هلا ام المها بخير الله يسلمج انا بالنسبه لي موحاسه بثقل الحمدلله توني بآخر الخامس جم يوم وادخل السادس وماكو بطن اصلا مادري والله اهوا عادي الوضع جذي ولا اخاف يكون البيبي صغير وايد !!! وانتي بأي شهر ؟
هلا والله غلا انا بخير عساج بخير والله ماشي الحال بس اسناني ذابحتني والطبيب يقول ما نقدر نعطيج اي شي الا بعد الولاده انا ان شاء الله بالهادي عند دكتوره بريتي كومار ... احسها طيبه وروحها حلوه وشاطره وايد مرت عمي ولدت بدار الشفا وتمدحه بعد قالت زين ... السلام بس يدورون فلوس يعني عاااادي تلاقينهم علي اخر لحظه يقولون لج عمليه قيصريه لازم ... وايد سووها مع ناس اعرفهم مع ان المستشفيات الثانيه قالو ماله داعي العمليه ليش سويتوها اساسا طيبه كلينك ،مستشفي لندن بعد مدحوهم وقالو اشلون اهتمام ورعايه وانا اقولج يا حبيبتي التساهيل من رب العالمين ولا تحاتين اي شي ما تدرين حزتها وين بتكونين تخيلي اختي كانت حامل ومراجعات عند السلام وحزت الولاده قطوها حكومي لانهم قالو حالتها صعبه الله يسامحهم .. ما يبون يتحملون مسئوليتها ... بس سبحان الله الله سهل عليها وطلعت ولادتها هذي اسهل واحسن من كل ولاداتها .. حولوها مستشفي الصبح عند الدكتوره اسيا والله تهبل والله يشهد انها حالها من حالنا واقفه علي ريولها ناطرتها تصحي من البنج وتاخرت بالدوام عشانها ... ما قصرت انسانه مخلصه بعملها والله يوفقها بس الله يسهل علينا ويستر بهذيج اللحظه ونبشر بعض بالكتاكيت الصغار .. انا مو قاعده افكر بالولاده بستانس بحمالي واتدلع خخخخخ ----> اي خير ان شاء الله
هلا قلبي انا ايني مغص ابطني مادري ليش باجر الصبح موعدي وان شالله خير يارب بالمره بسالها عشان اصوم ولالا انتي شلونج شخبارج
ghala .q8 الله يتمم عليج حبيبتي ويقومج بالسلامة والله انا بداية الخامس وماتشوفين شر حبيبتي وسلامة اسنانج اختي دزر روز وشلونج حبيبتي اهاات وانشالله كل البنات يكونون بخير ونولد بالف سلامة
مشكــورة ديزر حبيبتي والله صاجه المفروض حتى انا ما افكر بالولاده بس شسوي عشان ودي اتابع مراجعاتي بنفس المستشفى وبنفس الوقت مابي افتح ملف مراجعات حمل وملف للولاده كله مره وحده احسن انا اراجع بالهادي عند عيادة الطوارئ مادري شكو خخخخخخخ وكل مرةدكتور غير بس عجبني الوضع عندهم ماكو زحمه وانطر دور ... انزين انتي ماقلتيلي جم مره سويتي سونار وقالولج ولد وما سويتي سونار ثلاثي؟؟! انا سويت مرتين وقالولي ولد بس هم اقول الخطأ وارد ........ :\ ماشفتج مريتي على موضوعي مال السونار الثلاثي الابعاد
انا من الرابع وكل شهر سوي سونار يبين ولد لان الولد يبين مبجر ناويه اسوي وسونار ثلاثي بس مو عارفه وين احسن مكان
مبارك عليكم الشهر ياكروشات انا باجيلى 10 ايام وادخل الثامن نادرى اذا بقدر اصوم والا لا لانى دوام وراح يكون من الساعه 1 الظهر ليما الساعه 4 ووايد احس انى على طول يوعانة ونبي نفيد بعض عن تجهيزاتنا انا كل يوم افتر ادور لي كفر لاعت جبدى بس خلصت من البيبي ومني بس باجى الكفر على اساسه اقدر اسوي قميص حق الاستقبال فيدونى وين القى شي حلو ووراقي
علينا وعليكم رحت الدكتورتي قالت ايه صومي الفطور بس تمر وبعد نص ساعه شوربه او اي شي سائل ويفضل شوربها بعدها بساعتين اي طبق تبين وعقب ريحي واكلي فاكهه او حلو كيفج والسحور ضروري وتقول هالبرنامج لكل الحوامل مو بس انتي ماشافت تحاليلي موعد تحليلي مو الحين لما احللل يبين عدل نسبة فقر الدم والضغط ايه وقالت الدكتوره لاشفتي نفسج تعبانه ماقدرتي تصومين فطري كروشات يمدحون مجمع عيد النصار بالديره رخيص وحلو لكم وللبيبي
صباااااح الخير وشلونكم في اول صباح في رمضان الله يعوده علينا كل عااااام واحنا بصحه وعافيه اهاات انا اذا ما اطيح بالسفره اول الاذان واكل لين انفجر ما اعرف خخخخخ وانا ما احاتي الاكل ... احاااتي المااااااااي انا كل دقيقه ريجي ينشف والماي ما يطيح من ايدي ... اشلوون اصبر عنه الله يسهل انا اول سنه اقضي رمضان مو عند اهلي الحين اهل ريلي مادري شلون طريقتهم برمضان ... بس بخلي جدولي اني ارد من الدوام اريح واصلي واقرالي قران ... وانزل بعدين اساعدهم بالمطبخ والفطور ... بعد الفطور لااازم اقفل واطقها نومه جذي ساعه ساعتين .. وانزل بعدها والسهره صباحي للسحور ... ومادري اذا يصلح لي وانا حامل ... لاني احس بثقل هالايام مالي خلق امشي وايد ولا اوقف وكله فيني النوم وارهاق .. يلا عاد كل وحده تقول لنا شنو ترتيبها ونظامها برمضان ،،، نسولف عالاقل
صباح النور والنوير صباح القيمات وصب القفشه هههههههه اشدعوه عاد بسمع كلامها باكل ليما اقول بس هههههههه اذا الله قدرمني انا الحين بريق البنات وبقوم اقرالي قران بدال قعدتي عشان يمديني اختمه برمضان جدولي برمضان ماكو عال2او3 اقوم اطبخوالسحور نفس الشي بس امس سحورنا تمر ولبن وماي ههههههههه تخيلي فجاه ياني عوار قوي مغص ابطني ولوعه اعوذ بالله ماقدرت اسوي شي
ياحلو رمضان وجو رمضان ... وجمعتنا علي السفره وبالمطبخ واااااااااي خخخخ عقب الفطور واحنا مجابلين التلفزيون ومسدحين بالصاله جدامنا القهوا والجاي والحلويات احللللللااااااااا شي حتي انا ما تسحرت امس .. كنت متعشيه شبعانه .. شكلي بتحسف بعد شويه هههههه ما عليج ما راح اطوف وجبه من اليوم شنو سالفه العوار معاج والمغص اسم الله عليج ما تشوفين شر ... ما سالتي الدكتوره؟
