الله يهديه بس سبحان الله من علامات يوم القيامة شجار وهواش الاخوة وانقطاع العلاقة بس انتي لاتقطعين فيها ودقي عليها مهما تكون اختج عسالله يهديكم
الله يهدي اختك>>>>وانتي العقل كله وماقصرتي معاها قمتي بالواجب وتوصلين لها"الله لايفرقكم" بين فترة وفترة ارسلي لها مسجات حلوة وكل جمعة باركيلها بمسج و"حاليآ عندك مناسبة رمضان" وعسى الله يلين قلبها >>>>اعذريها اختك مريضة نفسية فيها الغيرة القاتلة والعياذ بالله
حبيباتي احنا متقاطعين لهذا اليوم وسمعتها بأذني بالتلفون واهيا اتكلم اختي الثانية و تدعي علي وما اتحبني الله يسامحها انا عايشه بحرات يوميا من اتذكرها انقهر واحتر واااااااااااايد واتكدر مادري اشفيها ومادري اشتبي مني والله والله والله ماسويتلها شي وعمري ما ضايقتها او غلطت عليها ولا مره ابحياتي دعيت عليها .
خواتي العزيزات آخر الاخبار بموضوعي اني رحلتها لما اولدت واستقبلتني ببرود وعقب الروحه هذي ما دقت علي ، ولا انا بعد مادقيت ولا راح اروح لها بعد مره ثانية كرامتي فوق كل شي ةاهيا انسانه مايبين بعينها الطيب
يما تصير لنا وصارت لي مشاكل مع اختي هذا زمن تغير لكن الحمدالله .. اطلبي ان الله يهدية لج ويهدي الجميع يارب...
والله اني ماسويتلها اي شي ولاعمري ضايقتها ودايما اهيا اللي اتغلط وانا اشتري خاطرها وخواتي وامي كلهم يشهدون لي ان ما تطلع مني العيبه بس اهيا ما ادري اشفيها وايد غيوره واتغارن نفسها فيني مع ان ما فيني شي زود عنها - دايما ما اتحب اني اطلع احسن منها واهيا متسلطة تبي اتمشيني على كيفها ورايها حتى تزعل وايد اذا مشيت ورا كلام زوجي واكبر كلمه قالتلي اياها عن ريلي واهله هااااااااااا(خذاج مني اهوه واهلة) جدام زوجي حتى انصدم من هالكلمة اهوه ما سوى شي ولا نطق بحرف من الصدمة واهله مالهم حكم علي بس بالزواره اللي امرهم وخالتي اذهبه قايمه فيني قومه والله واخته ما اتقصر معاي ابد والله الحق ينقال ......... آسفه طولت عليكم وازعجتكم جدا بموضوعي السموحه يالغاليات
مهما كان هذي اختج ولازم ماتتفارقون صح هي غلطانه وعقلها صغير من كلامج عليها بس شكلها تغار وبيجي يوم تندم انها خلتج ماعليه حاولي انج تتواصلين معاها واذا ماقدرتي عادي بيوم راح تتواجهون وتتاسفلج لانه انتي ماسويتيلها شي واذا ولدت ان شاء الله روحيلها وباركيلها واطلعي يمكن هالمواقف تقرب القلوب الله العالم الله يجمع بينكم ولايفرقكم خلي امج تكلمها وتقنعها يمكن يفيد
