بروح الحج بنات ساعدونى

هذه صورة منتجات بوتس الخاصة بالحج ( ماركة سمبل )

باسمه حبيبتى من وين العبايه المغربيه وبوتسى وين مكانه

اول شي تحطين معجون وفرشاه وشامبو وصابونه وشبشب خفيف او جزمه واطيه وعباتين وملابس داخليه 5 وغيار كم لبسه لك ومصحف شنطه صغيره زي حقت الاسوين الي يربطوها علا بطونهم لاكن انتي ركبيها علاجنبك وفصلي دراعه بجيوب علا شان تحطي محفظتك ويكون فيها فلوس صرف خمسات وعشرات حق المشاوير ومشط وكمامات طبيه واسبرين ومساحت طبيه ولزقات طبيه وشاحن وربطات حق شعرك وشاحن احتياط الي بيشتغل بطاريه وزنجبيل مطحون علا شان ايام الحج بتكثر نزلات البرد والرشح لازم تشربيه انا لما رحت شفت المصريات يشربونه سالت وحده منهم قالت علا يقاومون الامراض الحمدلله رجعت لاهلي بزكام لاني ماستخدمته وكمان فكس وفازلين لنك بتحتاجيه بعد المشي الطويل وعلا شان روجلك من تحت ماتشقق استخدمي فازلين وكثري من شرب المويه والزنجبيل انا رحت الحج قبل عامين وتقريبا هاذي كانت اغراضي دعواتك لي بتوفيق ويحقق لي ماني اختك من السعوديه انتبهي من الي يطلبون فلوس في اشارع لاتكلميهم اوتعطيهم وجه فيه منهم يتجمع عليك وكويس اذا خرجتي منهم سالمه وكمان حلاوه فكس او حلاوه روز اذا احتجتيها الله يرجعك سالمه لاهلك اذابغيتي شي راسليني وبخبرك عن كل شي تبغي تعرفيه

العبايه المغربية آنا شاريتها من العربيد الي بسوق الفروانيه.... مو كل المحلات يبيعونها
يعني دشي محل محل واسئليه عن العبايه
وبوتس ذكرت بالردود بس تستاهلين ...... ( الأفينيوز - مجمع يلازا الي بحولي _مارينا مول- بسوق شرق )

ياريت الكل يشارك عشان نفيد ونستفيد

هذه صورة العبايه
ولاحظوا ان الموديل شلاح بس مو واسع حييل عشان ما تدوسين عليه
والكم فيه سحاب ... عشان الوضوء

انا ناوية احج هالسنه
وكتبت الأغراض ... بحيث اني قسمت الأغراض الي بشتريها من الجمعية بورقه والأغراض الي بشتريها من السوق بورقه ثانيه
بالنسبه لأغراض السوق :-
ناويه أروح أول شي لأم محمد الي بجمعية الفيحا ... يمدحونها ويقولون انها توفر كل أغراض الحج
*2 عبي ( المغربية ) بصراحه جربتها بالعمره وايد مريحه ومحتشمه ( تكون طولج بالضبط )
*2 عبي شلاح ( الفراشه )
* ملافع قطن
*ملابس داخلية استعمال واحد ( مذركير - كارفور )
*شورتات برمودا البسها تحت العبايه
*عباية ناعمه للعيد ( كل الي حجوا قالوا أحسن من الدراعه )
*عباية للرده من الحج إن شاءالله
* شنطة خصر تلبسينها تحت العبايه
*دراريع خفيفه للسكن
*دلاغات سميكه فيها ربل من تحت للطواف + دلاغات شفافه
* كمبل خفيف لمنى ( من الستي سنتر فوق _ردتاغ )
*سجادة صلاة تتصفط
*2 خمار
*نعال للحمام ( كرمكم الله )
وراح أكتب لكم باجي الأغراض الي بشتريها من الجمعيه ..... لأن حسيت إني صدعتكم