انا ولدت بالراشد 3 مرات ..عند يوليانا ..ولا سمعت صراخ ولاشي ..والسسترات يضحكون بوجهج وترتاحين لهم ..انام واقعد كل شي زين والحمد لله ..والدكاتره كلهم زينين ..احسن واحد متحت الشربيني ..وانا بسراحه مومهم عندي الكشخه ..اهم شي اطلع انا والبيبي بالسلامه
سالت عن الدكتوره عفاف قالولي جايه زياره لمدة شهر للمستشفى من مصر وعلى حظي صرت اراجع عندها وان شاء الله بكره تسويلي دخول واولد عندها والله كريم ان شاء الله تكون زينه وادعولي ان الله يسهل ولادتي وطبيعي وانتظروني وقولكم قصه ولادتي ياااااااااااااااااااااااااااااااارب
قوه انا حامل وناويه اولد بالراشد اختي ومرت اخوي عند ايفا دااايم ويمدحووونها بس انا ابي نصر واراجع عنده وناويه اولد عنده وعسالله يسهل علينا وعليكم
حبيبتي انا كنت اراجع عند دكتوره ايفا بسبب تاخر دورتي شهرين وسوتلي تحليل بول وتقولي ما في حمل المفروض تسويلي تحليل دم بس ما سوتلي عطتني حبوب تنزيل الدوره بس ما اكلتهم وقالتلي تعالي بعد اسبوعين رحت عنده وقالتي ما نزلت عليك الدوره قلت لا ووصفتلي الحبوب مره ثانيه وعطتني تحاميل لانه كان عندي الالتهاب ومضاد حيوي وقالت راجعيني بعد اسبوع سويت تحليل بول في البيت وطلعت حامل رحتلها وانصدمت لانه تبين اني حامل بالاسبوع الخامس من راجعتها وبسببها صاري اجهاض بسبب التحاميل الا وصفتها لي وما اقول الا حسبي الله ونعم الوكيل فيها دكتوره فاشله
بصراحه من كلام البنات احسه مزاجفه الولاده فيه والله يسهل على الكل يااااااااااااااااااااااارب العالمين
71:ام الغلا انتي والده بالعرف ؟ بليييز اذا والده عندهم قوليلي عنه لاني بولد عندهم ومتردده :71_:71_71:
مرت حماي والدة فيه طلعوا عينها وبعدين انا دشيته غرفهم مو ذاك الزود مدامج دافعة دافعة روحي مكان احسن منه
انا ولدت فيه مرتين الاولى كانت ولاده طبيعيه وحمدالله ما حسيت فيها وكمامهم ماشالله حلو وقوي من تاخذينه ما تقعدين الا على صوت السسترات يقولولج ماما بوووش شويه ساعدينا خل البيبي يطلع وبعدها بس يطلع البيبي الا انتي نايمه وقاعده وانتي خالصه خياطه والله على ولادتي الثانيه كان البي بي تعبان وولدته بالشهر الثامن وماشالله عليها الدكتوره لوليانا شاطره وصبوره تقول حق اهلي انا ماراح اولدها قيصري بصبر عليها ابيها تولد طبيعي والله لو مستشفى ثاني جان حولوج على الصباح ولا العدان ويقولون احنا ما نستقبل حالتج صعبه مثل ما سوا السلام بمرت اخوي يوم ولادتها كان سكري معاها مرتفع شغله جذي قالو ما نستقبلها وحولها الصباح مالت عليهم واهي دافعه لهم وحاجزه عالفاضي ... الممهم روحي الراشد عند لوليانا هذي كبيرتهم وشاطره ماشالله عليها واهم شي سلامتج وسلامه البيبي :>
بناااات معقوله دكتور الشربيني طلع جذي انا ناويه اروحه اراجع عنده لي ولادتي بصراحه خرعتوني منه حيل وخصوصا انا ولادتي الاولى عمليه
أنا والده فيه مرتين مره عند الدكتور نصر هيبه ومره عند الدكتور عاصم وأحمد وبصراحه ولادتهم رووووعه بعد الله طبعا والحمدلله والشكر لله
بنوتات اللي ولدتو بالراشد انا انشاء الله ناويه اولد فيه بس منو احسن دكتوره فيه وبجم الولاده الطبيعيه عندهم لاتبخلون علينا بالرد
