الأخت واااو أنا رفعتلج موضوع كاتبته الأخت أم زينه تتكلم فيه عن أسباب هذا النوع من الحمل و إذا قريتيه راح تشوفين انه من الصعب تحديد سبب واحد واضح ليهلموضوع وانا اقول تو الناس الحمد لله انتي توج عروس وماعليج تنذكر ما تنعاد يارب . كل اللي عليج انج تقوين رحمج ومبايضج بأشياء طبيعية ولا تستعجلين على الحمله الثانية عطي نفسج وجسمج فرصة . عليج بالعسل مع الطرح وعليج بالقسط الهندي وأيام الدورة انتبهي ونظفي رحمج ودفيه ومافي شي تقدرين اتسوينه اكثر من جذي. الله يوفقج واذا سمعت عن شي بذكرج ان شاء الله وبكتبلج. موفقة
مجد هذا افراز مو دورة وعادي في حريم اييها فترة ويروح وحتى البنات وتكون هذي مثل بوادر وعلامات وأما السدد إذا رحمج سليم فعشبة المدينة حيل حيل مفيده لهذا الموضوع.
ليالي هذي الوصفة الي قلتيها تعتبر مقوي جنسي جيد وحق المبايض بعد زينه لكن كونها للتوأم ما اعتقد ومافيه شي اكيد عشبي ينشط المبيض بحيث يخليه إينضج أكثر من بويضة أو يشغل المبيظين في شهر واحد كل هذي فرص ضئيلة ، افضل شي والأكيد هو الكلوميد لكنه طبعا مخطور مع طول المده ومخطور لأنه محتمل يصير تلقيح لأكثر من بويضتين يعني تحملين بثلاث أو أربع.مستعده حق ثلاث اربع يهال مع بعض
حبيبتي كف مريم فوحيه واشربي منه صبح وبالليل واكلي اناناس فرش وعصير هذا مو طبيعي وعندج الخروع اذا انفتحتي عشان يحمي الطلق بس ديري بالج يخبط البطن، وزوجج لازم يكون له دور لأنه العملية .......... وماء الرجل يساعد في اتساع عنق الرحم ويارب تقومين بالسلامة وبشرينا اذا صار معاج شي.
بارك الله فيج يالعشابه.. أنا رحت عند طبيبه شعبيه عندنا شاطره حيل حتى السعوديه معطينها شهاده على خبرتها هالمره وايد زينه قصة بطني بعد مانزلت الجنين باسبوع انا خفت من نزول الارحام لان رحمي احسه يرفرف دايم وقالت لا مشاء الله عليج رحمج زين بس مصقع خاشج برد يوم التناظيف صاير ثلجه وهم بعد عندج خف بالرحم ويمكن عشان توج مسقطه وقالت علاجها مردود وطبيخه وغيره ب500 ريال بس انا ماشتريت منها بس والله انفعت حماتي سقطت ثلاث وجان تكويها وقبل اسبوعين يابت بنت تخيلي مره شاطره طيب ابي بالاعشاب شنو علاج خف الرحم وكيف ادفيه؟؟
لخفة الأرحام - كيلو عسل سدر - 50 غرام غذاء ملكات - 50 غرام طلع النخل - 50 غرام حبة سودا تخلطينها وتاخذين منها مقدار قفشة سكر على الريق وقبل النوم. وأيضا أي شي يزيد من الهرمون الاستروجين يساعد على زيادة سماكة بطانة الرحم وسيد هالأشياء الحلبة طبعا.
مشكوره اختي طيب حبيبتي بسالك لو حبيت اخد كلوميد بس شهر عادي ماراح اطول اكثر كيف اخده وابي طريقة استخدامه وكم حبه ويصرف بدون استشارة طبيب عادي علما اني راح اخذ عسل سدر المخلوط
ليالي يا حياتي لازم تروحين طبيب ديري بالج لا تلعبين بنفسج ترا للكلوميد آثار جانبية وكثرته مو زينه على الرحم وراح تجرين على نفسج مشاكل انتي في غنى عنها.بكل بساطة لازمج قريشات تروحين فيهم حق دكاترة ثقة مثل معصومة ، ناهده العلي ، فوزية القطان وتأكدي إذا عندهم برنامج حق التوأم ولا لأ.هذي نصيحتي لج وانتي كيفج.
يعطيج العافيه اختي واتمنى انك تساعديني انا متزوجه وعندي ولد واحد عمره 4 سنوات وحملت قبله مرتين بس اجهضت المشكله عندي ضعف بالمبايض والدوره غير منتظمه تتاخر كثير اذا عندك حل لمشكلتي اتمنى تساعديني ولا تبخلي علي ومشكووووووووووووره
مشكووورة حبيبتي علي هالمبادرة الطيبة منج والله يجعله في ميزان اعمالج...أمين انا مشكلتي مشكله مالها حل الا عند الله ...انشالله انامتزوجه من 13 سنه عندي ولله الحمد بنتين وولد وكنت اجيبهم طبيعي ومن اقط الحبوب علي طول احمل ومافي شي وكل الأمور سهالات ليما اولد وماأشتكي من شي ...بس من جبت بنتي الأخيرة اللي عمرها الحين 11 سنه كل ماحملت سقطت علي شهر أوشهر ونص أوشهرين بالكثير ماأطول يصير معاي دم خفبف ليما يطيح والحين صار عدد اجهاضاتي 10 مرات قبل بنتي الأخيرة ست مرات وبعد ماجبت بنتي الرابعه وعمرها الحين 3 سنوات سقطت اربع وأخر تنظيفات كانت خارج الرحم وشالوا مني القناة وماخليت شي ماسويته سواء طب حريم وتمريخ وغيره ولا طب طبيب كل تحاليلي سليمه الحمدلله وماني عارفة شنو فيني وخلال العشر اجهاضات ماسويت تنظيفات الا مرة وحدة لما مانزل الجنين بالأعشاب اضطريت اسوي التنظيفات ...أذا تقدرين تفيديني جزاج الله خير
يعطيج الف الف عافيه على مجهودج الطيب والله يجعله بميزان حسناتج ان شالله يغيت أسألج انا حامل بآخر الشهر الثالث بس حييييييييييييييييل ضعيفه وفيني فقر دم تخيلي وزني من ولدت بنتي الاولى لي يومج هذا بين40و38بدون الحمال انا خايفه يأثر عالبيبي نفس حمال يالثاني كنت بالتاسع وزني 45بسوالبنوته ولدتها بس كيلوين واللي يشوفها يقول الحين جنها 4شهور مو 9لاسننت ولامشت عالعموم ابي حل الله يرضا عليج لان بحمالي الثاني تعبت حييل وعقب ماولدت صار فيني نزيف حااااد والله ستر ومشكوووووووره
يعطيج العافيه اختي ومشكوره عالموضوع الحلو بس عندي استفسار ,,, بعد جم يوم تقدر النفاس تاخذ اللهوم والاعشاب انا سمعت بعد اليوم العاشر صج؟؟ وشنو اهي الاعشاب اللي عادي آخذها اول ما اولد؟؟
حبيبتي انتي مسوية كل الفحوصات وماعندج إلا مشكلة في هرمون التبويض ؟ ولما حملتي بولدج وبلمرتين إللي قبله شنو سويتي ؟طبيعي ولا أخذتي علاج؟
حياتي تحاليلج سليمة ؟ طيب المرخه شنو وصفتلج الحالة :ميلان أو رحم مقلوب ولا كللللللله سليم؟!! طيب ورا الإجهاضات هذي ماكنتي تاخذين دوفاستون؟ وبنتج الله يخليها لج إللي صار قبلها ووراها اجهاضات سويتي مع حملها شي ولا ربج ثبتها؟ وفي شي ثاني أكيد عندج خبر عنه: هل تحلمين أحلام ما هي زينه بحيوانات سود أو رياييل سود أو أي كوابيس متكررة وعقب يحصل معاج إجهاض ؟
حياتي من كلامج أفهم إنه طبيعة جسمج جذي ضعيفة فهل هي قلة أكل وعدم رغبة على مدار حياتج ولا بس أثناء الحمل؟أعتقد إنتي جذي حتى لو أكلج زين بس إنتي ظعيفة يمكن من كنتي بنت . حبيبتي الطفل يحتاج من أمه شغلتين مهمتين تخلي صحته زينه لين الولاده ربي يسهلها عليج : حديد وفيتامين. أنصحج بفيتامين اسمه:فيتآيرون وطبعا حبوب الحديد وحبوب كالسيوم،الأخيرتين من المستوصف عادي بس الفيتامبن من الصيدلية ولازم تخلين أربع ساعات بين الحديد والكالسيوم عشان الامتصاص وإذا معدتج ما تتحمل دايما خلي حبوب الحديد والفيتامين عقب وجبة الغدا.وانتي بآخر الثالث ولا جان نصحتج بالفوليك أسيد لأنج ظعيفة وأكيد ما عندج مخزون وايد منه بس الحمد لله عدت على خير. حبيبتي هذيل الحبوب وايد وايد مهمين ولازم تلتزمين فيهم يوميا وراح تلاحظين الفرق على صحتج وويهج مو شرط على وزنج لأنه طبيعتج جذي.طبعا للتسمين ما في أحسن من المكسرات ، الموز والحلبة لغير الحامل والعسل الكويتي هم وايد مفيد، قلاص برتقال فرش مع شده كااااااااااملة من أي خضرا ورقية , الكيوي والليمون هذيل حق الدم يعني لازم شي أخضر وشي حامض عشان دمج ياخذ حديد ويمتصه بوجود فيتامين سي. حبيبتي الطفل لا تحطينه في بالج وشكلة صغير ولا كبير ومشى ولا سنن ولا تقارنينه بخوانه أو بعيال العالم هذا أكبر خطأ نفسيا إنتي تأثرين عليه . أهم شي اهتمي بصحته وعادي سويله تحليل دم إذا تشوفين ويهه أصفر وعطيه لو بكميات قليلة من الأشياء اللي قلتلج عليها ومالج شغل إنتي شنو تحبين عطيه شي انتي ما تاكلينه.الله يقومج بالسلامة . وجهزي حق نفاسج من الثامن لا تنسين.
حبيبتي أنا بكل حمالي آخذ الأدوية من أول يوم وحمد لله ماظرني ممكن أوقف شي إذا شفته أثر على بطن البيبي وسبب الإسهال وممكن أظيف شي إذا شفت بطنه غازات لأنه كله يطلع مع الحليب. انتي ولدتي ولا بعد؟وشنو جهزتي؟
يابعد عمري عسى ربي يعطيج كل ماتتمنين ويوفقج دنيا وآخره ويفتحها بويهج وين ماتروحين قولي آميييين انا ياقلبي قبل الزواج وزني تقريبا مابين 45و48الحمدالله وبصحه زينه بس تزوجت اولدت بنتي الاولى ضعفت لدرجه اللي يشوفني يقول جاهل الحمدالله اني شوي قصيره جان صرت مرت باباي والله انا ماحس بالجوع ومرات يمر علي يوم كامل لو اكل خبز وجبن وحده بس عادي مايهمني فيني فقر دم وسويت تحاليل مافيني شي غير هالانيميا وجهي حيييل ضعف وصار شاحب وجسمي تضحكين عليه والله جسم بنت 13 مسكين زوجي زين متحمل ضعفي والله الكل يضحك علي لما احمل يقولون جنج بالعه بطيخه صغيره مولايق علي
السلام عليكم و رحمة الله و بركاته أنا سيدة لي إبنتان و أرغب في إنجاب ولد و لقد علمت أن هناك نظام غذائي معين لتحديد جنس المولود فهل تساعدنني بمدي بهذا النظام الغذائي أو إن كنتن تعرفن طريقة أخري في تحديد جنس المولود فالرجاء مدي بها ولكن مني جزيل الشكر و العافية
