حبيبة البي هاد الشي حرام ومابيصير انو كون بلا حجاب قدامهون وحتى اذا كنت ساكنة بيبيت حماي مالازم اكشف حالي لاانو هاد موبيتي لوحدي ومالازم ائئسر حرية الشباب انا الي غرفة بكشف حالي على كيفي
بصراحه انا اول ماتزوجت تغطيت بس بعدين عمى قال لى لا تغطين عند اعيالى كلهم مثل اخوانج عشان جذى مأتغطى وبصراحه احسن الحجاب كافى بعدين النقاب مو فرض
هلا حبي اكيد اتغطى منهم اغطي شعري ومرات لازرتهم ولانمت عندهم مثلا بشاليه او مناسبه او شي جذي تصدف يشوفون شعري بالغلط
انا اكيد اتغطى عنهم اصلا مايدخلووون ولا عمرهم شافوني ولا قعدناا مع بعض هم بالديوان وحناا لنااا مجلس بروح وله باب عشان ناخذ راحتنا بلبسنااا 000000 عن عقبة بن عامر أن رسول الله صلى الله عليه وسلم قال : "إياكم والدخول على النساء فقال رجل من النصار: يا رسول الله أفرأيت الحمو؟ قال : الحمو الموت " رواه البخاري ومسلم. يحذر النبي صلى الله عليه وسلم في هذا الحديث من الخلوة بالمرأة الأجنبية والدخول عليها، وهنا يسأل أحد الصحابة "أفرأيت الحمو؟" والحمو: أخو الزوج وما أشبهه من أقارب الزوج كابن العم ونحوه. " قال النووي: اتفق أهل اللغة على أن الأحماء أقارب زوج المرأة كأبيه وعمه وأخيه وابن أخيه وابن عمه ونحوهم"، فهذا الصحابي يسأل عن أقارب الزوج الذين يدخلون على المرأه في طمأنينة ويسر، ما الحكم فيهم؟ فيجيبه النبي صلى الله عليه وسلم بإجابة قاطعة قائلاً: "الحمو الموت" فهو أولى بالمنع عن غيره لأن الفتنه منه أكثر لتمكنه من الوصول إلى المرأة من غير نكير عليه . وعادة الناس التساهل فيه. وهكذا يأتي هذا الحديث في إطار النهج الإسلامي الذي يأخذ بالعلاج الوقائي للمرأة والرجل، فلعل الخلوة تزين لهما المعصية، فإن الشيطان لن يتركهما في هذه الحالة بل يوسوس لهما ويزين لهما المعصية، وكما في الحديث " من كان يؤمن بالله واليوم الآخر فلا يخلون بامرأه وليس معها ذو محرم فإن ثالثهما الشيطان" والله أعلم.
انا عن نفسي مو منقبة وساكنة بيت حمولة بس ولا مرة احد من حمواني شاف شعري نهائيا وعلى فكرة بنات انا ماعندي حموات يعني كلهم شباب بس عمري ما تهاون بهالشغلة ولي الفخر
انا مو متنقبة يعني بس حجاب وانا معاهم بالبيت بس منفصل عنهم واذا رحت لهم البس عباة واسعة وبس واساسا مايقعدون معانا يعني بس يقعدون شوي عشان ولدي وبعدين يطلعون ... والنقاب مرة سمعت انه فرض ولازم ومرة سمعت انه الحجاب الشرعي يغطي الجسم كله ماعدا الوجة والكفين والله مادري ...حتى الشيوخ كل واحد يقول شي... اهات الله يعينج على المواقف اللي صارتلج ...امبيييه حده احراج
أنا صراحة أتغطى ويااااااااكثر ما شافوني مره من دون ملفع ومرة منسدحة ومرة شاااااقة الحلج من الضحك فشلة لا وحماي الصيغير عمرة 16 يقول ياويلج إذا تغطيتي عندي أنا إذا ماشفت هالوجة الحلو كل يوم أموووت طبعا أنا يوم تزوجت كان عمرة 9 سنين وأنا اللي كنت أدرسة وأقعد على طول سوالف مع بعض والحين بسم الله علية صار رجال
الحمو الموت صج كثير يشوفونج بس مو معناها نتساهل فالحمو ياأخوات مطلع وعارف فيه بالبيت أحد غيرج أو لا موصحيح يعني حماااااي خلاص انا زوجة أخوه لا الشرع مانهانا عن شي الا لخطورته انا شفت الويل وألوان المشاكل والنغزات من ام زوجي سمعتني كلام ..................... يسم البدن هذا اخوج قلتلها ايه أخوي قالت ليش تنقبين عنه قلت الشرع يقول لازم نتغطى قالت موعلى كيفج اذا حاطه مكياج تغطي واذا لا لاتتغطين انتي بتفرقين بين عيااالي قلت مالي شغل اسألي ولدج اهو اللي قال حاولت اتهرب منها قالت ماعلي منج ومنه لاتتغطين طبعا لاطاعه لمخلوق في معصية الخااااااالق قلت ان شاء الله ابشري ومارديت عليها .. وكل يوم والثاااااااااااني سوت مشكلة لدرجه اني ماقمت اطلع من غرفتي اذا سمعت صوت حمياااني حتى اتفادى المشاكل وما ارتحت الا بعد ماطلعنا من البيت.. حتى من زمان من قبل زواجياتغطى عن عيال عمي ...الحجاب ثم الحجااااب ثم الحجاااااااااب
مشكوره أختي علي هذه الموضوع حبيت أضيف نقطه تغفل عنها كثير من الخوات هي أن النقاب مو بشكل وبس لا النقاب لو موصفات من موصفاته أن ما يبرز جمال وفتنت العيون أو تكون أمطيحه الميانه مع أحموينها أو لابسه جدامهم ملابس ضيقه أو ملفته للأنتباه وعذرها منقبه وموشايف وجهي في أشياء تجذب الرجال غير الوجه وشوفوا بالأسواق فيه منقبات ملفتين للنظر أكثر من للكشفات الوجه من ناحية العبايه المخصره والعطر ألي يفوح فيليت ننتبه للأشياء هذي وأسأل الله لي ولكم الهدايه
يحليلج رسالتج وصلت!!! دريناانج حلوه..... اتغشمر معاج!!! انا عن نفسى أأيــــــــــــــد ان الوحده لازم تكون محتشمه بلبسها عند حموينها!! وفي ناس عادى ماتلبس نقاب بس تحط حدود بلبسها موشرط انها تتنقب خاصه إذا كان حموينها صغار ومتعوده عليهم
انا البس نقاااب ومااحب البس الضيق حيل وحمواني يقعدون معانا دااايم يسولفون بس انا مااسولف مع احد استحي عن الصدفات ياكثر ما شافوني
العفو بس ترى مسألة كشف الوجه فيها خلاف بين العلماء يعني لحد يفتي بعدم الجواز انا عن نفسي كنت اتغطى منهم بس الحين لا هم محترمين واتحجب بس اما نقاب لا احراج لهم بعد انا الوحيدة اللي متغطية لا بس حجاب
اسال الله لي ولكم الهدايه بس انا الحمدالله وااايد تغيرت بعد ما تركت كلام الحريم .. لبسي وكشخي واخرتها يشوفني حماي بكامل زينتي استغفر الله ... فقلت تووووووبه اطلع بره شقتي بدون ما البس عباتي اللي البسها حق بره :: يعني اتستر بره وبالبيت يشوفني حماي اي ستر هذا الله يغفر لي رحت شريت لي جم عبايه من موديلات الفراشه وخليتهم حق البيت عند حمواني ولاعني كشخت وعضبت ربي عشان وناسة الحريم وقمت لما انزل حتى دلاغي البسه لااااازم اندير بالنا يا بنات في اشياء احنا نتساهل فيها واهي عظيمه عند رب العالمين ولا ننسى قول الرسول عليه افضل الصلاة والتسليم :: (( من ترك شيئا لله عوضه الله خيرا منه )):: نسال الله انه يثبتنا ويقدرنا انا نعمل على ما امرنا الاسلام فيه
انا ماعندي حموان بس لو عندي اتغطى لان اللي تتنقب بعايلتنا تتنقب عن الكل سواء غريب او حماها واللي ماتتغطى ترى الحمو موت لاتقولين اخوان مستحيل انتي تحايل على الدين
ههههههههههه ياحليلج الشامخة ومواضيعج افكورس لازم اتغطى عن حمواني حتى لو متغطيت زوجي بيغطيني غصب ام يااااااااكثر ماشفوني اشبعوا من وجهي ولاةخلني أقولج وانا بعرسي صارلي موقف انا وحماي كنت استنى زوجي ليدخل وحمواتي وخواتي عندي يستنون زوجي على الدخلة ولا يجي قبل زوجي حماي يركض وكان يشوفنيوببدلة العرس يمممممممممة قشلة وبالصباحية خخخخخخخخ *
