والله مستغربه ليش يلبسون تي شيرت او جاكيت حده ماله داعي يعني يسترون اللي فوق ياحرام واللي تحت عادي انا افضل انهم يتفصخون مره وحده احسن---على بالهم ان هذا تطور وذرابه مساكين ويكسرون الخاطر الغافلات ملهيتهم هدنيا الله يهديهم ويصلحهم--
والله يا حبيبتي من ورى التربيه من شب على شي شاب عليه والشرهه على أهاليهم اللي ماعلموهم إن هالشي حرام ومايجوز يلبسون هاللبس الخايس
عسى الله يستر علينا و على جميع المسلمين و المسلمات الحين البنات المومتحجبات يلبسون بلوزات و ينسون البنطرون بالكبت ... لوووووووووووووووووووووول و الله كل لبسهم بس قميص بدون بنطرون!!!!!!!! الله يهديهم بس و كلهم يلبسون نعل flip flop جنهم رايحين الحمام تكرمون و نفانيف البحر اللي المفروض انها تنلبس فوق المايوه واايد ماشي سوقها ... الله يهديهم ان شاءالله
الله يهديهم ويصلحهم والله استهتار وظياع واللي يغث انهم طالعين جدام اهلهم ابوها واخوها او زوجها والله مادري وين غيرتهم وين رجولتهم انعدمت ولاشنو عسى الله يهديهم بس
والله صاجة اعوذ بالله الله لايغضب علينا يارب والله شي غريب مافية احد يحس على دمة اعوذ بالله المصيبة احيانا معاها امها او زوجها
اي والله معك حق وين ماتروحي تشوفي البنات لابسة هاللبس بس مثل ماقلتي حضرتك انا مومستوعبه شلون امها او ابوها مخليها جذيه الحق عليهم والله كيف تقبل بنتك تمشي بهالموديل وانت رجال وتعرف نظرة الشباب للبنات الي يمشون بهاللبس الحرية حلوة لكن بحدودها نحنا في بلد عربي يعني وقت الطلعة لباس ساتر ومكياج خفيف وسشوار للي مو متحجبين ويكفي وزيااااااادة صرنا نمشي بالشارع وكاننا في صالة عرس اذا الشوارع بهالشكل كيف راح يلبسون لو جاتهم مناسبة طقم داخلي!!!!!! الله يهدي بنات المسلمين اجميعن يارب
حبيبتي انا قاهمه انتي من اي منطلق قاعده تتحجين بس صدقيني قبل على ايام الخمسينات يدتي صورها العن من لبس بنات هالايام بس الناس كانت اخلاقها محترمه قبل لمن المره يطيح منها شي بالارض تنزل اتييبه واول شي تسويه تعدل اهدومها واهي نازله عشان مايبين شي بس الحين تطمبز البنت وتحط شيسمونه بويوه الناس يعني شوفو انا عن نفسي كل شي لبست بس طريقه تقديمي للبس محترمه مومبتذله ومن ناحيه ثانيه في وايد بنات محجبات ولبسهم العن من جذي يعني اذا موقصير لازق لزق بالجسم تقول مدخله هدومها بفازلين وبصراحه هذا رايي واتمنى انتوا بعد تفهمون المنطلق الي انا اتكلم منه مو الموضه الي تغيرت اهي نفسها مالت قبل قاعده ترجع بس الناس عقولهم وقلوبهم تغيرت ومااعتقد ترجع
مادري شنو يقصدون بلبسهم هذا حتى انه يقهروني وحركة سخيفة بعد يلبسون تحنه بو خط وواضح قله ادب وين اهلهم
لا حول ولا قوه الا بالله لا وعاد اللي يقهر لايات ماشالله متروسة والقميص صااك عليها ومو قادره تتنفس استغفر الله تعرض عصاقيلها وسيقانها للي يسوى واللي مايسوى والله الأهل قلوبهم جليد ومايغارون على بناتهم.. يالله بالستر بس.. على الأقل اذا تبين تلبسين البسي تحته بنطلون او برمودا قطن حالات هالبنات والله عوافي ياقلبي عالموضوع
وربي اني انظر لها نظره حقيره يعني وين على الله لابسه هاللبس وين انتي راايحه عيب عليج وربي بناتناا خلاااااااااااص افصخو الحيااء ماني قايله نصهم لا بقول اغلبهن حتى لباسات العبي شي مو طبيعي مفاصيخ الحمدلله والشكر يستاهلون التحرش
كلامكم كله صح الحين الموضه فووووووووووق الركبه صار الوضع عادي جدام ابوهم و اخوهم و التسريحات و الله تسريحاتهم احنا نسويها بالاعراس و الميك اب الاوووووووووووووفر و الالوان الفسفوريه ما في احد ما يتفرج عليهم حتى لهنود وشوفي الآثام اللي خذوها من هالتفصخ و كل واحد طالعهم ياخذون ذنب على نظرته لهم
الله يهديهم ويهدي اهلهم بعد الي رضوا انه بناتهم يطلعون جذي الله يستر على بناتنا قولوا امين ومشكوره حبيتي على الموضوع
