الله يعينج وهذا عن حب لو انا ماخذته جان حالتي نفس حالتج .. مشكلة اللي عنده نعمة ومايحس فيها .. ياااارب اهديني وريح نفسيتي ..
مشكوره يالغالية علي مرورج بس شسوي لا والحين طالع لي بسالفة يديدة يقولي رفيجي عازمني علي سفر بيشتري بضاعة من الصين وله خوش ربع عندك يعزمونك علي سفر وانا احن علي ابي اسافر يقولي مالي خلقوااااااااااااااي منبطة جبدي منه
حياتي انت دراريع عليا انا كويتية بس بيتنا عندهم ظروف ما اقر اقعد عندهم ومشاءالله انا عيالي خمسة اهلي ما يتحملونا هذا الي كاسر ظهري يعني ما اقدر اقعد عند اهلي انا مرة زعلت لان جكيتة يكلم وحدة ورحت بيت اهلي ما اقدرو يتحملوني امي الله يهداها كانت ادور السبة وتقعد اتناجر عيالي وغير جذي وايد ما صدقت ياني واعتذر جان ارد معاه بس صدقيني انا صج تعبانة
ترى عادي ومافي ام ترضاها لبنتها بس انا قلت ردي بحكم اهلي يساعدون عرفتي بس احلى حل طنشي لاتعطينة وجة احسن شي يموتون اذا احقرتهم المرا اهم شي عيالج عيالج والناس انواع مو سوا خلي بالبيت كانة مو موجود ودعيلة من قلبج مهما كان اسمة ابو عيالج الله يهدي ترى ردة فعلي لاتزعلين منها انا جذي طبعي مااتحمل اتنرفز بس اهلي يساعدون شوي وانا ماارد على احد مع احترامي لهم رايي اهوا الماشي خليج ماه شتسوين الزم مالج عيالج ربيهم درسيهم بيدج بدل لاتقطينهم عند مرت ابو صح مصير الواحد ياما ينجن ويروح مستشفى المجانين او يعقل ادعيلة بالهداية ولا تكثرون نجرة قدام عيالكم عشان يحسون بالامان وراعو نفسيتهم
حبيبتي كلمي لايتعلق بغيج لحد يقص عليج ويقولج مردة لج لا حبيبتي باجر يتعود عليها وينساج انتي وعيالج فتحي عينج عدل ولا تخلينا يشوف نقص فيج
يعطيج العافية علي كلامج الحلو والله المنتدي الوحيد الي الواحد يفضفض عن همة وسامحوني لي ازعجتكم بكلامي بس الواحد من قهرة
تسلمين ام عبدالله علي ردج بس صدقيني انا اعرف ريلي مو من الي الي يحب ويخلص لالالالا اهو بس بي يخربط و...................وانت عارفين
كثري استغفار بنية ان الله يهدي زوجج وكثري من الدعاء وقت السجود وبين الاذان والاقامه وصلي القيام بالليل والله يفرج همج ويسخرلج ريلج ولايشوف غيرج يآآآرب
هذا الحب وهذي الحياه الزوجيه: أما صفاء أو تنازل احد الطرفين وخظوعه أما الطلاق وأنتي ادرى بظروفك لكن اتمنى ان تكوني أقوى شخصيتك امام زوجك ادري انها صعبه بس حاول لا تظر المحاااااوله
الله يسخره لج ياحياتي..سوي اللي عليج بس من غير اهتمام وتقربي من ربج وحبي نفسج وردي ايام العزوبيه وونسي عمرج وخليه اخر همج مثل ماخلاج اخر همه
لاتنسين الدعاء العظيم من القران الكريم (( ربنا اجعل لنا من ازواجنا وذرياتنا غرة اعين وجعلنا للمتقين اماما)) والله يهديه لك
حبيبتي اللي صار انتهى عليج باللي جدام واضح انج تحبين زوجج وقلبج يعورج انج باحساسج انج خلاص خسرتيه نصيحه لج دام تحبينه وعندج عيال حاول تكسبينه اول شي توكلي على الله وادعيه ان الله يسخره لج والله الدعااااء مهم حيل ثاني شغله دام عندج مشاءالله خمس عيال اكيد ياخذون حيل من وقتج عطي نفسك حق ولزوجج اكشخي له مو قصدي ملابس اخر الليل لا قصدي بكل وقت خلي شكلج حلو ونظيفة دايم ومتعطره ولاتبنين انج كاشخه بس عشانه ولبسج خليه فيه نوع من الانوثه والاغراء والبيت نظيف ومرتب وفراشج دايم عطريه وغري الكفرات بشكل حلو ودااااااااااااااايم خليج مبتسمه ولايصير شكلكج مهمومه ينحاش عنج والله صدقيني بامر الله بيمل من الخرابيط والبنات وبيشبع ومرده لج لاتنحشينه منج من غير ماتدرين ويااااااااااااااااااااااارب يسخره لج ولعيالج
الله يهدية لج عليج بدعاء وما شالله عندج 5 يهال موكل الاهل يتحملون بس يطقج ويهينج قوية ولا ماخذج عن حب جذي الله يهدية !! ما اقدر اقولج نفس الاخت درايع علياتطلقي او روحي بيت اهلج زعلي لانة حسب ظروف بيتكم ووجهة نظرة اهلج لوضع ريلج وسوالفة انتي تقولين ما يتحملونج انتي وعيالج في ناس ما يرضون لبناتهم يصير فيهم جذي انة بنتهم تنطق او يخونها او راعي سوالف وخربطة بس مدام تقولين يخربط لاتقصرين معاة بشي واهتمي بنفسج اكثر واكثر والله يهدية ويسخرة لج
ما اقوووول الا عيشي حياتج واهتمي بعيالج وادعي له ان الله يهدي وطنشي يعني ماتدرين عن خياناته وصحيح مافي حرامي يقول انا حرامي اكيد راح ينكر شوي روحج انه مايخونج وانج مصدقه انه تاب ماعنده هالسوالف اخرتها بيمل ومارده لج
يااااااااااااااااااااااااااااااعمري عليج والله اني حاسة فيج لاني مجربة بصراحة انا لو منج كفتة تكفخ لين يقول امين بصراحة ايمد ايدة علي والله لكسرها لة لخلي ماينسى يمدها مرة ثانية لخلي يتحسف اكرها عيشتة اذلة ذل ترى انسان احس مو طوفة هبيطة قلنا خون بس ايدك لاتمدها مرة ثانية خلي شخصيتج قوية لياكلج بيده وليش ماتقولين لهلج اواي احد فاهم لان الرجال اللي مايشوف احد وراء مرة بيلعن ابو خيرها بصراحة انا لو منج ماسكت العن جدفة الجدف مدة اللي مو هينها اهانة بالنسبة لج مو كل ماتضايق وازعل حط حرتة فيج اسمحيلي ريلج يبي اي احد يوقفة عند حدهم لان مو شايف احد وراج بعدين اهلج حتى لو عندهم مشاكل مايصير مايوقفون معج بالاخص الام والاب مايخلون بنتهم حشاشت يوفهم ومايدفعون عنها خلي يحس بقيمتج سفلي فية
ماقول غير الله يعينكم والله على هالازواج ساعات اقول حنا الحمدلله ما يزوجونا الا من العيلة يمكن مارح يتجرأون يسون لنا شي والله مو عارفة شقول الله يعينا اجميعا يارب بس لا تنسين انه في فوق رب كبير ما ينسى عبادة
عندي لج حل وان شالله يفيدج اول شي عليج بالدعاء بالصلاة وسورة البقره لمدة سبع ايام ورى بعض اقريها كامله والاستغفار دايم وثاني شي غيري استايلج لنفسج مو تغيرينه وتقولين له شرايك ؟ لااااااا طاااف وغيري معاملتج معاهـ وبينيله انج مو مهتمه حتى اذا اكتشفتي خيانه جديده لانج لو تكلمتي راح يقلبها عليج وتطلعين انتي الغلطانه صدقيني اول مره راح يسكت ويمكن ثاني مره لكن بعدها راح يكلمج وانتي لمحي له انج عارفه كل شي وموضوع انه يمد ايده عليج ويهينج انتي غلطانه المفروض من اول مره ماتسكتين لكن الحين لو مد ايده لاتكلمينه ابد وخلي ابوج او احد من اهلج يكلمه ويوقفه عند حده وانتي لاترضين بسهوله...!!! وبعدها اشرطي عليه وقوليله كل اللي يضايقج عشان مايكرر هالشي والله يسخره لج يااارب وترجعون مثل اول واحسن خليه يحس انج تغيرتي
