لا حول ولا قوة الا بالله العلى العظيم حبيبتى الله سبحانه فعلا رحيم بعباده تزنين ويستر عليج والله لازم تصلين شكر لله وتتصدقين بنية التوبه وتلازمين صيام الاثنين والخميس والايام البيض من كل شهر............حبيبتى اسمحيلي بكلامى انتى ماتبين تفارقينه مع الاسف لانج ماتبين تغيرين خطج والله مو جديد والله لو انه خط ذهبي بنود لازم تمشين عليها يالغاليه اذا فعلا تريدين السعاده الدنيويه والآخرويه............والله دخلت موضوعج بس لانى والله عمري متصورت انه الحرمه تخون ربها اولا ثم زوجها نعم خنتى ربج لان رب العباد اعطاج امانه {الزوج}ولا حافظتى عليه........وصح طلعت مع الرجال بعيد عن العيون وصكيتى الباب عليج وعليه فوالله لو كنتى أمرأه مصليه ومحافظه على صلواتج وصيامج فلا فعلتى هالشئ أنتى جعلتى الله سبحانه أهون الناظرين اليكى ...أوخيتى تذكري دائما {من يتقى الله يجعل له مخرجا}دائما راقبى الله فى اعمالك اعبد الله كانك تراه فان لم تكن تراه فهو يراك وهذا الاحسان......من نعمة الله عليكى الستر فاشكري ربج عليها وحافظى على زوجج وبيتج وتذكري الموت دائما ومنكرونكيروظلمة القبر وتعرض اعمالج عليج والله لتصغر الدنيا بعينج.....اختى العزيزة لازم تاخذين عهد انج تكسرين شريحتج وتشترين خط انشالله خرده ...وملازمه الصلاة فى وقتها وصيام النوافل والصدقات وصلاة قيام الليل لو ركعتان وبالسجود اعظم شئ بالوجه الجبه والانف على الارض للتذلل لله وتبجين من كل قلبج وتطلبين ربج يغفرج .........أسأل الله العلى العظيم أن يغفرلج ويعفو عنج ويسامحج ويهديج ويصلح لج زوجج ويسعدج معاه بالدارين ويصلح ابنائج والآن امطار.وخبر ادعي الله لنفسج ولبيتج ..ويستر علينا وعليج وعلى كل من يقرأ الموضوع وردى عليج وسامحينى على الاطاله
انتي شلووووون سمحتي لنفسج دقين عليه وين ارادتج ليش مامنعتي نفسج اسمحيلي انتي غلطاااااااااااااانه والله يهديج وتاقلمي مع زووجج وعيالج واشغلي نفسج بامور زوجج وعيالج وان شالله تنسينه
استغفــر اللـــه واتوب إليه..حدّي مصدومه!! اللــه واكبر شنو هالأستهتار!! ماااادري شقول بس المفروض الله يهديج اللي تتوب توبه نصوحه تسأل الله مو البشر!! عندج بنااات!!!!مادري ماحسّيت انج واعيه لكبر المصيبه والمعصيه اعذريني لصراحتي بس اسلوبج حسسني بهالشي,, اصحي واتقي الله في نفسج وفي زوجج..وفي البنات,, موخايفه من الله موخايفه من الموت وراج حساب!! يالله حسن الخاتمه.. حبيبتي استحملي كلامنا بس لمصلحتج بناتج هالورود حرام تظلمينهم لااا سمح الله ممكن يهددج!! و هم بيوم راح يطمع فيهم!!اسم الله عليهم ..وزوجج طيّب اشتبين اكثر من جذيه؟ انتي بقناعه تركتيه قبل الزواج وكنتي أصغر من عمرج ألحين ..صج أمرج غريب..الله يهديج,, السّعــاده بالتقرّبــ من اللــه..ولا تدورين سعاده ورا الدنيا,,
لاحول ولا قوة الا بالله توني اشوف الموضوع .. والله احس اني مرضت وانا اقرآ الموضوع احمدي ربج ان الله ارزقج بزوج وعيال بس للاسف انتي ماصنتي الامانه والنعمة .. غيرج يتمنى مثل زوجج وعيال واستقرار بس انتي رفستي هالنعمة.. يا اختي الغالية توبي الى الله واستغفري .. واذا رجعتي للشئ هذا ما اقول الا الله يفضحج ويكشفج جدام زوجج ويعوضة بالشريفة العفيفة اللي تصونه وتصون بيته.. وتذكر ان عين كل خاين تنام وعين ربج ماتنام.. توبي قبل المووووووووووووووت وعسى الله يهديج ويصلح حالج وحال بنات المسلمين..
الأخوات كفوا و وفو ا بس تذكري إن الريال يسامح بكل شي الا الخيانه ديري بالج على نفسج و سمعتج ترى الفضيحه ما تسوه بتسودين و يه أمج و أبوج و بتصيرين حجوه على لسان اللي يسوه وللي مايسوه
كل هالمصاايب اللي سويتهاا ومقارنة زوجج بالحقيير ومآتبين ردود فيها تجرييح..؟!! تدرين في كلمه بقلبي ودي أكتبها لج حرآم تكونين زوجه وأم وشلوون بتكون تربيتج لعيالج ...! لاحول ولاقوة الا بالله ياربي لاتغضب علينااا
