هاي كروشات انا بنظم لقروبكم بس توني بالسادس واول شي مفكره فيه اني اصبغ شعري لانه لونه صار باهت يلوع الجبد ومو قادره اصبغ الحين لاني حامل .. انطر الفرج هههههه انشالله بكتب لكم برنامجي بس خل اخلص من اللويه واتفرغ لنفسي
اذا الله كتبلي عمر ان شالله بصبغ شعري خصل لان قبل فتره قصيته بوي كان لي ثلاث ارباع ظهري وبغير ستايل لبسي كله من الى واكيد بحط ميك اب بالصالون لطلعتي من الاربعين والبس واتكشخ اغير شوي من ستايلي اللي ريلي شافه علي قلت احتمال اخذ من متجر ليلتي اللي تسوي ليالي رومانسيه وتدزه لج بصندوق وانتي عاد توزعين الغراض ومعاه القميص والشحاطه وكل شي
انا للحين ماولدت بس على وشك يعني ماخذة من التاسع 20 يوم بس حدي متحمسة للاربعين لأني بحورف بعمري وكل شي بسوي من خلطات لقص لصبغ وودي اصبغ شعري فوشي خصل واقص شعري مدرج على طوله لأنه طويل وما ابي اقصر منه وطبعا شريت عدة النفاس من لهوم واعشاب دويات الى اخرهبس ادعولي اولد طفرت
السلام عليكم,,, اما انا اوف كل شي بسويه بالنفاس ولمى انفس طبعا ولاشي اسوي من العجز واكون شاريه خلطات وبلاوي واخرتها ال**اله تكرمون........ اهم شي الصبغ والحف والحمام المغربي والقميص ويحمدربه بعد اهم الرياجيل شسوي علشانه بس احنا المساكين نحورف بعمارنا.. والله يجملنا بعيونهم اللهم امين,,,
انا مفكره اسوي كيراتين واصبغ شعري واقصه طبعا بس خايفه لا يكون يأثر على الي ترضع !!! ماعندكم خـــبر بنات؟
واي فديييتكم وانا بعد بال9 و اسبوع >>>ادعوووولي اول شي شريت الحزام اللي يرد البطن على قولة ريلي الخزام الناسف لووول وشريت صابونة كركم و صابونة مرة مدحولي اياهم استبح فييهم يوخرون الخطوط و السواد وشريت بجامات لي الراس حق النفاس لان ريلي قاعد معاي بيت اهلي بس أخر اسبووع بطرده لوول بقوولة روح اعتكف اي مكان تصرف خخخخخخخخخخ و مفكرة انشالله بصبغ شعري بلابلوبيل عند صفاء و بقصه و طبعا حمام مغربي و جذي تنظيفات ضروورية .. و بعد بغير استايل لبسي كله من فوق لي تحت و ان شالله مفكرة اسوي علاج لبشرتي تعبت حيل مع الحمل و أدوية النفاس و اللهوم وهالسوالف ربي يطول بعمر يدتي ما تقصر راح تسويلي و دعواتكم يا حبااايب
