هلا ام مها2 تسلمين حبيبتي والله يسلمج ... الله يعينج والله سكر وزلال ... الله يسهل عليج وييسرها وتقومين بالسلامه حطي بالج علي نفسج وانشالله تولدين بالموعد طفل بصحه وعافيه ولا تنسين تطمنينا عليج وقوليلنا اخبارج .. وبندعيلج بكل وقت
اي والله يا بنات صج عروض مستشفى الامومه اهوا يم دوامي وانا كل يوم عندهم خخخخ واعرف العروض اول بأول وانا سويت كشف وسونار ب 4دنانير توني والتحاليل بعد الي تحت العشرين ينحسب 4 دنانير ديزر روحي سوي سونار 3 d ب 4 بس والله وناسه حددده رخيص روحو اخذو فكره عن الغرف بعد حدها عجيبه واذا تبون روحو حق دكتوره عبير او دكتور محمود الاثنين روووعه ونفسيتهم تهبل
قوه حبايبي الله يهون ان شالله بس اذا فيج زلال شنو علاماته ؟ والله حدي كارهه روحي تعبت الله لايحرمنا الاجر رجولي الله لايوريكم صايرين جنهم رجول فيل متورمين وزرق وذبحني طنين باذوني وراسي صداع والنوم حدث ولاحرج عذاب مونوم هههههه الله يعين حبيبتي روز متى اخر مره راجعتي ؟وشنو قالولج؟ وآهات بعد نفس السؤال ؟وكل عضوه داشه التاسع يله تشاركنا بنحرك الموضوع كافي هالشهر شثقله عيا يمشي الي تقولكم عالمراجعات اليوم مراجعتي وعطيتهم طاااااف
هلا فلونه بولد بمستشفى لندن ان شالله مجربتهم من قبل يهبلون الصراحه ام جروح نصيحه لاتسكتين على نفسج موزين ام يوسف الكويت قريتي قصتهامن الزلال حراموتوفى جنينها الله يحفظ اجنتنا ان شالله انا تاريخ 13قبل جم يوم ياني طلق وتحملت ليما قمت ابجي رحت الفروانيه وفحصوني رحمي مفتوح سانتين ونزل علي دم نص ونص عقب الفحص وسولي تخطيط للبنوته قلبها شبه زين بس ماتحركت قالوا عيدي التخطيط اذا ماتحركت ولاده وانا ركض السياره هههههههههه مابي اولد بالفروانيه ولما رديت قعدت اطلق عالخفيف لي الصبح 2يوم وحاليا عوار يروح ويرد بس مومنتظم كلش يعني طلق كاذب خخخخخخ انا ودي اولد على حزة المعاش الصراحه عشان يكون معاي فلوس زياده والله يصبرني مابقا شيتاريخ 25 والله يتمم علينا يارب ويسهل ويهون علينا
حبيبتي الزلال يبين بالتحليل . ومن علاماته ترا الانتفاخ في الريول ،،، ضروري تروحين تلحقين علي عمرج .. انا قالولي اذا حسيتي بالصداع يمكن ضغط وهذا بعد من علامات الزلال ويسوي تسمم حمل كثرته ... اسم الله عليج وعلي البيبي والله يحفظنا كلنا ... انا ماراجعت صراحه من السادس بس كنت متابعه ضغطي دايم .. ورحت امس سويت سونار وتطمنت علي البيبي يا قلبييييي فديته اول مره اشوفه لما كبر والحمدلله كل شي تمام .. وكاني ناطره الولاده اي وقت
اهاااات حبيبتي ليييييش انحشتي من المستشفي البنوته ماتحركت لازم تتطمنين اسم الله عليها شلونج مع الطلق الحين؟؟ طمنيييينا ضروري ناطرينج علي نااااار
غلااااااااا هلا والله انا للاسف امس كان عندي موعد سونار وقالي الدكتور مو زين سونارين نفس اليوم... عشان جذي مارحت وقالولي بعد ان بالتاسع ما يطلع واضح لان البيبي حجمه كبر اسم الله عليه ربي يحفظه انتي شخبارج وشلوووووونج ؟؟
مراحب لكل الحوامل انا يديده بالمنتدى وهذه اول مشاركه لي في هذا الموضوع عندي ولد ( الله يخليه ) واللحين حامل وموعد الولاده30/11/2010 وحجزت بمستشفى الامومه بالرقعي غرفه عاديه ب500 وطبعا المستشفى مسويــــــن خصومات 50% يعني سعرها بعد الخصم250:teeth_smile: والسونـــار رباعي الابعاد ب9 مع السي دي واخر موعد للخصومات لنهاية شهر 10 يعني ممكن تحجزين من الحين ويشمل الخصم لنهاية شهر12
يا هلا دلع الكويت وحياج الله ويانا والله يسهل عليج انشالله ويرزقج والله سمعت عن الخصومات اللي مسوينها مستشفي الامومه وايد حلوه هلا يا غلا والله انا مخليتها علي الله فتحت ملف بمستشفي الفروانيه احتياط اذا اضطريت عليهم طمنوووونا عنكم يا بنات وينكم صخخخخخخه
السلام عليكم شلونكم بنات دزرة حبيبتي يالله شدي حيلج متى تولدين بالسلامة وحياج الله اختي دلع الكويت الله يهون علينا وعليج حبيبتي
بنااااااات . . توني قعدت من النوم .. ذابحني عوار من امس بالليل ... والصبح نزل دم اروح المستشفي؟؟؟ ولا اقعد؟؟؟
