مرحبا شلونج والله اشتقتلج عسى رب البيت يه*** ويسر امورج انا تأخرت الدوره كرمكم الله 11 يوم واحس بحراره بمعدتي وصداع وعوار بسيط يجي ويروح اخر بطني سويت تحليل بالبيت وطلع خط واحد وما ادري شنو اسوي ماودي انصدم من تحليل الدم مادري شنو اسوي
اختى اصيلة عندى مشكلة زوجى بيبعت كل ما تبقى من مصاريفنا او الى وفرناة لاخوانة مع انهم احسن حال منينا والكل يقول هذا ويقولة عيالك اولي مافى فايدة انا مصرية والان مع بعض بجدة وخايفى غربتى تبقي عا الفاضى وعندى بنتين وولد وما يعمل حسابهم انا فكرت ارجع وولادى مصر واتركة يمكن يعقل بس خااايفة احسن يتزوج عليا كمان ارجوكى عايزة حل انا مو مانعة يساعدهم بس حتى يعطينا مثلهم او نصفة انا الى اوفرة فى سنة يعطهيلهم بيوم واقسم بالله حالهم احسن منينا ارجوكى قوليلى اعمل اية انا ما ليا ام ولااحد اشكيلة
هلا فيج سلامات يالغلا ممكن يكون عندج لخبطة بالهرمونات يعني ضروري تروحين لطبيبة النسا افضل وبخصوص خط واحد احمر يعني انتي مو حامل معنته في خلل بالجسم
هلا شوشو منوره لاتضايقين مافي الا الخير انشالله ومافيها شي لوساعد اهله شوفي انتي تحاولين تقعدين معه وتفهمينه الوضع قولي له لازم نسوي ميزانيه خاصه ونشيل كل شهر مبلغ لمستقبل عسالنا عشان لما يكبرون او لما يجي يوم نحتاج فلوس نلقى قولي له لازم نامن مستقبل عيالنا لانهم امانه في رقبتنا وبكره الله يسالنا عنهم يوم القيامه ولاتذكرين اهلا بالموضوع نهائي اوكي بعدها بيتغير انشالله
:teeth_smile:السلام عليكم وحبيت اخص بالسلام اختي اصيله والله فرحت لما شفت انج متواجده وحبيت اسلم عليج
هلا حبيبتي مشكلتي حيل عوده هي مو مشكله هي خراب بيت زوجي تزوج علي بدون مقدمات قسم بالله ماقصرت معاه وهو معترف والمصيبه ظلمني وظلم عياله الخمسه أخذ منحتهم وراح تزوج فيها نفسيتي حيل تعبانه ادري ماكو حل بس والله محتاجه احد يدعيلي ويدعي علي الظالم
ياحبيبتي الله يفرج همج ياااارب ويهدي لج زوجج ماعليه ياقلبي تصبري انشالله نزوه ويرد لج ولعياله اهم شي لاتطلبين الطلاق وتتسرعين واهتمي بنفسج وارضيه فهمتي علي لاتقولين بطنشه ديري بالج اشتريه بطيبج وربي يفرج همج يارب
السلام عليكم انا اختي تعاني من التهابات من سنين وماباقي شي على عرسها هل تأثر فيها؟؟ وشنو الحل؟؟ انتظر الرد
هلا حياتي مبرررررررررررررروك مقدما لعروستنا حبيبتي لازم تعالج الالتهابات بما انها توها بنوته لازم اولا تخلي المكان يتنفس تهويه يعني تلبس شور وسيع بالليسل لاتلبس اندر من تحت وقت ماتخلص حمام ضروري تنشف من الامام بعدين الخلف وفي غسول اسمه سيباميد واخذي للعمر لصغير موجود تلقينه مكتوب للمنطقه الحساسه تغسل فيه ومن برا بسسسسسسسسسسسسسسسسس فهمتي قصدي وتسوين لها ماي وفيه ملح خشن تذوبينه وقعد فيه بس لمدة عشر دقايق وبعدها تشطف بماي عادي وتحط كريم بيتادين من برا بسسسسسسسسسسس بنفس الوقت مطهر وبعد يبيض المنطقه اذا مافاد معها هالطريقه تراجع طبيبه
اختي اصيله انا احب وحد المشكله لاولي اصغر مني هو في سنه 2 ثانوي ناجح 3 ثانوي وان ادرس في الجامعه انتقلت سنه 3 جامعه وحبه مووووووووووووووت والمشكله الثانيه انا سعوديه بس هو فلسطين وهالي يحول يزوجني وانا رفضه مدري ايش اسوي والله احبه موووووووووووووت ماقدر ابتعد عنه ماقدر ايش بدونه ماعرفه ايش اسوي
السلام عليكم حبيبتي انا خجلانة من سؤالي بس اتمنى القى عندك الحل وارتاح زوجي دائما يقولي شاركني في الجماع سوي مثل الحريم وانا والله ماني عارفه كيف والمشكلة زوجي يفاجئني بالجماع يعني بدون مقدمات وكلمته في هذا الشيء بس ماهمه المهم هو يرتاح ماتدرين كيف نفسيتي صارت حتى صرت اكره الجماع لأني ما أشعر بلذة الجماع إذا سؤالي غير مناسب أرجو حذفه والسمووووووووحة
اصيله ابيج تحلين مشكلتي انا متزوجه صارلي 3 سنوات والحمدلله زوجي يمووت في ومايرفضلي طلب بس المشكله امه يخاف منها حيل بس للامانه ماتكلمه قدامي بس انا احس فيه اذا بيوديني مكان يكون مبسوط ويقول ابكلم امي احط عندها خبر واذا قالها وسكر التلفون ينعفس وجهه ويقولي خلاص مولازم نروح وانا امووت قهر اقوله وش غيررايك يقول بس تعبان مومشتهي اوديج ومراات اقوله مولازم اي مكان نروح له تعلم احد خلاص احنا ببيت بروحنا وهم منطقه بروحنا وش دخلهم والله تعبت ماخليت شي ماسويته .... تكفين ساعديني
هلا حبيبتي شوفي نصيحه من اخت ومن قلبي وربي يشهد الحين انتي مندفعه بعواطفج تحبينه موت ولكن هل فكرتي في بعيد شوي معاي اولا الكويت والسعوديه عاداتنا تقريبا وحده اولها الجنسيه مختلفه وعلى عيني وراسي اهل فلسطين ولكن فيه شي اسمه عادات وتقاليد واسم وابوج وخوانج مايصير تضربين هذا كله عشان الحب وزواج اكيد بيكون فاشل وهو صغير صدقيني باجر راح تندمين مو كل شي الحب بالحياة وربي عطانى نعمة النسيان صلي وقطعي علاقتج فيه ومن تركه شي لله ربي يعوضج افضل منه وفكري باهلج قبل اي قرار تندمين عليه باقي عمرج
هلا يالغلا حبيبتي بخصوص الجماع ونفسيتج ماعليه هذا رجال وله حق عليج انتي حاولي تستمتعين معه لحظتها وتنسين همج كلنا مشاكل ولكن في هذي اللحظات انتبهي لزوجج ولا يترتب عليها مشاكل كثيره انتبهي
هلا يالغلا تامرين امر اساعدج شوفي اولها هذي امها وصدقيني عمر الزوجه ماتصير اغلى من الام وانتي من هالناحيه طنشي شوي وصبري موشرط تطلعين تحملي وحاولي تزورينها وتهدينها هديه بدون مناسبه قولي شفتها وقلت محد يستهلها غير خالتي الغاليه واهم شي لاتحشين بامه عنده بالع** قولي شلونها اشتقت لها ومن هالسوالف اهو بينقل لها الحجي فهمتي وكثري من الاستغفار
