ياأخوات أنا من البنات اللي حصلت لي فرصه إني أدرس بالخارج درست في بريطانيا و أمريكا من الأشياء اللي تتميز فيها البنت الشرقيه و غير موجوده بالبنت الغربيه هو الدلع ما يعرفون شنو الدلع ولا في كلمه بالإنجليزي تعطي معنى كلمه الدلع و لما أحاول أشرح الكلمه للأجنبيات ما يفهمون شنو أقصد البنت الغربيه شاطره بإخراج المفاتن و إرضاء الرجل لكن ما فيها دلع خلونا نحافظ على أطباعنا اللي تميزنا عن باجي المجتمعات
انا معاج ...... بعض الاهل يعقدون بناتهم بكلمات تكسر كل الدلع والانوثة عندج مثلا عيب ,,,فشلة ,,,, لاتسوين جذي .... وينتقدونها على كل حركة وتصرف ..... اوكي اربيها على كل شئ زين من اخلاق وحكمة والخ بس لا ننسي البنات الدلع والنعومة !!!!!!
انا اشوف انه شي طبيعي انه الام تعلم بنتها الدلع لانه الحين كل شي تغير واللي ماتعرف تدلع وتمثل على الاقل انها دلوعه حظها ضايع مع الزوج لانه يشوف ويسمع سواء بره البيت او بالقنوات بالتلفزيون ويبي احد يسوي له ربي يعينا على هالزمان
تولى والمزاين انا عرفت الشى هذا من زوجى وزوجى من النوع اللى يقول على اى شى بنفسه مايكبت او يخش, هو صج احيانا اغار او اتضايق لكن كبر مخى قلت لازم اشوف الايجابيات, لازم استفيد من كلامه بدال ما اطنقر!
الدلع لم يكن اساس نجاح الحياه الزوجيه لكن لا نستطيع ان نحسبها بهذه الطريقه, نستطيع ان نقول ان له تاثير كبير على العلاقه الزوجيه, انا مثال للموضوع, عندما لاحظت هذا الشى مع زوجى استغربت جدا! وقلت بودى ان افيد غيرى, زوجى كان يقول لى بصريح العباره: انتى ليش ناشفه ليش ما تسوين حركات مثل الحريم اللى يغرون الرياييل ليش وليش, لم يكن يعرف كيف يوصللى الموضوع صح.
الزمن هذا مقلوب!! اشوف العجايب,, الحريم صايرين ناشفين وجديين زياده والرياييل صايرين ناعمين ولا بعضهم يحطون مكياج,, قبل جم يوم شفت بمطعم واحد قاعد مع شلة رياييل ويسولف ويتدلع ويلعب بشعره والله احلى من حركاتى قلت خل اشوف واتعلم:48_48: بعد شنسوى صاير زمن العجايب
صدقوني يا بنات الدلع ضروري في حياتنا بس في حضور الزوج ولانا تربينا تربيه صالحه وتطبعنا على الحزم والجد نادر ما تلقي زوجه دلوعه دايما اقول انا عن نفسي مثلا في وقت الرومانسيه دلوعه على الاخر بس الله لا يوريكم لما تروح ارومانسيه والدلع وقت الخناق كني عنتر بن شداد ههههه نفسي اغير من اسلوبي ايش اعمل
مشكورة علي الموضوع وضحكتيني وانتي صريحه ووووووواجد-----عن نفسي احب اتدلع جدام زوجي بس قمت من تالي يعني مو من اول تزوجني وتحسفت اني مو من البدايه اتدلع وأكيد الشي هذا يحبه كل زوج بس في شي مخربني عيالي الله يحفظهم يزعجوني قدام ابوهم واقوملك صراخ يمكن الشارع كله يسمعه وهو بالحاله يهرب لجهه غير معروفه هههههههه والا تعالي اذا تهاوشت معاه كنك تشوفين مسرحيه واخرب الدلع كله الله يعين يبيلنا دوره يالله بنات منو تحط لنا برنامج للدلع ونستمر عليه ونغير عقول ازواجنا ههههههه........تقبلي مروري
يووووووووووووه لاعت جبدى من هالرجاجيل أشلون نرضيهم وشنسويلهم والله لو تسوين الهوايل مافى فايده اقول عيشوا حياتكم بطبيعتكم ولايكون محوركم المهم بحياتكم أنا هاليومين قاعده اطبق هالكلام بصراحه ارتحت ماصارت مليت الحمدالله جميله وبثقه اقولها وسنعه والدلع مو تصنع انا جذى تعودت من اهلي مدلعه فطبيعى ينع** على شخصيتى والرجال سوله واجباته وبس لاتبدعين اكثر من جذى
