حبوب Mosegor لفتح الشهية

السلام عليكم

بنات انا سمعت عن حبوب موسيجور لفتحة الشهية والسمنه .. بس ما جربتها

سألت عنها بالصيدليات قالولي مو موجوده بالكويت .. وفي صيدلانيه قالتلي موجوده بالسعوديه

###################

اللي بسأله شلون هالحبوب .. وقوة تأثيرهم على فتح الشهيه ممتازه والا يعني ؟؟

واذا كنت ابي اشتري منهم من وين اقدر أحصل عليهم ؟؟

اللي عندها تجربه أو معلومات عن Mosegor ياليت ما تبخل علي بأسرع وقت .. شكرا​

ماعندي فكره بس انا نفسج ضعيفه قبل شهر ونص تقؤيبا ليما الحين قعد أكل حبوب سبروفيتاااا فاتح شهيه وحبوب رويال جلي غذاء الملكات فاتح شهيه بس اخر الايام قعد اقطع ما اكلهم بانتظام زاد وزني 3كيلوات ونص ونااااااااااسه تخيلي عندي بنتين وزني كان 38 ايه والله 38 الى 39من عقب ماولدت بنتي الاولى ضعفت والحين بفضل الله وبفضل هالحبوب قعد امتن سعر سبروفيتا بدينار و200فلس كويتي والرويال جلي ب9دنانير وشي انصحج فيهم والله

انا جربت سيبروفيتا زودوني تقريبا 3 إلى 4 كيلو بس بعدين حسيت انها ما قامت تزيدني مادري شالسبب

هل بسبتي انا او من الحبوب

اما غذاء الملكات ما جربته .. شفته بالصيدليه بس مدري ما تحمستله

ما أحس انه يفتح شهيه عدل .. مشكوره على مشاركتج

وابي اي وحده عندها فكره او تجربه عن موسيجور ما تقصر وتعلمنا​

حبيبتي آنا سامعه عنهم بس ماشفت أحد جربهم ومدحهم بس آنا بنصحج بعسل يفتح الشهيه ويزيد الوزن أختي ضعيفه وماتاكل كلش يمكن وجبه وحده باليوم وتبي المتن بأي طريقه وقبل شهر طلبت عسل امدحوه لها رفيجاتها وماشاءالله تبارك الرحمن قامت تاكل الخضر واليابس على قولتهم وزاد وزنها وطلعتلها خديدات وصدر وخلفيه ومستانسه حيييييييييل:teeth_smile: وتبي تطلبه مره ثانيه​

ما شاء الله ربي يوفقها ويسعدها وانتي معاها وكل جميعاً

انا مادري راح أجرب خلطة ام خالد نصحتني فيها وان شاء الله تجييب نتيجة

خصوصا انها طبيعيه 100%

انا كنت اخذ هاي الحبوب فتره وعقب قالولي مب زين وتسوي عقم... ابصراحه خفت ووهديتهم...
واول اسبوع يوم تاخذين الدوا كله فيج رقاد وتبين ترقدين صح انج بتاكلين بس كله دايخه ومالج مزاج تكلمين حد يعني ماينفع للمتزوجات واللي يداومون بس للبطاااااليات ...

ما انصحج فيه وانتي كيفج

لالالالالالا انصحج ابتعدي عن الموسيغور تسبب نقص الغده الدرقيه والكويت مانعينها من قبل الغزو لوزينه جان مامنعوها

بنااات ابي حبوب موسيقور .. منو تعرف وين اشتريها .. انابـ الكويت !!

أعرف بنات استخدموها وزينه تسمن حيل
حالها حال سبروفيتا نفس الش بس الصناعه غير شفتي روحي للحفر والا الخفجي ويبيهم من هناك ساعه وحده بس سلامتج

السلام عليكم ورحمة الله...
اللي تسأل عن حبوب موسيجور هذي حبوب فاتحة شهية ..وتزيد الوزن
واختي مجربتهم وزاد وزنها وصارت ملكان للامانة وجسمها يهبل....
بس مو الكل نفس الشي ....لاني انا جربتهم بس مانفعت معاي للاسف
بس الشغلة الاهم ان للحبوب هذي اثرت على اختي بعد ما تزوجت لان قام ينزل معاها ماي واكياس بالرحم
بس حبوب سيبروفييتا للامانة موطبيعية وتهبل وانا مجربتهم وبالعكس اطباء التغذية ينصحون فيها
وشكرا........

مشكوره الأمــيرة .. انا جربت سيبروفيتا من قبل وأول شي كانت حلوه معاي وكنت استعملها دوم وبانتظام

بس بعد فترة ما قامت تجيب نتيجة معااي .. مادري أحس جنه مفعولها انتهى او شي من هالقبيل

علشان جذي قلت بجرب موسيقور ومدحوها وااايد ناااس .. وفي ناس قالو برياكتين بس مادري ما عندي خبره عنها

وينكم يا عصقولاااات شنو كلكم متنتو الا انا لووووووووووووول

ابي تجارب أي معلومات اي شي .. ساعدوني الله يجزاكم الف خييير

ماانصحج فيها-اختي بالسعوديه وسألت عنها ومامدحوها --- لها اضرار تبين على المدى البعيد--استخدمي سابروفيتا بس استمري عليها

والله انا كنت استخدمها وانا بنت .. ولد خالتي الله يحفظه كان يطرشها لي من الامارات بال dhl
والله استخدمتها فتره وصج متنت عليها طلعت لي خدود .. بس مثل ما قلت لج تلاقينها تنباع بالامارات .. بمعظم صيدليات الامارات ..

ولو فيها شي ترى الامارات وخاصة الشيخ محمد حريـــــــــــــــــــــــــــــص على انه ما يدخّل شي مشابه ضار ويمنع بيعه بدبي .. اذا الشامبوهات منع جم واحد من البيع منهم .. لانهم يحتوون على مواد ضاره .. ونفس الشامبوهات مكوّده عندنا بالجمعيات , يا عيني على سوقنا :|


حبيبتي هم صح ينومون بس نتيجتهم فوق الممتازه .. والا جان ماوصيت عليهم يطرشونهم لي من هناك ..

اخذيهم وتوكلي على الله .. بس اخذيهم بالليل لان صج ينومون .. وبتحسين نفسج ودج تاكلين كل شي .. وبالعاااافيه مقدما

إضافة : وعن العقم ,,,, والاضرار ما ادري شنو .. قولوا ما شاء الله .. حملت من ثاني شهر زواجي

وماكو ان شاء الله الا العافية .. وصي عليها من هناك ,, وتوكلي على الله .. واذا قالولج ممنوعه لانها ضاره ما ادري شنو .. ترى حالها حال البوثيل .. هم ترى مو موجوده بصيدلياتنا .. وكاهي من أكثر الاشياء المطلوبه .. واكثر شي يوصون عليه بعد ..

توكلي على الله بس .. ووصي عليهم عند اقرب فرصه ..

والله إختي ماعرفت في ناس تمدحها وفي ناس تقول لأ .. وحتى السيبروفيتا في ناس ما مدحتها لي بس خذيتها من قبل

السيبروفيتا كانت حلوه معاي فـ البدايه زودتني تقريبا 3 أو 4 كيلو واستمريت عليها مده بالأشهر لكن بعدها ما قامت تزودني كلش وقف وزني

ومن تركتها نزل وزني بالتدريج وحبطتني وااايد

عموما مشكوره وما قصرتي والله يوفقج انتي واختج

ليلى حمّستيني وااايد صراحه .. وماشاء الله وتبارك الرحمن على حمالج والله يوفقج يهنيج بحياتج كلها ياارب

كلامج صحيح بخصوص دبي والشيخ محمد بن راشد .. وحتى بخصوص سوقنا مو شرط كل شي مو زين مانعينه والعكس صحيح

انا مشكلتي ما عندي احد يقدر يوصلي هـ الحبوب والا الود ودّي .. لان ابي شي يفتح شهيتي حييل ويخليني بس آكل

اذا على النّوم ما عندي مشاكل أقدر أضبّط وضعي معاه

مشكووره واايد يا الغاليه وما قصرتي

انا متزوجةانا جربتهن ياقلبي انا من الرياض وسعرهن
وعندي ولد وبنت وزني 48 والحمد الله
دتومت عليهم بــ 20 يوم صار وزني 54 الحمد الله
صح تنوم بس الاسبوع الاول بعدين عادي وانا اعرفر
اضبط وقتي وتصرين بس تاكلين لا مره حلوه حتى اريح
نفسي يعني اجلس احيان شهرين ماكل وينقص وزني كيلو
ارجع اكلهم وهذه حالتي عاد حنى ميسجور موممنوعه الممنوعه سبروفيتا
تنباع بدس عند الحريم وانا اخاف اخذها والحين بجرب حبوب بس مدري عندنا او لا
ابدور عليها حبوب كودبريم روز اللي يعرفها يقولنا عنها

upuuuuuuup

هلا وغلا حبيبتي
انا امس كنت تعبانه والدكتوره وصفتلي هالحبوب موسيجور تفتح الشهيه وان شاء الله تطلع لي خدود <<حلمها خدود لوووول

انا ضعيفونه بسالكم هي تسمن حييل اخاف اصير دبه :teeth_smile:

حبووبه لو مضره كان منعوها بالسعوووديه

يعطيك العافيه قلبي