صيري أحسن منه وادعيله بالهدايه طرشيله مسج وقوليله رغم إني زعلانه منك وايد على فعلتك بس ما أتمنى إلا سلامتك والله يحفظك ودير بالك على نفسك وآنا ناطرتك والله يهدينا ويجمعنا قريب إنشاء الله , بتشوفين راح يحس بتأنيب الظمير وراح يتصل وانتي كلميه بهداوه واذا امعصبه طلبي منه اتكلمينه بعدين ولا اتبينين له شي لان الريال بيزيد عناد والله يهدي بينكم والله يجعلج قرة عينه
الله يصبرني ابغي امووووووووووووووووووووت وافتك من هالريال الي مايحترمني ولا يقدرني ولا يرد ع اتصالي والحين ماعندي حل الا اقتل نفسي وافتك حسبية الله ونعم الوكيل فيه والله الود ودي اني اكتب مشكلتي بس الله الي يعلم بحالي مالي خلق فيني ضيقة مايعلم فيها الا الله انصحوني قبل مأسشوي شي بعمري لآن هدا شي هو الي يخليني افتك منه سامحني يارب بس خوفي من العذاب الاخيرة استغفر الله العلي العظيم
تعوذي من ابليس ياقلبي وتركي عنج هالافكار صلي ركعتين وقعدي فكري بهدوء وحلي مشكلتج وكتبي مشكلتج وان شاء الله البنات مايقصرون معاج ماشاء الله فيه بنات عندهم خبره بالحياة وممكن يفيدونج او قولي مشكلتج لشخ تثقين فيه خلي احد يساعد بمشكلتج ويشيل عنج الهم اللي انتي فيه وصبري ان الله مع الصابرين ياقلبي و لاتفكيرين والعياذ بالله بالانتحار وهالخرابيط استغفري ربك حبيبتي مافي مشكله الا ولها حل الله يحل مشكلتج وفرج عليج همج ويسرلج امرج يااااااااااااااااااااااااااارب العالمين انته اكرم الاكرمين الطف بها يالله وساعدها
حبيبتي لا تذبحين نفسج وتموتين كافره علشان واحد مايسوى إلجئي لربج واستغفري علطول وادعي ربج إن الله يهديه ويسخره لج ولا تنسين قيام الليل وصدقيني راح تشوفين العجب باءذن الله قومي تعوذي من إبليس وتوضي وصلي ركعتين وادعي ربج إن الله يهديه ياقلبي ابعدي عنج هالتفكير إنج تنتحرين صدقيني مافي شي يظل على حاله
تعوذي من الشيطان حبيبتي والله اعرف بنات يتمنون ريحة الرجال يبون الزواج بأي طريقه على قولتهم: ظل راجل ولا ظل حيطه حاولي تغيرين فيه دلليه عامليه برقه لا تراددينه طلعو سافرو غيرو جو ومكان الله يصلح مابينكم
حبووووبة قووولي شنو موضوووعج خل نحلها معاج و لا تحطييين بقلبج وتحترقيين بروحج والله يصبرج فدييييتج محد كفوو تموتين عشانه وتدشي النار لو منوووو كان يلا قوولي و تعوذي من الشيطان كلنا خوااااتج و معاج ..
اقسم بالله يا اختي الغاليه ما لك الا الدعاااء وكثرة الاستغفار بنية الهدايه لزوجك $$$ وثانيااا رب العالمين امرنااااا الطاعة الزوج حتي لو كان قاسي احتسبي الاجر عند رب العالمين وهو سبحانه اعلم بحالتج
في وحده اعرفهااا كانت تتمنى المووت كله عشاان ربي يفكهاا من صرفاات زوجهاا والحين ماتت وخلت عيالها وماضااع غيرهم وهو عاايش حيااته طوول بعرض لاتفكرين فيه فكري بنفسج وشلوون ترضين ربج وصدقيني اذا ربي رضاا عنج بترتاااحين فكري بعياالج لاتخلين زوجج اكبر همج استغفري وارجعي لله وفكري بعيااااااااااااااااااااااااااااالج والاهم من عياااالج بحالج اذا متي شنو تقابلين ربج فيه هل قدمتي شي لاخرتج صلاتج بوقتهاا افعااالج الصاااالحه والا لاهيه بزووجج ومشااكله وناسيه نفسج وتقربج من الله .. صدقيني اذا رجعتي لله ولجأتي له وفكرتي بكلامي عدل رااح تتغير حيااتج خليه اخر همج دامج انتي اخر همه وااسف عليج انج فكرتي بالانتحااار عشان ترتاحين منه استغفر الله واتوب اليه والله كسرتي خااطري .. حبيبتي تذكري انج اذا متي بتندفنين بلحاااااااااااااالج محد بيتقااسم وياااج حسناتج وسيائاتج .. استغفري الله والجئي لله وتعوذي من ابليس وغيري من نفسج انتي غيووره وانتي اللي نفرتي الرجااال منج وشوفي كل مشاكلج اللي تحطينهااا منبعهاا الغيره انتي تزوجتيه وانتي عارفه انه متزوج ومولج لحاالج خلاص تاقلمي مع الوضع ولاتخلينه اكبر همج فكري برضاا ربج وعياالج ترى اذا متي ماراح يضيع غيرهم والا المره بدالها مره والرجااال بطبعه لو يعشق مرته يتزوج بعد موتهاا مايقعد على ذكراها والا يتحسف لانه انساان عملي مو عاطفي .. استغفري عن الكلاام اللي قلتيه وتعوذي من ابليس وارجعي لله وغيري من نفسج واهتمي بعياالح لاتقصرين في حقوقه بس خلاص لاتحملين نفسج اكثر من طاقتهااا خلج طبيعيه وانتي سويتي كل اللي عليج والباااقي على الله .. ربي يهديه ويهديج واتمنى انج تستغفرين وماتعيدين الكلام اللي قلتيه .. انا اسفه اني انفعلت بكلاامي بس لازم كلا يوعيج .. لان يقول المثل اتبع اللي مبكيك ولا تتبع اللي يضحك لان اللي يضحكك يضحك عليك واللي يبكيك وينصحك هذا ناصح لك .. اتمنى تتقبلين كلامي ومايضايقج وتسوين اللي قلته لج شوفي شلوون بترتااااحين بإذن الله ..
حبيبتي اكتبي مشكلتج يمكن نلقاااالج حل تموتين كافره علي الاقل اصبري تموتين مجاهده في سبيل الله والي تصبر علي زوجهاا مجاهده موفقه
أكثري من الاستغفار وحطي ببالج ان الدنيا ماراح تنتهان اذا صار بينكم مشكله وتاكدي كل وحده وعندها هموم. الموت موراحه لان ورانا حساب وعقاب عسى الله يرزقنا الجنه. وانتي يالغاليه لاتخسرين الدنيا والاخره اسال الله العظيم رب العرش العظيم انه يفك ضيقتج ويفرج كربتج انه على كل شي قدير
والله صراحة مو عارفة مشكلتج بس من قرايتي للردود انة عندج شريجة انا رااي من راي العضوة عسوولة كلامها واقعي وواضح ومن ردها عرفت انة تزوجتية واهوة متزوج فالمفروض تكونين عارفة انة راح تحصل مشاكل الخ تعوذي من ابليس وخصصي وقت لقراية القران وادعي ربج راح ترتاحين والله يسعد قلبج انشالله
لاحووووالله ولاقووووة الا بالله شبلاهم الرياجيل كل واحد ااخبل من الثاني المفووووض نخليهم يتربووون من جد وجديد
خافي من ربج ..!! تعصين الخالق عشان مخلوق ؟؟ الريال طقيه باكبر نعال والله يعوضج بغيره بس ربج سبحانه وتعالى لا تغضبينه ولي ياج البلا قولي يا الله لا تقولين بنتحر ..!! قوي ايمانج وعلاقتج بربج واضح انج بعيده عنه
ساعدوني خواتي انا بحاجة لكم السلام عليكم خواتي اشحالكم خواتي بجيكم من اخر زوجي صلير يزعل على كل كبيرة وصغيرة وقاهرني وكل مشاكل ع اتفه اسباب ولا يتقبل كلامي ابدا مادري شو الي مغيره علي واليوم سويت حادث بسيارة ولا فكر يطمن علي كل همه السيارة ادا تعورت ولآ قلته الله لا يسامح زمن الي جابني بين ايديك شو تتوقعوت ردة فعله قالي عيل روحي دوري لك ع واحد ثاني دخيلكم ساعدوني ابغي اخليه يتندم ع هالكلمة واتصلت فيه مليووووووووون مرة ومايرد علي ساعدوني خواتي انا بحاجة لنصيحة
حبيبتي لاتكدرين روحك اذا كان تغير فجاه فهذا اكيد عنده ضغوط في العمل او يمربحاله نفسيه وهو سوا كذا يمكن انتي حديتيه من دون ماتحسين بطريقه كلامك او استفزيتيه اسكتي عنه لاتكلمينه وصدقيني راح يراجع نفسي ويجي يعتذر منك بس اذا ضليتي تحنين وتكثرين كلام عليه راح يعاند والله ييسر اموركم
