شلونكم خواتي حبيت أشاركم أنا هذا الشهر اخذت علاج للحمل والحمد الله تم الحمل بس قبل لا أعرف اني حامل يعني من أيام التبويض كنت مثل المريضه حسيت بسخونه وعوار بالمبايض ولوعه جبد وبعدها بأيام كنت مسافرة فكنت أحس بعوار ظهر مو طبيعي ولمه جاء موعد الدورة حسيت بعوار اسفل البطن والظهر كأنها بتنزل بس من سويت تحليل المتزلي طلعلي خطين ما صدقت رحت سويت تحليل دم وتأكد لي الخبر والحين أنا حامل بالشهر الثاني والله يرزق كل إلي ما حملوا ويفرح إلى ماحصلوا الحماله مثل مافرحت والحمدالله على كل حال
الله يرزق كل وحدة تبي الضنا بالذرية الصالحةالمعافاه السليمة.. بالنسبة لي عرفت إني حامل من كبر حجم الصدر ولما كرهت المطاعم و السمك مع أني أموت فيه وحزتها كنت مسافرة يعني ضيقت خلق زوجي لا مطاعم ولا نفسية حلوة..!!
طيب مارديتوا على أم الريش..نبي نعرف كل وحدة بأي شهر؟؟؟؟؟؟؟؟؟؟؟؟؟أنا بالشهر الثامن..ادعولي إن الله يسهل علي ولادتي أنا بكر بس الحمدلله موخايفه<<خااااف صج
السلام عليكم يشرفني انضم معاكم انا حامل بشهر السابع واول شي حسيت فيه جتني صخووونه وكرهت زوجي وحللت وطلع حمل الله يسهل علينا يااااارب
المغص يكون بالاشهر الاولى بعدين وجع الاسنان بس انا قمت اتشهوى على المرقوقة اكلها بشراهة لين انتفخت ابكي على اتفة سبب فيني قلق وخوف مع كل موعد للمستشفى جنبي مع كبرحجم الجنين يألم بس نصيحة عصي البرتقال مهم مع حبوب الحديد لانة وانتم بكرامة يمنع الامساك
