لا حول ولا قوه الا بالله الحل بيدج انتي انتي تدرين ان كل اللي تسوينه غلط ليش مستمره فيه !!! اخذي قرارج اليوم قبل باجر بانج تتركينه وحتى لو فرضنا تزوجتيه على بالج بينسى كل شي صار بينكم ؟ راح يقول ما خافت من ربها واهلها اكيد ما راح تخاف انها تجرب هالشغله مع غيري . انا من رايي انج تتعوذين من الشيطان وعطيه طااف وركزي على دينج وولدج واذا الله كاتبلج نصيب بتاخذينه .. الله يستر عليج وعلى بنات المسلمين يارب
مشكورين على المرور وانا ادري ان الكل يبي مصلحتى ولو مانى متضايقة مالجات لكم وقلتها انا ماعندى رفيجات ولا صديقات فيهم خير لان الكل تخلى عنى والسبب اهو وتحرشة فيهم واتهامة ان هم اللى يبونة وانا اصدقة رضا لنفسي وبينى وبين نفسي ادري ان البنات اللى كنت اعرفهم اهو اللى تحرش فيهم انا اليوم ابتديت اتركة خلاص وادعو لى
تعرفين أنا قاصده أكتب لج هذي الكلمات مب عشان أجرحج بس عشان تفوقين من الضايع ألي أنتي فيه فكري بنفسج فكري بذاتج كيف تخلين واحد نذل مثل هذا يلعب فيج ويهينج والله وألف والله وأنا متزوجه لو ريلي بس فكر يخوني مب ما بشوفيني ولو لحظه جدامه مب يجرني ويظربني ....فوقي من وهم أسمه حب زوزاج هو أنسان عديم الأحساس وأنتي جربتي الريايل يعني مطلقه ترا الريايل كلهكم نفس التفكير ألا من رحم الله يكون منهم وفي ومخلص ....لكن النوعيه الي عندج أنسان يجري في دمه النذاله أبتعدي عنه قبل ما يوديج في داهيه ما تعرفين عواقبه شو هي .....وبعد كوني صادقه مع ذاتج كوني قويه أبتدي من يديد خلي عندج كرامه لنفسج أولاً طلعي من الوحل الي أنتي فيه وغرقتي نفسج فيه ومن السواد ألي أنتي عايشتنه طلعي شوفي الدنيا بمنظار غير خليه منظار مكبر عشان الشوفين الأمور صح ....قوي نفسج بلإيمان أنا ما أقول يبي سياده ويلسي صلي وتعبدي طول الوقت لكن أبتدي صح والصح مع الله أولاً شي بخبرج حطيه حلقه بأذنج لو خليتي مخافة الله جدام عينج ترا عمرج ماراح أتسوين شي غلط .....أحترمي نفسج كأنثى لها كرامه لها عزت نفس ما يكون نذل حقير مثل هذا يلعب فيج ويعاملج مثل الحيوان أسمحي لي لو غلط وأسمحيلي لو جرحتج وعلى فكره أنا أول مره أنصح وأرد على وحده لكن حسيت فيج نفحه إيمانيه نمي الإيمان في قلبج وتوبي لله وهذا الحقير خليه عقابه عند الله بيكون شديد لكن لأخر مره أقولج لحقي عمرج ....
استغفري ربك الله يصلحك انا اصغر منك وانصحك حتي المراهقه ماتسوي جذي احفظي نفسك عن ها الاشكال الله يهدسك لطاعة وحافظي علي صلاتك تراها علاجك وقراءي قران وتعوووذي من ابليس انت ادري انه غصب عنج من الفراغ لكن تـــــــــــــــــوبي الي الله توبه نصووووحه وغيري قم موبايلك وصدقيني بتعيشين بنعيم هداج الله وحفظ لك طفلك
بنات اتمني من كل وحد ه تدش وتقراء الموضوع عقب ما تقول اللي تبي انها تدعي لصاحبته اهي ماشكت وكتبت الا ربي بيهديها لاكن دعواتكم الطيبه وتشجيعكم لها بيساعدها فلا تخلونها اختكم في حاجت دعواتكم
بصراحه اشك بالقصه!!!! بس إذاكانت حقيقيه الله يهديج ويثبتج على طاعته ويحفظ لج وليدج إللى طلعتى فيه من هالدنيا وكلنا نغلط بس ماننسى ان هناك رب كبير يغفر الذنوب! (((خير الخطائون التوابون)))
الله يهديج بس بغيت أعرف وين هلج من ألي قاعد أتسوينه؟ توبي وأطلبي من الله أن يغفرلج مادام للحين الروح داخل جسمج تري عذرج أنج تحبيينه ما يشفعلج بيوم الحساب
ان الله غفور رحيم وان الله شديد العقاب استغفري وتوبي توبه من قلبج فكري بولدج اهم شي بالدنيا كلها ومافيها خليج ام صالحه له وفخر وانتبهي من الاخطاء والضياع تمسكي بالصلاه و الصدقه والدعاء الله قادر على كل شي بس انوي التوبه بنيه صافيه والله يساعدج اقري قران اشكي لله حالج توبي يابنت الحلال تكفين اصحي لنفسج
استغفر الله اللي قاعده تسوينه غلط اي حب واي خرابيط هالشي حرام الحقي على عمرج وتوبي ما تدرين يمكن الله ياخذ روحج بهاللحظه شلون بتقابلينه وشنو بتقولينه تقوليله احبه ويحبني هذا مو عذر تزنين علشان تحبينه ؟ هو ما سأل عنج ولا درى عنج وليش قاطه روحج على واحد ما يبيج تبينه يتزوجج غصب مثلا ؟ بعدين شكو تقولين انا ولا زوجتك تبين يهد مرته علشانج ويترك عياله علشانج؟ تبين تخربين بيت وتفككين اسره حطي نفسج مكان زوجته شنو راح تسوين مثل ما ما ترضينها على نفسج لا ترضينها على غيرج الرجال متزوج وعنده عيال لا تخربين بينهم ولا تقولين يحبني هذا قاعد يقص عليج استغفري ربج وتوبي قبل فوات الاوان لما تقابلين ربج ما راح ينفعج احد لا هو ولا غيره الله يهديج
حبيتيه بس اهو مايحبج ولو يحبج جان تزوجج بصراحه الرياجيل علي العموم مايحبون البنت تنزل من مقدارها وترخص عمرها وهو اكيد حاط باله مثل ماتخونين اهلج راح تخونينه اهم دايمن جذي تفكيرهم حتي لو يعشقج تفكيرهم جذي والمشكله انج تصرفين عليه وهم حملتي ونزلتيه علشانه اكيد بيحط باله مافيها خير لضناها بيصير فيها خير لي انا انصحج لوجه الله انج تدعين ربج انه يغفرلج ويصلح بالج وانشالله بتلقين اللي احسن منه يعزج ويرزج ويحترمج ويقدرج انتي ضحيتي شكثر بس لي متي اهو حياته مرته وعياله وانتي حياتج اهو خليه امسحيه من بالج لانه داس علي كرامتج والمرا مالها اللي كرامتها لي راحت خلاص تموت افضل لها جدام الحياه وماشالله عندج ولد وموناقصج شي ادعي ربج بالزوج الصالح اللي يحطج فوق راسه وانتي موصغيره لو بس تصير عندج اراده تهدينه راح تنسينه وتبدين حياتج صح لان الدنيا فانيه وحبج له ماراح ينفعج بقبرج واهو رجال شايل عيبه بس انتي مره وام فكري بولدج احسن ماتفكرين بواحد مايفكر فيج اللي لمصلحته وتسليته بس والله يهديج
استغفر الله ولاحول ولاقوه الا بالله يااختي قهرتيني وزعلتيني منج وعليج وعلى الظروف الي خلتج تسوين جذي بس هالشي مايشفع لج بالاخره ياقلبي توبي توبه نصوحه مدام انتي حاسه بغلطتج حرام الي قاعده تسويه بنفسج واهلج ولدج خليج قدوه صالحه له واتركي هالنذل خليه يولي وعسى ربي يرزقج بالي احسن منه
قوووووووووويه لا لا وحده عمرها جذي وعندها ولد وهذا سواااااااتهااااااااااا حرااااااااام عليج ليش جذي لا قابلتي ربج وسألج شنو بتقولين أأأأأأأأأأأأحبه .. اصحي اصحي لويحبج جان تزوجج خلي هالشي برااااااسج دايم لا يسيطر الحب عليج ... .. انتي كاتبه بديت اتركه قبل جم صفح والحين تركتيه والالا..؟؟؟ مابي اقول زياااده الان البنات ماقصررروو.. حرااااااااااااام شوووووهتي سمعتج وسمعت اصلج .. مطير لايكمن جذي فيها.... جم عمر ولدج؟؟؟ ردي بتابع موضوووعج ؟؟؟؟؟؟؟؟؟ الله يهدييييييييييييييييييييج بس.. لا حول ولاقوه الابالله..
فديت كل الللى رد على انتهت هالعلاقة خلاااااااااااااااااااص وباثار انا اللى تحملتها اما اهو الرابح الوحيد بهالموضوع واشكر كل اللى ردو على وماقصرتو بالدعاء اللى قواا قلبي وخلانى اتركة ومشكورين على النصايح الحلوة وعلى الكلام ولو كان جارح بس ادري لمصلتى
لاتزعلين من ردود افعالهم لانه شي طبيعي اللي انتي مسويته غلط ومــصيبه بمعنى اصح ماابي اجرح فيج اكثر بس صدقيني الانسان لما يحب اي شخص بهالدنيا يخاف عليه حتى من نفسه ولو فعلا كان يحبج جان خذاج قبل لايتزوج بنت عمه لو يحبج ماخلاج تحملين واطيحي لويحبج جان خاف عليج من اهلج لو دروا عنج ابوج امج اخوانج لويحبج ماقالج شتبين الناس تقول خذ رفـــيجته)))))))ركزي هالكلمه بتوصلين حق وايد امور قاعده احاجيج من منطق العقل واذا تبينها عند ربج وعلى قولته انتي زوجتي جدام ربي اولا من اساسيات الزواج الاشهار فيه وانتي لانج عارفه نفسج مسويه الغلط فموقادره تقولين لاحق رفيجات ولاخوات ولاغيرهم واهو بالعربي ولاتزعلين من هالكلمه مقزرها عليج انتي تصرفين وتيبين وتحطين واكيد امور وايد ما ذكرتيها الانسان فعلا مو معــصوم عن الغلط بس العيب اذا استــمريتي بغلطج فكري بعقلج مو بقلبج لو فكرتي بقلبج عمرج ماراح تهدينه حطي ربج واهلج وولدج بين عيونج وتقربي من ربج اكثر صدقيني لا انا ولا الف وحده غيري بتقدر تغير شي الـــوحــــيده انتي تقدرين تغيرين كل شي لما تقولين كلمة بأذن الله اقـــدر راح تقدرين تحلين اصعب الامور ومو مقياس انه عمرج 33 لازم ماتغلطين كلنا اعيال ادم نغلط ديربالج على نفسج حبيبتي وربي يقويج وانشالله يرزقج بلي احسن منه واتمنى اسمع خبر عنج يبشر بالخير
