أنا الصراحة جربتها فولدي واييييييييد وايد حلوة و أنصح كل وحدة فيها خصوصاا اللي بيعطوها طلق صناعي نفسي أنا قعدت من الساعة 7 الصبح لين الساعة 8 الليل لما ولدت والحمد لله ما حسيت بشي كللللللش اللهم لك الحمد هادي نعمة و رحمة من عند الله وأخدتها في الصباح والدكتور كان وايد زين و إديه خفيفة ماحسيت بيها كلش
بنات احب استشيركم بشغله لاني اعتبركم مثل خواتي الكبار انا حامل بل6 بجر ومتردده اولد بدار الشفاء ولا الصباح
مشكوره على الموضوع بس انا والله خايفه وايد اني اخذها اقول الكمام صج مايأثر فيني ولا يخدرني الا شوي واحس بكل شي بس هم خايفه اخذ الابره .....
عاد كنت مفكره جديا اني اخذها بس هاذي مو اول ولاده وصح كلام هالفقره اما في حالات الأم التي لديها ولادة سابقة فلاتنصح بها لان مدة توسع عنق الرحم للاستعداد للولادة تكون قصيرة احيانا تاخذمن30-60 دقيقة ...وستكون ولدت خلال مدة قصيرة اذا لم تكون هناك مشاكل لتاخر الولادة وبالتالي ستكون عرض لاثار الجانبية اكثر من الفائدة ذاتها صح حوالي ساعتين اكون ولاده لانه هذا الرابع عيل بظل عالكمام وامري لله
السلام عليكم ورحمه الله وبركاته اولا احب اشكر اختنا صاحبه الموضوع الجيدثانيا احب اذكر تجربتي مع ابره الظهر واللي كانت قبل 5سنوات كانت بولادتي الثانيه وكنت حدي تعبانه لاني دخلت الولاده بعد نزول المائ على والرحم مسكر يعني بالضبط دخلت المستشفى مع اذان الفجر والالم كل شوي يزيد وماحسيت الا والدكتور اللي يقولي في ابره مسكن اذا اخذتيها ترتاحين وانا ماعرف اي شي عن الابره لان ولادتي الاولى كانت متيسره من رب العالمين مع انها نفس الاولى بالوقت من الدخول لغايه الولاده وهي تقربيا16 ساعه المهم قلت مابي اي شي شوي الا زايد العوار وكان احد جايب سكين ويقطع بظهري ولأول مره ابجي بالولاده وقعدت اصارخ على الدكاتره والسسترات ابي اي شي يسكن العوار وعلى طول قالوا ابره الظهر قلت يالله ابيها وفعلا اخذتها والله قبل لايطلع الدكتور من الغرفه اللي انا فيها الا وانا متخدره وابي انام نمت لمده 6ساعات براحه وهدوء ولمن اخذت الابره كان اذان الظهر ياذن وسالت الدكتور جم سنتي الرحم مفتوح قالي 3سم بعد كل هالتعب و3 المهم بعد مانمت قعدت على صوت السسترات والدكاتره يقولولي يالله ولاده الرحم وضعه وضع ولاده ومفتوح8سم اهم قالو ولاده ومن الخوف البنج راح مفعوله وعينك ماتشوف الاالنور ياهو الم وعوار عمري ماشفت مثله و على اذان المغرب ولدت بولدي بعد ماتعسرت ولادته وشفطوه لان الماي نشف نرجع لموضوعنا وهو ابره الظهر طبعا انتكست حالتي بغرفه بعد الولاده وصارمعاي هبوط حاد بالضغط والسكر وماطلعت لغرفتي الا بعد 5ساعات من الملاحظه والدكاتره من خوفهم على كله قاعدين عندي ولازال المها لغايه اليوم وعمر ولدي5سنوات الحين فنصيحه مني لكم خواتي ابتعدوا عنها لان بحملي الثالث تعبت من مكان الاابره واذا زاد وزني تعب ظهري
حبيبت مشكورة على المعلومات القيمه وانا جربتها في ولاتي بالتوام وصراحه هذي ااااااااااااااااخر مره انشاءالله لانها تعبتني ودوختني حييييييييييييييييييل وضليت ثلاث ايام بالمستشفى والله ستر
الظاهر هالابره نفس الخدم حظ نصيب اشكثر الي امدحوها وماحسو بولا شي من الاعراض الجانبيه نهائيا واهم الي ذموها وايد الظاهر عالشخص نفسه في ناس تمشي معاهم وناس لأ
