ام داناه جيتي وجابج ربي منو دكتورج وكم كلفتج اللولاده مع الخياط لاني ناويه اولد عندهم باذن الله اتمني تفيديني
هلا والله اقوى الصبر انا دكتوري اسامه صالحه خوش دكتور خياطه حلو بس عيبه كل زحمه انا ولاداتي ماتتعدى 480 لان عندي خصم وزاره الاشغال اذا انتي عندج بطاقة عضويه او زوجج عنده خصم احسن بس انا ودي اغير هالمره
اذا مرتاحه عليه ليش تغيرين الدكاتره الشاطرين راحو ما كو غير العليميه ومشكوره يا قلبي علي الرد والله يقومج بسلامه انا اليوم داشه الثامن مو قادره اسوق ولا اعرف انام عدل الله يعين بس
الله يسهل عليكم اخواتي اللي على وشك ولادة وتطلعون بالسلامة انتم والبيبي تقبلو ا مروري اختكم من السعودية القصيم بريدة ولاتنسونا من خالص دعواتكم
هلا والله اقوى الصبر انا ادري دكتوري زين بس المستشفى صار لويه بكل وقت زحمه واخر مره ولدت فيه السسترات الولاده داخل ما كان فيه اهتمام فيني اقولهم احس ان الياهل بيطلع تقولي اخذي كمام اخذ الكمام يطيح وكلهم بعيد عني صج صج تعبت واخاف هل مره مايهتمون فيني مع اني المره اللي طافت اشتكيت عليهم عند مديره المستشفى وياتني المسؤوله عن الممرضات وتأسفت بس انا متردده ومايندره انا توني بالخامس جدامي وقت افكر بس يمدحون الامومه ودي اجربه ... الله يكون في عونج والله يسهل عليج هانت ان شاء الله كلها شهر وتولدين
باركولي بنات سويت سونار وطلع فيني بنوته حدي مستانسه لله يسهل علينا يارب ويخفف عن كل وحده ثقلانه والحمدلله على كل حال
ام رغودتي حياج ربي بينا قمر 25مبروك وعسي ربي يتمم فرحتج بشوفتها متعافيه واختي ام داناه<<<<<<<<<<<ديري بالج من الاومه انا جيتهم كنت ناويه افتح ملف وبولد بس ربي حبيبي فكني منهم ماكو دكاتره وسيارت الاسعاف عند الباب وتشيل بهالحريم وتودي للفروانيه اذا تعسرت الولاده وما عرفو شي علي طول ودوج للفروانيه بعيوني شفتهم يشيلون وحده والد مدري شنو فيها فديري بالج منهم العمر مو بعزقه علي قولت اخوانا المصريين
حياج ربي يالغاليه انتي نفسي انا اول اسبوع بثامن شكلي بولد انا وياج بنفس الشهر انا سويت سونار وقالو بنوته وانا عندي ثلاث اولادوكان خاطري بولد رابع
مرحباكروشات اشلونكم ولهانه علي سوالفكم حديييييييي وسلام خاص جدا لقوى الصبر ورحب بالكروشات الجدد وعذروني مادخل هاليام اللي طافو اتعرفون انفاس وحريم وبعد الامتحانات القصيره حق العيال المهم اني تطمنت عليكم والله ايهون عليكم بسلامه وطيب الفال انشاء الله
مرحـــــبا انا راح تكون في اخر شهر فبراير بس خايفه الان فيني فقر دم وبطني ولد واسمه طـــلال واحلي اسم بنت مشا يــــخ اسم بنتي وكل من اسمعه قالو غريب
هلا كاريس واينج اشتقنا لج كل يوم وانا اشيك انطرج تقولين سالفت ولادتج <<<<<<<<<<واختي حنتوش اسم البنت صج غريب جمع شيوخ صح
مرحبا للكل اختي حنتوش مشايخ حلو انا اسم بنات اخوي شموخ وشيوخ اول شي اعترضنا علي الاسم بس يوم كملو الاربع سنوات العمر كله يارب وراحه الروضه طلع مميز وحلو اما اختي اقوة الصبر قصت ولادتي سالفه والله بس الحمد لله الله سهل علي شفتي يوم كتبت وين موجود قصر السلطان ان باقي لتجهيزي بس استكانات الشاي والقهوه كنت بخلص ورتاح عبالي باقي علي ولادتي وقت مثل ماقالولي الدكاتره لان قالولي ولادتج من 25 -12 الي 020-1 وقلتلكم اني يوم رحت لدكتور ماجد بالاخير قالي اقدر اولدج بعد اسبوع طلق صناعي لاني كنت تعبانه ونتو نصحتوني الله يجزاكم خير ان استنى وقت الولاده احسن المهم وفي يوم 15 -12 قعدت علي الساعه 12 الظهر ولا معاي مغص خفيف بس ماتوقعت طلق وكل ساعه يشتد اشوي بعدين يغيب ونا والله مانتبهت لاني مو حاطه ابالي ولاده قلت من التعب والكحه ولصخونه وعلى العصر قلت لزوجي انا مادل الجليب ولا اعرف فيها شي دامك فاضي وهذا مو منعاته ايوديني مكان كله يقولي عندج سيارتج خوذي ولدج وروحي انتي مالي خلق بس هالمره سبحان الله قال يالله امشي ادلين المحل قلت لا بس يقولون ان سوق الجليب سوق واحد المهم علي الساعه 4ونص احنا بقصر السلطان او مادخلنا مجمعات السوق شفنا لوحته واهو سرداب سوق شعبي ونزلت الدرج احس مغص زاد ابي امشي وا احس بلل خفيف اهنيه والله خفت وتذكرت اختي اقوي الصبر قالي زوجي اشفيج وقفتي مو جايه تشترين قلت مادري فيني مغص اهنيه تخسبق قال يالله نطلع قلت لا مغص خفيف اتعرفون حنا الحريم لازم اخلص ولا وقفت بنص الاواني وقلت للبياع طلعلي الاطقم الجديده اللي عندكم والله اول ماجابلي الطقم حتي مانتبهتله قلته هذا اخر شي جديد عندكم قال هذا نازل اليوم قلتله خلاص كمله لي وحاسبه وطلع بس صج مشكوره اقوي الصبر طلع حلو من جاني الحين يسالني من وين شاريته والله وفقني طلع راكب علي تجهيز اغراضي والله توفيق من الله لاني والله يوم ورانياه مانتبهت لشكله كنت بس بخلص المهم ورد البيت بسرعه الحمدلله كنت من امس داقه علي الصالونه وجايتني فيادوب حطيت اغراضي ولا المغص يزيد ودق علي اختي وخليها اترتب غرفتي لانه كنت انا خلاص خلصت تجهيزي بس مارتبت غرفت استقبالي لان عبالي تو الناس المهم اخذتلي شور وشربت كوب دارسي قبل لاروح مع خوه جوه وهذي نصيحه وحده بالمنتدا تقول يحمي الطلق وللامانه صاجه اول ماشربته ويادوب اوصل مستشفي العرف عندنا بالجهراء ولا الطلق حليل اشتد بس وين المشكله والحمد لله يوم افحصتني الدكتوره ولا تقول الرحم عندج مفتوح بس واحد سانتي والمفروض يكون من السابع مفتوح اكثر من اثنين وطلق عندي حامي وكل خمس دقايق ولا تقولي بعد ما اقدر اعطيج كمام لان سدرج تعبان والكحه معاج قويه اذا عطيتج يضرج لازم عمليه ولا ينفجر الرحم لان طلق عندج حامي ورحم مو مفتوح كفايه بس بنحاول نص ساعه قبلها ومن غير بنج اللا اذا تبين ابره بضهر ولا والله يابنات ربج كريم ولا هذا دكتور منصور كان موجود عنده عمليه ولا اتكلمه الدكتوره عني قال قبل العمليه خلني اشوفها ماشاء الله عليه صج شاطر ويوم شاف الطلق معاي حامي قال تقدرين اتحملين انا راح افحصج الحين مع وقت الطلقه وراح افتحلج الرحم بس راح احطلج بنج خفيف عشان الكحه ومابضرج والحمدلله من الله ثم دكتور منصور الله سهل علي ولدت طبيعي ولا جان امسويلي عمليه وقالي انتي ولدتي قبل الوقت لان الكحه وشكلج كنتي تمشين كثير سببولج طلق وجبت بندر الله ايخليه لي ويحميه ويكفيه من كل شر وعقبالكم يارب الله ابسهل عليكم وهذى سالفت ولادتي يا اقوي الصبر
شخباركم ياكروشات ها جهزتوا شي للبيبي انا للحين وربي حيييييييييل تعباانه ادعوا لي فديتكم عوار هالظهر ماادري شسالفته وضيق بالتنفس
ياااااااااااااااقلبي يا كريس الحمد الله علي سلامتج واشوة ان ربي سهل عليج <<<<<<<<ذبحهم غروري ضيق التنفس عادي انتي بسابع صح وعوار الظهر يكون خفيف اذا قمتي من النوم مثلا او جلستي وطولتي بالقعده ما زاد عن جذيه ديري بالج وابدي جهزي من اخر السابع او الثامن والله يهون عليج بعد
