صباح النور والسرور بنات عفية امس انا رايحة مستشفى لندن بحكم انه قريب منه لانه معاي فقر دم وامفكره اولد فيه واشوف الدكتوره زينه امبين عليها كبيره وخبر اسمها (( إيفا)) قالت معاي فقر دم والتهاب بول اكرمكم الله وافره اوولد اهناك وخايقة انا علاساس الهادي بس شكلي بغير رايي اذا نصحتوني وريلي خايف بس امانه الي عندها فكره تنصحني مشكورين.. واطمنكم ولدي زين وقالتلي كملتي 30 اسبوع 3 ايام داخلته ...
الله يتمم عليج انا والده بمستشفى لندن عند ايفا تهبل والله ليشيخاف ريلج؟؟لايبا اولدي هناك وانتي مرتاحه اقري قصة ولادتي بموضوعي ولدتي بمستشفى خاص شاركينا بتجربتج انزين بسالج جم كلفت عليج التحاليل يعني تحليل الدم عشان فقر الدم وجذي؟؟
الله يقويج كلفتني 313لان ماخذه ابرة ظهر ب50 وطلبت سرير زياده ب13 وتحاليل البيبي وجذي عرفتي ولا غيري ماشالله 250 واقل هالمره مابي اخذ ابرة الظهر كللللللللش لان اعاني من عوار ظهر وصداع
حبيبتي اهات مشكورة عالرد.... انا قريت موضوعج والصراحه شجعتيني بس ريلي الا يبي الهادي ولادتي الاولى بالعدان لاني ولدت بالسابع ادعيلي الله يتمم علي والله كلفتي تحاليل دم وسكر وبول وزراعت بول 38 دينار بالضبط + سويت سونار 14 دينار ومراجعة عند الدكتوره كله كلفني شي 50 دينار بس تدرين استغربت زحمه عند الدتوره امبين عليها شاطره وكبيرة بالسن بس حبوبه ونفسها حلوه قالتلي انتي لازم ولادة اهنيه بس كان دمي وايد نازل وعطتني حبوب ثلاث مرات باليوم + كالسيوم والحمدالله احس نفسي احسن ... ريلي يقول المستشفى شكله يخرع ومو مريح والهادي زحمه وشكلهم خبره ..بحاول اقنعه
هلا حبيبتي سوي اللي يريحج الهادي او لندن الله بيكون معاج وين بتكونين عرفتي الله يتمم عليج وتولدين بالتاسع يماااااااااااااا كروشات صارلي يومين ايلي عوار طلق يروح ويرد علي خايفه عال5ونص الفجر وقف والحين ناطره اذا رد بروح الطبيب ايه صج اقروا موضوعي اليديد عن جاوبي عالئسله عشان تعرفين حامل بولد ولابنت اهو دراسه عرفتوا مو شرط يصيب يمكن يخيب بس نجرب
اي والله اهم شي السهالات اختي ااهات ترى نفس الشي اييلي عوار طلق نفسج بظهري وابطني والا لما رحت عند الدكتوره قالتلي معاج التهاب بالمثانه هذا يسببلج عوار ريحتني بس انتي تطمني والله يتمم علينا الحمل الي تاسع يا رب مشكوره ع رد
هلا والله عوار بالرحم وبالظهر يروح ويرد علي مع شي ينغزني بفخوذي كل 5او 10دقايق وكل ربع او نص او الخ عرفتي وعاد يزيد ويزيد ويزيد ليما نولد ههههههههههه
واااااااي اسم الله عليج لا ان شاء الله الله يتمم عليج وتولدين بالتاسع طفل كامل مكمل مزيون يهبل بعد ... عاد دايما كل ما يطرون الولاده اقول خلوني علي عماي مابي اعرف عشان لا اخاف
انا اول مره اشارك وبتكون ولادتى انشاللة بشهر 10 وهذا حمالي الثانى وليما الحين من دكتور لي دكتور وكل شهر مستشفى غير حدى وسواسية احترت بس بخصوص التجهيز خلصت من البيبي بس باجى انى اشترى قميص وكفر حق الاستقبال شرايكم ابي محلات عندهم كفرات راقية واب اعرف شلون ادز عالخاص ومشكورين والله يسهل علينا يارب
يابوكولي حياج الله ويانا والله يسهل عليج وعلينا كلنا قربتي تولدين لازم تحددين دكتوره والله انا ماعندي فكره عن الكفرات ولا جهزت بس بسال اللي اعرفهم واشوف ووييين البنات ؟ مافي خبر كلش
اولا صباح النور والسرور ... الكفرات نفسج يبيلي كفر ناعم قالولي بسويت هوم حلو عندهم واسعارهم معقوله امن انا جهزت من النصار ذاك اليوم فاضي ويهبل وعندهم شغلات غريبه والله سوالف حق البيبي بس بقالي اطقم حق البيبي واسوي جنطته للمستشفى لانه ما بقى شي وجنطتي بس ابي اشتريلي وين القا نفنون حلو حق استقبال اهوا بالشمالي فيه بس غالي حتى بالمباركيه شوري علي خواتي جزاكم الله خير
بالنسبه حق لبس الاستقبال تحصلينه بمجمع النقره الجنوبي شحلاتهم روعه واسعارهم زينه مو غاليه وايد اما بالنسبه حق الكفرات يعتمد تبين شغل ناعم او شغل حريم في حركات وشوارفسكي وهالسوالف.. اذا تبين ناعم روحي زارا هوم او صفاة الغانم واذا تبين شغل حريم تحصلين شكثر بالمعارض او بالمنتديات ارقام الحريم الي يسوون ,,,,,,,,,,,, والله يتمم عليكم وتولدون بالسلامه انشالله
قـــوة ديزر روز شخبارج وشخبار الحمال وياج انتي وين تراجعين اي مستشفى ووين ناويه تولدين انشالله ؟؟!! لأن انتي قبلي بجم يوم او جم اسبوع مادري بالضبط خل اجرب فيج p: انا الكل ينصحني بدار الشفا مادري ليش !! ورحت امس مستشفى السلام باخذ فكره عن الاسعار والغرف وانصدمت من اسعار المستشفى حيل غالي والغرفه العاديه عندهم كلش موووووو شي يا تاخذين VIP ولا مايسوى كلش صراحه ........ :\ حدي محتاره !!!!!
