مرحبــا بنات آنا حامل بدش الشهر الثالث وقالي الدكتور موعد ولادتي اول 12 انشالله ومتشوقه اعرف نوع الجنين عشان زوجي وده ولد والله كريم انشالله بس مادري شنو تنصحون اي مستشفى حق الولاده واي دكتوره زينه لأن موضوع الخياطه تعرفون لازم دكتوره شاطره وثقه !!
اي والله صاجه دماس سبحان الله الوحده من حمل لحمل غير غيل اشلون من انسان لانسان ... الله يسهل علينا ومشكووووووووووره
اليوم رحت موعدي بس ما بين نوع الجنين لان سونارهم العادي قالو يبين بالرباعي راح يبين بعد اسبوعين ان شاء الله وابلغج اول وحده ))))
الله يعين امج ويعوضها خير ان شاء الله طمنينا عليها وخليها تشوف دكتوره ثانيه عشان تتاكد والله يكتب لها اللي فيه الخير ما عندي خبره بهالشغلات ان شاء الله البنات يفيدونج
الف مبروك الحمل حبيبتي وحياج الله معانا والله يسهل عليج الله يعينج على النساه وهذا اول حمل لج؟؟؟؟ لان انا اول حمل وما ادري لازم خياطه ولا لا؟؟ انا الحين عند الهادي دكتوره هنديه والله ارتحت لها بس ما جربت الولاده اتمنى البنات يفيدونج حبيبتي
بنااااااااات انا اليوم شفت البيبي يهبل اشحلاته <---- يمه مني نصابه خخخخخخخخخ كان يتحرك يرفع ايدينه ... بس ما احس بالحركه للحين بس شفته بالسونار يتحرك اليوم دشيت الرابع يلا عطونا اخر الاخبار
بنااااااااات انا امس اجهضت وتوني حامل صارلي اسبوووعين الله يعوضني خيييرر انشالله انا من قالولي حملج ضعييف وانا حدي كنت خايفه بس الله يعوضني باللي احسن منه والله يثبت مافي ارحامكم
عالبركه ااختي اي يحرك ايده بس ما تحسين بالحركه يا حلاتهم... يهبلون اي دكتوره بالهادي لانه انا ولادتي بالهادي ان شاء الله .
الله يعوض عليج حبيبتي والله ضاق خلقي بس ثولي الحمدلله علي كل حال والله يعوضج خير وحمل ثابت سليم يا رب
الله يبارك فييييج حبيبتي بس كان ودي اعرف شنو ولد ولا بنت عشان اجهز من الحين قبل الثقل .. سونارهم العادي ما بين بس قالت لي الدكتوره لو تسوين رباعي يبين ... قلت خلاص الموعد الياي ... دكتورتي هنديه يديده مادري شنو كومار بس وايد حبوبه
بنات منو عرفت شنو ابطنها؟؟؟ ولد ولا بنت؟ يلا بشرووووووونا انا سمعت ان اللي تحس بالثقل صوب اليمين يكون ولد واذا صوب اليسار يعني بنت عاد انا الجنين صاير صوب اليمين ونغزات صوب اليمين بس الالم صوب ريلي اليسار يعني انا حاله شاذه هههههههههه قولولي رايكم
مرحــــــــــبــــــــــــا شلونكم؟ الله يتمم عليكم ويرزقكم بالذريه الصالحه آآآآآآآآآميييييييييييين انا اخر موعد حقي 8-10 الله يسهل علينا ونولد بالسلامه انا اراجع عند الدكتور حسام بمستشفى دار الشفاء بسراحه خوش دكتور كل مراجعاتي عنده ومقولة ديزيرت روز صدقت معاي انا احس بثقل جهة اليمين وسويت سونار قبل جم يوم وقالي الدكتور فيج ولد ولله الحمد
الله يتمم عليكم يا رب.... اي دكاترة الهادي ما شاء الله زينيين رحت مراجعه امس والبيبي على هيئة شجود ومسكر ريله ما يبي يفتحها قالتلي يمكن المره اليايه يبين شنو لاعت جبدي والله والبيبي كلا مصكر شسوي ؟..... الله يسهل عليكم يا رب
الله يسهل عليج يا رب؟؟؟؟ موفقه.. رحت سويت سونار قبل امس البيبي على هيئة سجود ومسكر ريوله ما يبي هاذي ثاني مره اروح ومسكر ما يبي الله كريم ان شاء الله الموع الياي ابشركم ؟؟ موفقين والله يسهل عليكم
