تبينة يتغير اذا قالج بسافر او اووووووو قوليلة ماتشوف شر بزهب جنطتك بطول ياقلبي متى بترد بالظبط وسوي نفسج مستانسة على فراقة حسسية ان في احد ثاني بحياتج واللة راح يعوف السفرة شككية بعمرة قوليلة الي بتسوي برة بسوي هني اكيد راح يستفز بعدين قوليلة يعني انت رايح حق الخياس انا قصدي اني راح اطلع مطاعم مع اهلي بروح سينما شوفي ردة فعلة
عادي اختي سوي نفسج مومهتمه فيه احقريه واهتمي بنفسج واعيالج واشغلي عمرج باشياء مفيدة وخليج على موقفج لاتكلمينه ولادزيله مسجات ترا الرجال مايجي إلا بالحقران والله يهديه لج ويسخرة إن شاء الله ....
اللة يهديكم لبعض حبيبتي وحاولي تخففي من الغيرة واهم شي انج تستقبلينة بصدر رحب واذا تعدل الجو ابدي بالعتب حبة حبة
حبيبتي مثل ما قالو الخوات راضيه ابمسج وخففي غيره ترى الغيره نهدم كل شي بينكم وقوليله تروح وترد بسلامه وراح اشتاقلج اموت فيك حبيبي تزينيله خلي اهتمامجاكثر شي ابزوجج اهتمي ابنفسج له
والله اني حاسة بعمري ضايقة حسبية الله ونعم الوكيل فيه خواتي اليوم عيد ميلاد زوجي وماخليت شي ماسويته من الكيك والبلونات طبعا هو يدري اني مسوية كيك ومايدري ع الباقي يعني كنت ناوية افجئه بس لآسف الفرحة ماتمت وكل هدا بس عشان كلمني وسألته لي ليش تاخر عاي ومارد البيت من وقت بنات انا تعبت من حركاته ولا مرة قدر الي اسويه عشانه والله اني حاسة بعمري مخنوقة وميته قهر بكل بساطة قالي خلاص انا مو ياي البيت اليوم دخيلكم خواتي لو انتم مكاني شو كانت بتكون ردة فعلكم دخيلكم اباه اخليه يتندم ع الحركة الي سواها فيني ومابي اكلمه ابغي ادز له مسج واخليه يكسر خاطره
حبيبتي الله يكون بعونج بعد شتسوين إذا عندج مسج عتاب طرشيله أو كتبيله مسج قوليله كل عام وانت بخير وكنت ناويه أحتفل معاك بعيد ميلادك وكنت مسويتلك مفاجأه وصوري الكيكه وكل اللي سويتيه وطرشيها له وقوليله كل هذا سويته علشانك وما أستاهل ترجع البيت علشاني ونحتفل مع بعض خلاص أنا زعلانه وشوفي ردة فعله والله يهديه ويسخره لج إن شاء الله
ترى كل الرياييل جذي مايقدرون تعب الوحده فينا ان قبل كنت أزهب وأجهز حق كل مناسبه بس لما شفت مافي اي تفاعل صرت اكتفي بكلمة كل عام وانت بخير وهديه ولا أتعب نفسي وأخسر نفسي وبالتالي ما القى تجاوب شحادنا على هالتعب عيالنا وبيتنا أولى فينا
كلامج عدل ام الحلوين2 شفتي اذا طرشتيله اللي صوره اللي مسويتله كله راح يندم ويحس انه مقصر معاج وانتي لا ولا تحسسينه انج متضايقه من اللي سوااااه لانه الرجال بطبعه عنيد عادي ورحبي وهلي وعطيه طاف بردي اعصابج معاه والله بيجيج يعتذر بس قولي هالدعاء دايم (اللهم سخر من وليته امري واجعلني ملاكا في عينيه) الله يسخر ازواجنااااااااااااا لنا يارب
خليه شغلج على حطته خل يرجع و يشوفه راح يحس بالدنب و انتي الله يهداج اكيد حنيتي عليه بعد عمري متحمسه يجي يشوف ازمه و تعدي يا حياتي و الانسان مزاج و خصوصا الرياجيل
الله يهدية لج ويسخرة لج انشالله انا مع ام الحلوات 2 كتيبلة عبارة عتاب تحسسة بتانيب الضمير وكتبي اذا ما اسويلك واحتفل معاك واستانس معاك اسوي لمنو وصوريلة الي مسويتة ودزية له والله انبطت جبدي والله انا خايفة اييني واحد جذي انا بطبعي احب المفاجات وحساسة ام دميعة ابجي اذا سوو جذي
صباح الخير ياقلبي انتي قلت لج من قبل وعرضتي مشكلتج حبيبتي طنشي وطنشي وطنشي قولي الي تبين لنا هني وطلعي كل الي بقلبج بس جدامه خليج عااادي وكل الي سويته خليه ودزيله مسج شعر دوري بالنت عتاب وحب وماعليج كلناااااااااااا يصير فينا جذيه دقاااات من هالرجال يعني ياقلبي هدي نفسج اهم شي صحتج الرجال لما يشوف المرا تعبانه ومتضايقه يروح لغيرها وقولي له ماعليه انشالله السنه الجايه مع بعض نحتفل وبردي قلبج فديت عمرج وادعي له بالهدايه ياحبيبتي ولاتحاولين تدزين مسج تزفينه لا ابداااا وربي يهدي لج
من اول الموضوع خطأ بخطأ لان يابنات العيد ميلاد منهي عنه بشرع وانتم تقلدون الغرب بالخرابيط الي ماله داعي وزين يسوي فيج انت الله يهديج هالفلوس لو حاطتهم حق عيالج مواحسن ؟؟؟؟؟؟؟؟؟؟؟؟ انا بنصح البنات الي تسوي شي يغضب الله راح تحصل مشاكل ونكد وضيق والعياذه بالله .
اختي حبيبتي انا اقول طنشيه ولاتعطين الموضوع اكبر من حجمه مافي سبب يخليه يزعل هو ناااوي يسهر ويتاخر ولقى سؤالج حجه طنشيه لين يحس ويتادب ترى بعض الرياجيل ينجنون اذا المراه طنشتهم وانشغلت عنهم
