بنات تكفون ابي طريقة عمل مرق الباميا ضروري

السلام عليكم
بنات طالبتكم ابي طريقة مرق الباميا واللي بتعلمني بدعيلها

................................

حمسي بصل وثوم بالزيت لين يحمر واضيف الطماط لين يذوووب شويه وحطي الباميه عليه وحطي ملح وبهار وبعدين حطي معجون طمااااط وماي قدر الحاجه وخليه على نار هاديه لين يصير راااايب
وهني وعافيه
دعواتج خيتوموفقه

الله يعافيج غلاتي مشكوووره ماقصرتي ربي يوفقج ويسر امورج ان شاء الله

ربي يوفقكم والله ماقصرتو فديتكم

انا بعطيج طريقة الباميه الي بالوفيهات والي اهي اصلا طريقه مصريه حمسي بصل مقصص صغير حيل مع ثوم لين يحمر بسمنه عقب حطي طماط مخلوط مع نص علبه معجون طماط طبعا شخلي من القشر وحطيه نطري عليه ليما يثقل او يتسبك على قولة المصريين وحطي فلفل اسود وملح حسب الرغبه اذا عندج مرقة لحم زين بعد حطي عليها شوي وحطي الباميه بالنهايه وعليج بالف عافيه ​

نفس ماقالو بس انا افضل احمر البامية افضل للنكهة

اتمنى افيدج وما اكون متاخره اول شى يبى كيلوا لحم احمسيه زين ويكون معاه شوى شحم عشان يصير اطعم ولمه تشوفين الحم صار اشقر تحطيم لمعجون وتحمسينه شوى بعدين تحطيم طماط وتحمسينه مع البهارات بعدين تيبن الباميه وتنظفينه وتغسلينه بماى وملح وتغسلينه مره ثانيه وتحمسينه بروحه مع شوى زيت لمدة خمس دقايق تكون لحمه بروحه تطبخ نص ساعه تكبين الباميه عليه وتيبين راس ثوم بكره لاتفتحينه تغسلينه عدل وتحطينه على مرق الباميه بعد نص ساعه تكونين مسويه صباره شوى وتحطينه على المرق وتخلينه يطبخ على نار هاديه والله هذى طبختنه من عمر الله يخلى الولدة لنا هى الى معلمته لنا وصدقينى ماراح تطبخين الى اهيه لانى شفتك ودك بمرق باميه والله ماعرف اصور وله كان صورتلج الطريقه بتفصيل يعمرى واتمنى جربينه وتدعين للوالدة

موووووووفقه

مشكوووووووووورين