تحبين اكل البطاط تعالي..

تسلمين اختي اسرااار :red_smile:

و لي شرف اكبر بوجودج بموضوعي و تطبيقج معاي :smile:

و انشالله مع بعض نوصل للافضل بالبطاط و الفوتوشوب :teeth_smile:

ان شاء الله .. يا رب

انا ..انا ..انا عندي طريقه حلوووووووووووووووه >>>>>>>اخيرا تكلمت
مره من المراري >>>>>>>>مطوله بالسالفه
المهم مره كنا سهرانين مع بنات عمي في المشب (لغير المتحدثين باللغه السعوديه المشب هو المكان اللي يشبون فيه الحطب بالشتاء )
المهم خطر في بالنا فكره >>>>وان شاءالله تعجبكم
جبنا البطاطا وغسلناها زييييييين مازيييييييييين بعدين فتحنا فيها فتحات متعدده من دون ما نقشرها او نفصلها مجرد فتحات بسيطه ودخلنا بكل فتحه شريحة زبده صغنونه بعدين لفينا البطاطا بقصدير وحطيناها بالحطب (او تحطينها بالفرن في نار متوسطه) وبعدييييييييييييين لما استوت فكينا القصدير وشلنا قشر البطاط (مع انه ممكن تاكلينه) واكلناه وكان طعمها
جوناااااااااااااااااااااااااااااااااااااااااااااااااااااااااااااااااااااان يهببببببببببببببببببببببببببببببببببل يطير العقل>>>توني طالعه من مستشفى الامراض النفسيه ماتشوفون الفاظي كلها الفاظ توحي بالجنون
المهم جربوها وادعولي اذا لم تعجبكم ولا تدعون علي اذا اعجبتكم
وتوته توته وانتهت الحتوته خخخخخخخخ كركركركر هع هع هع هع هع ههههههههههههههههههههه>>>احس اني بتصفق

يا حلوج يا سيدة الشرق ,,, دمج وااايد خفيف .. اسعدتيني بمرورج الكريم ....
وطريقتج للبطاااط .. راح اجربها بطلعتنا للشاليه .. بس بسويها على الفحم .... ويمكن ازيد عليها الاورغانو مع الزبده .. اتوقعها بتتطلع حلوة .... مشكووووره اختي على الطريقه ... ولا تقاطعينا ... بانتظار كل جديد لك على هذي الصفحة ..
ويبـيــــــــــله بطاااااااط

اليوم يبت لكم طريقه اصابع البطاط بالدياي وبالصورررر
انشاء الله تعجبكم ...
المقادير...
بطاط تقشرينه وتحطينه في اناء الطبخ مضاف اليه الماء
دجاج مطبوخ بالماء وقليل من البهارات ومقطع الى قطع صغيره..
بيض
(طحين او بقسماط

الطريقة
اتفورين البطاط والدياي طبعا كل واحد في اناء خاص للطبخ ( جدر للمتحدثين بالكويتيه ) ... واتحطين ماجي اذا تبين
وهاذي صورة البطاط بعد ماتفور ... انا خليته لين مالان وكان سهل التشكيل


وهذي صوره الدجاج بعد تقطيعه الى قطع صغيره



تهرسين البطاط بالماكينة او بالشوكة او باي شي واتضيفين عليه الملح والفلفل واي شي تبين
مثل البقدونس او الكزبرة .. تهرسين البطاط بالماكينة او بالشوكة او باي شي واتضيفين عليه الملح والفلفل واي شي تبين
مثل البقدونس او الكزبرة ..



جذيه صار شكل البطاط عقب ما انهرس وطلع حلو لانه تفور على راحته



عقب اتضيفين عليه الدياي وتخلطين



جذيه يصير شكله ..ذكرني بايسكريم باسكن روبنز اللي بالشيز كيك يمم



بعد ماتخلصين اتشكلينهم بالاشكال اللي تبينها .. اصابع كور مربعات مثلثات ..عادي
هاي اشكال اصابع البطاط بالدياي بعد ماتشكل..



وعقب ما تشكلينهم اتغمسين كل حبه في البيض عقب في الطحين او البقسماط
وجي يصير شكله .. كانه دياي فليه



بعد ما تخلصصين تغميس حطيه شويه في الثلاجه عشان يتماسك
وعقبها تقلينه في الزيت

وجي بيكون شكل البطاط عقب القلي..



وسويت حبيبات مشوية لانه بالزيت وايد ثجيل ويشرب وايد زيت
حطيت كم حبه في التوستر او الشوايه..



وسكرت عليه عشان بسرعه يخلص
واستوى جي شكله كانه قطعة لحم
هني استوت البطاطا..



وها شكل الاصابع المشوية في صحن التقديم ... الصراحه الذ من المقلي



وهاي شكل الاصابع المقلية والمشوية..


اتمنى انها نالت على اعجابكم ... وللامانه الموضوع منقوول لكن عجبتني قلت تشوفونها وتستفيدون مثلي ..
ولا يبقى في النهااايه الا ..... يبيــــــله بطاااااط

اي حتى انا وايد اسوي طريقة اختي سيدة الشرق بالبر .. وناسة :teeth_smile:

و مشكورة اختي اسرااار على الطريقة شكلها لذييييييذة .. بجربها و بدعيلج انشالله :teeth_smile:

توني اتذكرت احلى طريقة بطاااط .. اهي تقريبا الكل يعرفها بس امبييييييييييييييييه والله ما اطوف هالطبخة لو شنو !! :tongue_smile:

طريقة كبة البطاااط !!!

بس الطريقة بالضبط بالضبط ما اعرفها بس تقريبا هالطريقة اتمشي :smile:

اتفوحين البطاط و تخلينه بعدين يبرد شوي و بعدين اتشيلين القشر عنه و تهرسين البطاط وا تضيفين عليه زيت و تخلطينهم بايدج و يعني تضبينه لي يصير متماسك

تطبخين اللحم بالطريقة المعتاده بعدين اتحطينه بصحن يمج

تاخذين كمية من البطاط و و تسوينها على شكل بيضاوي و اتحطين كمية من اللحم بالنص و اتصكرينه

و تكونين مزهبه بيضتين خافقتهم شوي و بقصمات

اتحطين البطاط بالبيض و بعدين بالبقصمات

و لمن اتخلصينه كله اتحطينه بالفريزر شوي عشان يتماسك شوي

و بعدين تقلينه و بالعافية

يسلموووو ..اختي ايمي الحلوة ... وعليج بالف عافيه .. وان شاء الله تضبط معاج ..
ويسلموووو .. على طريقه كبة البطاط باللحمة ... وعلى فكره تقدرين تستغنين عن اللحم ..وتحطيم بدالها جبن

وعلى فكره نسيتي تحطين شي .. بس انا راح احطه لج
7
7

اي ادري .. كنت حاطته فترة بس صار العيد الوطني فقلت اخلي توقيعي عن الكويت و بعدين انشالله راح ارد احطه

و عن الجبن انا مجربه الطريقة و هم لذيذة

الللللللللله

انا امووووووووت على شـي اسمـه بطـاط

بس للاسـف ما ادخل المطبـخ كلـــــــش


مرة سووويت مثل اللي يبيعـونه بالجمعيـات يم مال الذرة والناجوز ؟

ومكتوبة طريقتـه هنـي

بس الشغلات اللي احطها داخل واي تدوّخ وانت تاكلينها p:

ههههههههــهههههــههههـــهـ


شووفوووا

المقادير (وطبعا كله حسب الكمية )

<<<< يه اليوم اللي انا اكتب فيه مقادير اكلـه ههههـ مو مصدقة

جبن كرافت الذهـبي "القلاس"
مايونيـز الحااااار
كريمـا KDD
فص ثوم واااحد صغير مدقوق
ذرة معلبـات
جبن موزريـلا


الطريقة احم احم

طبعا البطاطا تكون مفيوووحة بالقشــر..
تقصينهـا بالنص كامـلة

يعني تصير عندج نصّيــــن...




تاخذين النص الاول.
وبالقفشة تحفرين فيه شووي عشان يصير مكان تحطين الخلطة

والبطاط اللي حفرتيه ما تقطـينه .. لا لا لا خليـه بصحـن بروحه ^_^


الحيـن تحطين بالخلاط
البطاط اللي خليناه بروحه بالصحـن
والكريمـا
و جم قفشة كبيرة من جبن كرافت الذهبي
ومايونيز الحار <<< حسب الكمية اللي تحبين
وفص الثوم


عقب ما تخلطينهم

تاخذين منه وتعبيـن الحفـر بنص البطاطات اللي حفرناهم فوق ^_^


عقب ما تعبينهم
تحطين فوق كل وحدة ذرة ذرة ذرة ذرة

تخلصين
بعدين تحطين فوق كل وحدة جبن موزريلا موزريلا موزريلا


وتحطينها بالفرن شوية بس على ما يتيغر لون الموزريلا

تطلعينها

وتاكلين نص نص نص نص




وعوافي حبوبات

وااااااااااوو ....
تسلم ايدج اللي كتبت الاكله
وتسلم ايدج اللي حطت الصوره اللي تشووووق
وان شاء الله تسلم ايدج لما تطبخين اكلات احلى واحلى ... بس تكون الطبخات فيها بطااااط

تسلمين يالغاليه على مرورج .... وفعلا طبختج .... لذيـــــذه

ويبيـــله بطاااااااااط

الله يســـــــلمج

و اكييييييييد لازم البطاط
لوووول

اذا ماكو بطاط ما ادش المطبـخ p:

فـي اكلـة بعـد .. بطاط مع كريما وسبانخ ومادري شنو :_(


بتأكـد من الطريـقة
وبحاااااااااااااااول اسويها واصــوّر اووكيك

واذا ماسويتها .. بقوول الطريقـة من غير الاصور :$

حياج الله .. اختي
لنا الشرف تدخلين موسوعتنا للبطاط ... وبانتظار الطريقه ...

و يبــــــــــله بطاااااط

السلام عليكم ورحمة الله وبركاته

اليوم يبت لكم وصفه كراااات البطااااط

يالله جهزوا المقادير :
* بطاط مسلوق
* بطاط مبشور (غير مسلوق)


للحشو :

* لبنة
* جبن موزاريلا مبشور
* زعتر جاف
* ملح وفلفل

الطريقه:

- يهرس البطاط المسلوق و يخلط مع البطاط المبشور جيدا حتى تندمج تماماً.

- تخلط في وعاء آخر اللبنة و جبن الموتزاريلا والزعتر ويُتبل
الخليط بالملح والفلفل.

- يُؤخذ جزء من خليط البطاط و يُعمل على شكل فنجان.

- تؤخذ كمية من الحشو وتوضع فيه ثم تقفل من أعلى
لتصبح مثل الكرة.

- يُكرر السابق حتى انتهاء الكمية.

- تقلى كرات البطاط المحشوة في زيت غزير ساخن حتى يصبح لونها ذهبياً.

- ترفع من الزيت وتوضع على منشفة ورقية
حتى تمتص الزيت الزائد و تقدم مع السلطة الخضره.

وعليكم بالف عاااافيه ...
[
Size]

ماشالله عليكم خواتي طباخات

مشكورين على الطرق اللذييييذة

و لي عودة مع طريقة يديدة انشالله

تسلم الايادي و يعطيكم العافية

صينيه بطاط بالكريمة والمشروم ...

المكونات:

بطاط مقطع شرائح مدوره
مشروم
بصل مفرم
ملح+فلفل اسود
علبة كريمه حمرا كي دي دي
1/2 مكعب ماجي دجاج
2 ملعقة جبن سائل ويفضل جبن كرافت
زبده

الطريقة :
1_يوضع البطاط بعد تقشيرة وتقطيعه في صينة مدهونة بالزبدة
2_ يحمس المشروم مع البصل مع قليل من الملح والفلفل الاسود ثم يوضع فوق البطاط
3_نسخن الكريمه ونضيف اليها الجبن ومكعب الماجي ونقلبهم حتي يسخن ثم نصب الكريمه فوق البطاط وندخله الفرن


وعليكم بالف عافيه .... ان شاء الله تعجبكم الطريقه

كفته البطاط

هالمره يبت لكم صور ايضاحيه للطريقه .... وعلى فكره هالطريقه جدا لذيييذة وان شاء الله تعجبكم

بسم الله ...
اول شي اسلقي البطاط كامل بقشره عشان تحافظين
عليه من الماي لا تدخله وتحافظين على النكهه
مثل ماتشوفين



وبعد ماتستوي نقشرها ونتبلها بالملح والفلفل الاسود
ومقدار ملعقه زبده ولو تكون مو مسيحه افضل
لانها بتسيح من حرارة البطاطس

ونهرسها بالشوكه ونضيف لها ملعقة جبن كرفت شدر
وملعقه بقسماط عشان تمسك ماتتفكك عليك

ونبدا نحشيها بالحشوه اللي تفضلين ممكن عصاج لحم او دجاج
او تونه او خضار انا حشيتها بجبن كرفت شدر مبشور مع جبن موتزريلا
بس يكون مقدار الموتزريلا نص الشيدر يعني كاس شدر
معه نص كاس موتزريلا
ولا تكثرين حشوه شي بسيط علشان ماتسيح اثناء القلي وتفك معك
وهذا شكلها بعد الحشو والتشكيل


وبعدين نغمسها في البيض ونغطيها بالبقسماط بهالشكل
على فكره انا حطيت بقسماط بر عشان كذا لونها غامق

ونبدا بالقلي والزيت يكون خفيف يعني يغطي نص الكفته
ويكون حامي مره وشقريها بسرعه واقلبيها على الجهتين
وطلعيها على السريع لانها ماتحتاج سوا كلها مستويه
ماتحتاج الا تشقير وطلعيها على ورق نشاف ولاتغطينها
خليها تتهوى وتطلع البخار اللي جوا وتقرمش من برى
لانك لو غطيتيها بتذبل وبتموع معك
وهذا شكلها بعد القلي

وصوره اقرب

وهذا شكلها من الداخل والجبن سايح والطعم روووووعه ... تقولين .. يبيــله بطااااط

اتمنى تعجبكم وتقررون تجربونها
عليكم بالف صحه وعافيه
والقادم احلى واحلى باذن الله


منقول

​

يالله بناااات .. ابي اشوف ردودكم الحلوة ...
شاركوني بتجاربكم وطرقكم واكلاتكم مع البطاط ..
ويــــن اعضااء حمله .. يبيـــله بطااااط ؟؟؟

ماشالله .. انشالله للامام دايما :teeth_smile:

دايما مزدهر بمشاركاتج اختي

و ماشالله الطرق حدها لذييييييذة

يعطيج العافية اختي على هالجهد الرائع و الكبير

لي عودة قوية انشالله .. نطروني

و موفقة اختي اسرااار

تسلمين حبيبتي .. ومشكووره على مشاركتك الطيبه والكلام الحلو ..
ان شاء الله اقدر اوفر لكم كل الطرق لعمل البطااااط ....
ويبيــله بطاااااااط ))

عدنا اليكم من جديد .. وهالمره يايبه لكم اكلات وااايده تدخل فيها البطاااط .. يعني البطاط ورااكم وراااكم ..
بس قبل لا احط الاكلات ... ودي اتكلم شويه واقولكم بعض المعلومات عن البطاط .. ( يعني مو بس ناكل ومانعرف شنو الفوائد )
وهالمعلومات انا شفتها في مواقع اجنبيه وحبيت اترجمها لكم . .... يالله ؟؟؟ يالله

الفيتامينات الموجوده في البطاط ذو اللون الاصفر أكثر من البطاط اللي لونها ابيض يعني غنيه بالسعرات الحرارية و تصلح لذوي المعد الضعيفة .والمصابين بعسر الهضم والمغص وقلة إفرازالمادة الصفراء ، ليس فيها كالسيوم لذا يجب أن يضاف
لها الحليب والزبدة كي تصبح كاملة القيمة الغذائية
ومقوية للعظام بشكل خاص.

المقدار المثالي منها لغذاء الإنسان ما بين
200 – 300 غراما في اليوم .

يفضل أكلها مسلوقة أو مشوية.

{{{ فوائـــد البطاط}}}

البطاطا توقف نزيف الدم

أثبت بحث جديد فعالية مسحوق مصنوع من البطاطا العادية في تشجيع تخثر الدم وإغلاق الجروح المفتوحة ومنع النزيف والسيطرة على مضاعفات العمليات الجراحية.

وأوضح أخصائيو التخدير في عيادة مايوكلينك بروشيستر أن هذا المسحوق يعمل إسفنجة تمتص الدم عند وضعه على الجرح ويحفز آليات التخثر الأولية, إلى أن تكتمل العملية الطبيعية كلها ويتوقف النزيف ثم تعمل أنزيمات الأميليز على تذويب المسحوق
والتخلص منه مشيرين إلى أنه فعال جدا ولا يترك آثارا جانبية. .... ( سبحان الله )

وقام الباحثون في دراستهم التي عرضوها في الاجتماع السنوي للجمعية الأمريكية لأطباء التخدير باختبار فعالية وسلامة استخدام مسحوق البطاطا الجديد في علاج القطوع وجروح الجلدالسطحية عند 30 متطوعا من الأصحاء .

حيث تم دهن المسحوق على أحد القطوع فورا عند نزيفها فيما عولجت القطوع الأخرى بالضغط وتسجيل الوقت الذي احتاجه توقف النزيف في كل جرح ومراقبة الجروح بعد 10 دقائق ثم بعد
مرور سبعة أيام و ثلاثين يوما.

ولاحظ هؤلاء أن النزيف توقف فورا في القطوع التي عولجت بمسحوق البطاطا بينما احتاج توقف النزيف في القطوع الأخرى التي عولجت بالضغط فقط إلى ست دقائق تقريبا.

وأوضح العلماء أن المسحوق المذكور الذي نال موافقة إدارة الأغذية والعقاقير الأمريكية العام الماضي كريمي اللون ويتألف من نشا بطاطا مصفى مطحون في جسيمات كروية ويباع تحت اسم"بليد-اكس" وسيطرح في الأسواق في الشهورالقليلة القادمة كبديل مثالي للكولاجين والمنتجات الحيوانية الأخرى المتوافرة حاليا.

وحسب الباحثين فقد تمت المصادقة على استخدام المسحوق في أوروبا وكندا بدون وصفة طبية في حالات الإصابات الرضية وفي العمليات الجراحية. كما نال الموافقة على استخدامه في الولايات المتحدة لوقف نزيف الدم بعد العمليات وفي الجراحات الجلدية وينتظر المصادقة لاستخدامه أثناء العمليات الجراحية للصدر والبطن.

ويرى الخبراء أن بالإمكان الاستعانة بهذا المسحوق في التطبيقات العسكرية والجروح الناتجة عن الحروب بدلا من أسلوب الضغط
الذي يحتاج وقتا طويلا نسبيا كما يمكن استخدامه بفعالية وأمان وسرعة لتشجيع تخثر الدم ووقف النزيف في الجروح العميقة والبليغة فيغني عن الحاجة لعمليات نقل الدم مشيرين إلى أنه يتفوق على مواد تخثر الدم الأخرى بسبب عدم حاجته
لتحضير مسبق أو تبريد.

ولفت الباحثون إلى أن نشا البطاطا يتحلل بسرعة في غضون أربع وعشرين ساعة فيقلل الإصابات الانتانية وفرصة تفاعل الجسم
مع المواد الغريبة.

......... ( وعن تجربه احيانا تضع الوالده لنا شرائح من البطاااط على الجلد .. لما يصيبنا حرق اوحساسيه ... وتكون التجربه ناااجحه في الغالب )

بنااات ... ترى الموضوع يصلح عمل بحث ... فاللي تعمل كوبي ... لا تنساني بالدعاااء لي . وراح اكمل لكم .. بس نطرو شوي ..