البنات ينطرووني برا
وانا شكلي نااعمه وقالت ما تنزلين برووحج انا انزل معااج واشهد شنو صاار


طق الجرس

طلعنا من الصف مشينا واهم كانوا قريب من الحمامات الي عند الدرج جت مريم
تبي تطيحني وتعرجبني وتقولي تخيلووو ::: شنو قالت لي :: قالت طيحي الحمدالله والشكر
انا رفست رجوولها وعن جد انفجرت بحزتها

جاان تجيني عايشه
وتدز جتفي تقولي حدج ولا رفيجتي
عاااد انا مني ابيها من زمااااان انها تبدي طوول الكوورس الثاني اهي غااثتني جان صكت هوووشه اكبيره عااشر كلها تجمعت علينا
انا قعدت اجر شعرها بقووه من كثر حرتي عليها وانصدمت بشغله شنوو تتوقعوون طلعت ما تعرف تطق بس السان قااعد تجر شعري عاادي مو حيييل مثلي انا موامدح نفسي بس هذا الصج لاني ما حسيت بالجر لمة جرت شعري وصاارت اهي تحتي وفوق مريم
قااعد تطق وتدزني عن رفيجتها وطبعااا الي اساااس للمشااكل البوووويه الرئيسيه اهي الي مشيشه شلتها ع الهووشه

طبعا كانت الابله الي ماسكتني وكنا نازلين لناظره اختفت وصاار الطق وصرااخ البنات وطبووا رفيجاتي الفزعه واخذووا الي كانت فووقي الي كانت فوقي مريم
مثل اصلي ادااااافع عن رفيجتها الي تحتي


ودخلوو قسم العربي بينا الابلات العربي يعرفووني ودششوني الحمااام وغسلووو وجهي وانا عيووني حمر اول مره بحياتي اتهااوش دخلت وحده من رفيجاتي طبطبت علي وشكلي تسنع ونزلت اما اهما نزلوو سيده نزلتهم رئيسه قسم العربي


دشينا للوكيله وهذي مثل اصلي واصل مريم
جاان تسالنا شسااميكم اول وحده تكلمت مريم اسمها كاامل عشاان توصل معلووووومه للوكيله انه انا اصييرلج جاان تقوول الوكيله يعني شنووو يعني بسويلج شي او اداافع عنج كلكم مفصوولات كلكم حرماات من امتحان كيميا القصير انا وجهي احمر وصلت البجيه وبجيت وقاامت تصاارخ مريم تقول
الا الكيميا لا انا داارسه عدل رااح اسقط فيييييه

<<< ومني قامت مريم تسب وضحه انه اهي الي دخلت بالهوشه وتقول ليش يا ربي يصيرلي جذي انا شكو وقااعده اهي وعاايشه يتحلفون بوضحه ووضحه اطلعت من السالفا بهدووووء
عااد الوكيله عمت على الكل بدوون لا تفهم من احد الصراااحه خووووش وكيله ونعم الوكيلات اذا علي جذي الوكلات الكويت جاان كل البنات مفصوولات

نرد حق بيتنا قبل الهووشه بيووم قلت لازم افضفض لامي وجنه قلبي نغزني باني اقولها السالفاارحت وقلتلها يما عندي لج سالفا ومضااايقتني من زمان بس اخلص درااسه واقوولج لاني ما درست كنت افكر بسالفا المقصف
ما احس الا شوي امي جتني تقووولي يا فلانه شنو السالفا اشفيج شكلج متضااايقه عااد انا قلتلها السالفه البويه
الي تتحرش فيني
والبنات جان امي تقوولي اجيلج المدرسه واكلم النااضره انا قلتلها لا يمه حراام يفصلووونهم ع اخر سنه لانه كان اخر يووم دراسه واسبووع يبلش الفاينل انا ع نيتي ما ادري شنو بيصير بااجر امي قالتلي دير بالج من الحمامات لا
تروحين ابرووحج ودير بالج علي نفسج انا قلتلها ان شا الله لان امي ساامعه بسوالف البنات والبويات وقالت لا تسبين لمن يسبوونج احقريهم واهم ينقهروون من الحقره بس ااذا طقووج لا تسكتين

انرد شنو صاار فينا عند الوكيله مو عمت علينا كلنا بدوون لا تعرف من المضلووم ومنو الضاالم انا قلتلها ابي اكلم امي امي تدري عن كل شي جان تخيلو شنوو ردت ما في دقه ع امج
طالعواا الحقااره !!

عااد الابله الي شافت كل شي بعيوونها قالت حق الوكيله السالفا واني انا المضلووومه طبعا الوكيله ولا عبرتها ووقعتنا ع الفصل والحرمان وقاعده فينه سب انتم واطيات انت صبيان انا بوجهي شمخه ((ع)) واهي طبعات
جوتيي عليها وحجاامها مبهذل لانه ماسنعت نفسها متعمده يعني مضلوومه وتكسر الخااطر يعني انا السبب؟؟ شتقولون عن وحده جذي

بس تخيلووو رئيسه السالفا اطلعت من السالفا بهدوووووء وانها ما سوت شي والابله اشهدت انها ما شافتها بالهوشه مع انه انا شاايفتها بالهوشه بس شقوول محد يسمع لي !!




الابله مصدوومه وطالعلي انه ما عبرووها ونزلووو من هيبتها جداامنالان ما عطوووها اعتبار ع كلامها والي شاافته


صج صج
ونعمه الوكيلات ...

جان تسال الوكيله لمريم
ليش دخلتي صف البنيه جان تخيلو شنو ردت تقوول اني انا اقوول عنها انه اهي
فصعه يا ((الاصل)) اشلوون اسب اصلها واهي مثل اصلي اشلوووووووووووووووون؟


لان ما عندها حجه غيير جذي جان اقوول لوكيله اهي مثل اصلي اشلوون اسب؟؟


وبعدين اخر السالفا خلوونا ندق ع اهلنا انا رحت ودقيت ع امي وقلت لها يما السالفا الي قلت لج عنها امس صاارت تعالي المدرسه

ومريم قالت تكفوون ما ابي ادق ع ابووي والله رااح يفضحني جان تقولها الوكيله دقي يلا واهي تبجي تدق ع امها وقالت يما تعالي المدرسه انا تهاوشت بس يما تكفين لا تجيبين ابوي معااج لان ما رااح يفهمني

وعاايشه الحقييره محشومين السامعين بس
غاثتني قالت حق الوكيله انا ابوهامتوفي وما عندي احد يجيهاوامها
اكبيره بسن ما تجي جان تقولها ما عندج اخوو جان تقول بلا بس الحين اهو بالجامعه ما يقدر يجي جان تقولها دقي عليه بسرعه خل يجي
ودقت
ومنيه دخلونا لنااضره طبعا الناااضره ما تتفااهم بعد مليييييقه تقوووول شسالفا انا قااعده اقوولها من بدايه الكورس اول جان تجعمني وتقوول ابي من اليووم الهووشه

وانا قااعده اقول بقلبي اصلا الي صاار اليووم مترتب ع اول الكوورس ما في حريجه بدوون نار

وقالت لها الابله الشاهده طبعا اسمعت النااضره بس ما عبرت ادخلت امي وام مريم
واخو عايشه
حق النااضره طبعاا صاار فلم هندي حق مريم
تلم امها ومن هالسوالف وانا امي تقولي مالج شغل بشي اسكتي خل نسمع شيقوولوون بعدين نتفاهم معاهم بعد مظلوومه وما تمتحن امي تفهمت وسكتت وطبعا امي ما راح تسكت اني ما رااح امتحن جان يتكلم اخوعاييشه
وزف باخته بعرف بلاوي اخته من المتوسط وطااايح فيها زف عااد اكدووا انه عايشه
حرمان من الامتحان بس لا انسى شنو قالت حق النااظره اهي اول شي النااظره قالت لها انتي صبي تتهاوشين جان تنزل الجذاابه جم دمعه تقوول انا اصبي فسخيني طالعو الوقااحه !!
النااظره فجت اعيوونها امي بعد انصدمت من البنت اشلوون جذي تتكلم ؟

عااد اخوها سحبها على برا المكتب النااظره وعطاها طرااق صج انا ما شفته بس رفيجاتي كانوا برا وشاافوهم عااد البنت دووم رااسها راافعته شافت البنات يطالعونها ويضحكوون اهنيه اهي انكسرت ونزلت رااسها


نرجع شنو صاار عند النااضره صاار دوور ام مريم تتكلم اقعدت تدااافع عن بنتها وتقول انه انا سبيت اصل بنتها
عااد امي تكلمت وتقوول اشلون تسب واهي مثل الاصل اصلا اهم بنات عم جان النااضره فجت حلجها تقوول بنات عم ويتهاوشوون
تدروون ليش قالت جذي لانها احضريه ما تعرف بالبدو امي قالت جذي لان شافت مثل الاصول وقالت بنت العم االناضره توها تستوعب انه مو بنت عمي ...



عااد انهاارت بجت
مريم وتقوول والله ابوس رااسها قصدها عني بس عشان تمتحن جان تقولها الناضره انا اصدرت القرار وما اتراجع

انا اهني تكلمت لان المدرسه قااعده تمتحن وخلصت وانا ما امتحنت قلت اشلوون يعني عرفتي الحين منو الصاج ابي امتحن وانا ما سبيت جان اقولها كانوا صفي وصفها كلهم حااضرين جيبيهم شهوود وهي طرشت عليهم
واشهدوا معاي اني ما قلت جذي
شلون اقول وهي مثل اصلي وبنات الي شهدوا كلموا مريم وقالولها انتي ما كنتي جذي من اول السنه شنو الي غيرت كنتي مودبه وبنت عمج وعد ما في مثلها كنتي مثلها غيرووج اللي رافجتيهم جان ام مريم تقول حق البنات مالكم شغل انتم وبعدين اخذت الحرمان وطلعوا من الادااره وكلمت ام مريم عايشه وقالت لها والله ان مشيتي مع بنتي يا ويلج
وعاايشه همن بعدج عطووهاا حرمان وبعدين اخوها تاسف مني ومن امي وقال انا مثل اخووج يا بنيه ادري اختي غلطاانه وحقج علي والسمووحه وانا اعرف اختي وسووالفها طبعا الاخت منزله رااسها وطلعوا وهدووء صار والنااضره كانت تبي تطردنا!!
بعد جان القف عليها وقلت لها جبتي شهوود وشهدوا الحين اقدر امتحن جان تدق ع قسم الكيميا والفيزيا وطرشت ابله منهم عشان تاخذني وامتحن تخيلو ما قالت اسفه انا غلطت بحقج وضلمج همن بنفسيه وهي تتكلم تخيلو هذي نااضره حتى ما تتعرف بالغلط انا طلعت من المكتب وقالت لي ان شفتج تمشين معاهم كانت تبي تكمل جان اقااطعها واقوولها ترا ما اعرفهم ولو انتي اتعرفين السالفا من اول جان حاله القصه من زمان وطلعت

مع ابله الكيميا



رحت امتحن عند ابلتي الكيميا واهي مصدوومه اشلوون اني اتهاااوش وانا معروووفه عند الابله شااطره وامتحنت بس امانه اشلوون احل عدل وانا تفكيري كله تشتت وقااعده افكر اشلوون صار جذي واول مره ادش الادااره بههوشه كنت ادشها عشان التفوق بس هالمره عشان هوشه طبعا زفت بالامتحان
وسلمت الورقه حق ابلتي وقامت تسالني اشلوون صار جذي انا قلتها عن كل شي جان تنصدم لانه اهي تدرسني وتدرس صف عايشه ومريم ووضحه وانصدمت انه وضحه بويه تقول والله انا اشووفها مودبه انا اتوقع من عايشه ومريم بس وضحه لا
عاد انا قلتلها انتي شوفيها بالفرص وحركاتها مع البنات واصلا اهي نظامها من ورا والابلات اما جدامهم اهي بريئه
اهي مني وجها علامه استفهام ؟؟؟

انا طلعت ورفيجاتي كانوا برا ينطروووني قاموا يلمولوني وعيوونهم يا حياتي حمر


كنت بمبنى العلمي طلعت منه ورحت حق مبنى الادبي والابلات قسم الدين كلهم طلعولي برا يعرفوني جتني ابلتي الي تدرسني ووراها ابلات القسم قااعدين يسمعوونا شنو اقول للابله
جان اقولها السالفا كلها واهي انصدمت اشلون عااد اهم قسم دين وانصدموا بالبويات ؟؟

ورحت فووق طبعا تجمعوا البنات علي الي اعرفهم من المتوسط والي بثانوي صج صج !! اول مره يمر علي موقف مثل جذي



ورحت الهده ورديت البيت ...

ثاني يوم دااومت وطبعا السالفا الي انتشرت بين البنات شنوو تتوقعووون ؟؟


انه وضحه و عايشه ومريم اهم الي طقوني ويقولون انه اهم الغلطانات يبينوون عند البنات انه اهم شي وانا ولا شي
طبعا هذا الكلام بين البنات اما عند الناظره كان انه انا الي طقيتهم واهم المضلومات شفتوا الحقااره ليه وين وصلت ؟؟؟



وع اخر يووم سمعتهم يمروون من صوبي اخر امتحان فاينل كان دستور والكل مستاانس وطالع من الامتحان اهم مروا من صوبي تخيلوو تقول عايشه حق وضحه اشراايج انخربها اخر يووم .؟

جان تقولهم مريم لا خلاص انسوا السالفا


وخلصت السالفا والحين عطلنا ..


والحين ابي اراااائكم بالموضوووع ؟؟؟



1 )
منو براايكم الغلطان ؟
أنا والا اهم

2) هل في رايكم بعد ما سمعتوا للقصه كلها ان هذي اداره مثاليه وتتخذ قرارات حقانيه

3)
هل تستحق كل من الوكيله والناظره لهذا الموقع والجلوس في اداره اجيال المستقبل !!

4)
لماذا في رايكم رئيسه الشله ** وضحه ** طلعت من السالفا كشعره من العجينه !!

5)
ماذا لو ان لكم اداره مثل اداره هذه المدرسه

6)
الي اين نلجأ عندما ننظلم برايكم نقف متفرجين !!

7)
هل توافقوني بأن الصاحب ساحب بموقف ** عايشه ومريم ووضحه ** !!

8) هل موقفي انا صحيح عندما تجنبت هذه البويه من البدايه ام لا ؟؟

9) ليش في رايكم ظاهره البويات منتشره بشكل مو طبيعي في المدارس
10 ) وبرايكم ليش البويه سوت هذا كله تتوقعون علشان اني صديتها !!



بصرااحه ابي تعليقكم ع الموضووع كله منو الخطأ ومنو الصح وهل من المفروض اللجو الي وزاره التربيه واعلامهم بهذه الاداره !!
وتصرفات الوكيله والناظره لان مع احترامي لهم ما يستحقون المكان اللي اهم فيه !

والله نصيحتي لج ان تبتعدين عن البويات نهائيا
لانهم سبب الخراب
وبسسسسسسس

نصيحتي يأختي ماتفتحين لهم اي مجال عشان يتقربون منك لانهم ياقلبي يبون يجرونك الى دوامتهم وانتي خليك واثقه من نفسك ومن وجهة نظرك اللي انتي مقتنعه به... ذولاي بنات وازعهم الديني قليل ولايحترمون اهلهم ولامجتمعهم والله يحفظك ويهديهم***

شكراااااا ع المروووووووووور الطيب

يسلمووووووو فراشه فوشيه ع المرووووووور الطييب ...



وع الردووووود ع اسئلتي يا الغلا ......

سلفتك نفس سلفتي انا بنت ذبحتني كل ما اروح مكان بالمدرسه أنا ورفيجتي وراء وراءحشه ضلي من الطابور لي الهده وتوقف عند باصي بعد ذبحتني والله يابنات رفيجتي تبي تكلمها تبي تقولها ليه تلحقينا بس انا اسكتها خليها تولي حتي بالامتحانات الثانوية تلحقني بسبتها جبت نسبه موحلوه والله انا ما يجي يوم بالمدرسه الا وصاير شي عشان جديه ما قدمت علي التجاري لانها فيه مالي خل بعد تلحقني بالكلية ورفيجتي بعدعمري راحت الجامعة وخلتني

يا حياتي يا غلا قلبي................



والله المفرووووووووض نرفع شكوتنا حق احد مااسك منصب ويسنع ادااارااتنا وطالباتها البويات الي بس عند البنات يسوون نفسهم جذي بخش والدس ..............المفروووض يشووون الرقااااااااااااابه عليييييييييييييهم ..... وقفوونهم عند حدهم انا قمت اكره المدرسه بسبه جذي .......... يا نااااااااااااااااس نبي حل لمشله الي توااااااااااااجهنا احنا البنات شنو ذمنا يصير فينا جذي ......

الله يعينج ونصيحه بعدي عن هالوصاخه اللي ماوراهم الا عوار الراس

اي والله المفروض جدي بس وين الي يسمعنا الناظرة والوكيلةمو معطيناوجه بس يصرخون علينا ويعطون تعهد بعد كن احنا الي سوينا المشكلة مو جين نشتكي عليهم انا نفسك كرهت المدرسه بسبتهم تخيلي حتي بحمام اكرم السامع تلحقني وكل ما اشوفني تقول لرفيجتها جت جت بس انا اسوي نفسي ما اسمعها مرة تمشيت معا بنت صفها قامت تلحقنا بعد رفيجت بنت صفهاالي تمشيت معها عطتها بطاط برقنز وكيتين وحده لرفيجتها وحد لي قامت تلحقنا انا و بنت صفها تسوي نفسها تبي بطاط عاد عطتها بنت صفها بطاط وردت مرة ثانية تلحقني عند الماء تبي كيكة ما عطتها وردت علي تقول اقسميها بيني وبينك عطيتها كلها ومواقف شكثر صارت

انتي ع الاقل اهون مني ..



انا انقلبت علي من بعد ما تطرش بنات يقولولي انها تحبني وانا افشلهم ...


وقاامت تتحداني وتقط علي كلام وسخ وانا احقر وتتحرش وااايد فيني وانا اعطيها طااف بس اكبرت السالفا وصكت هووشا بيني وبين رفيجاتها ....

واهي اتطلعت من السالفا ابرووووود وورطت رفيجاتها .....



ااااااااااااااااااااااااااااه الله يعيني السنه الجااايه .........


اشلووووووووووون رااح تمر .................


ودي بنقل واهلي يبوون ينقلووني بس رفيجاتي كلهم بثانويتي والثانويه الثاانيه ما اعرف احد فيها


وانا قلت لاهلي ما ابي انقل كلها سنتين وتعدي


وابووي كان وده يرفع قضيه ع اداارتنا ومعاملتهم

بس قلتله لا........


المهم المظلووووووووم رااح يااخذ حقه في يووم من الايااام ..

كل الي اقدر اقولجياه و باختصار حاولي تتحاشينهم و الحقران يقطع المصران خليج العاقل و الكبيره و ناتي الغلطانه يوم رديتي عليهم انتي معاج شاهد و هي ابلتج سفهيهم و روحي لي الناظره تكلمي من غير ما تطقين و لا اي شي قتلج خليج الكبيره

الله يعينج يااختي يا بنوتة الكويت انا خلصت الثانوية انا ويها تخيلي عند صفي وادبي مثلي وطابور تصف عندي كل اشوي توخر بنات صفي عشان تصف عندي والحين اهي قدمت علي التجاري عشان شدي انا قدمت علي اتصالات وملاحة ما لي خلق تلحقني بالتجاري بعد معا اني رفيجاتي كلهم تجاري بس اعز رفيجه عندي راحت الجامعة بعد عمري والله :red_smile:

يسلمووو بنت الكويت ع المروووووور الطيب وغلا قلبي


احب اوضحلج معلووومه (( بنت الكويت )) ترا الابله الانجليزي قالتلي من اول مادخلو علي الصف انه اول ما يطق الجرس ننزل انا وياها بس واحنا نازلين وايدين الابله بايدي بس مريم عرجبتني تبي تطيحيني جان ارفس ارجوولها عااد تخيلوو كل البنات موجوودين يا حلات شكلي وانا ساكتتلها وجتني عايشه ودزت جتفي بقووه الاخت تبي تداافع عن مريم رفيجتها .. بس انا غاثتني من الاول وتدز جتفي واخليها عاادي لا والله ....


انا سكت من سبهم وكلامهم لي بس انها توصل ليه الطق مستحيييييييييييل ...

وشكرا

واذا ع الشاااهد النااظره والوكيله ما عبرووووووووووووووووها وتجاااهلوها واهي قاعده تقولهم عن السالفا....وقاالوووو كلنا مفصولات وحرمان من الامتحان ...

اشراايج بالناااظره والوكيله الي حيييييييييييييييييييييييييييييييل متفهمين ويعبروووووووووووووووووووووووووووووووووووون الابلات ؟؟؟؟؟


والله الكل يقوول هذوولا ادااره متخلفه ومو حضااريه ما تسمع حق احد

اوكي احنا طالبات ما نقدر نتكلم وانرد ع انفسنا .... اما الابله المسكينه ليش تفشلها وتعطيها طاااااااف مو حراام؟

بنوتة الكويت ممكن سوال انتي باي ثانوية

اممممممممممممممممممممممممممممم



ليييييييييييييييييييييش؟؟؟؟؟؟؟؟؟؟؟؟؟




سووووووووووووري ما اقدر اقووووووووووووووول كل الي اقدر اقووله ثانويتي بالحهرااااء

حبيبتي بكيفك تبين تقولي ولا لا علي راحتك بس انا ابي اعرف شنو المدرسة الي ادارتهاشذي بس انا شاكه بثانوية بالجهراء واذا ماتبين احد يدري رسائلين علي الخاص سلملم

>>>>>>>>>>>>>>>>>>>.