هلا حبيبتي اسالت عنج العافيه انا بخير والحمدالله انا الحين اول يوم بالخامس وسويت سونارقالولي بنوته:teeth_smile: الحمدالله المغص والهبوط لاني ضعيفه وزني بس 40 وفيني فقر دم
هلا حبيبتي امنتج بالله تسامحيني عالتاخير بردي عليج رحت الطبيب قالو البيبي مافي شي بس انا وزني الحين بس 40وانا بالخامس وفيني فقر دم تخيلي طحت غشيانه بالحمام وزين الله ستر وماكنت قافله الباب الحمدالله ربي ثبت حملنا ووصلنا تقريبا بثلاث ارباع الحمل الله يتمم علينا بالنسبه لي خايفه لايصيرلي نزيف بعد الولاده نفس ولادتي الثانيه ونفس الاسباب فقردم الله كريم انشالله اهم شي البيبي يكون وزنه كيلوين مومشكله اخذ طلق صناعي بس يكون بصحه وعافيه لان حمالي الثاني 10ايام نايمه بالمستشفى وطلعت على مسؤليتي لان الماي ابطني قليل وباليالله صار وزنها كيلوين واهي حركتها بطيئه ودقات القلب مرات زينه ومرات لا وقالولي لازم الحين ولاده لاتموت والحمدالله ولدتها وكاهي عمرها11شهر تقريبا بس شنو ماسننت توها تحبي بعد موعدل ولاتمشي اللي يشوفها يقول 4شهور لان يبتها كيلوين وفقر الدم اللي فيني اثر عليها الله كريم ويعدي هالحمال على خير انشالله:teeth_smile:اي صج سويت سونار قالولي بنوته ريلي ضاق خلقه يبي ولد قلتله اهم شي صحت البيبي والله مومهم بنت ولا ولد
الشر ماييج ياقلبي مشكووووووره عالدعوه الله يثبت حملج انشالله ويرزقج بطفل صحيح معافى بدون زياده اونقصان انشالله يرزقج باللي ابالج
دزرة روز كل الشكر حبيبتي على اهتمامج ومشكورة على هالدعوة محتاجتها حيل هالايام والله يوفقج ياقلبي وتولدين بالف سلامة وتفرحين بشوفة البيبي والله معافيج انت وياة
الله يبارك فيج حبيبتي والفال لج ... وبشرينا لما تعرفين ،،، اي شهر 11 يكون الجو بارد ... اشتا .. يعني جهزي شتوي
الف مبروووك بنووووتج ... وما ينفع هالزمن الا البنات فديتهم ،،،، والله يثبت حملج وتولدين البنوته بصحه وعافيه .. حبيبتي كثري خس وخضروات .. وبيديان وشوفي الاكل اللي يزيد الدم وايي صج كثري رمان وايد زين قالي الدكتور لما كان فيني فقر دم ... والله يخليلج بنيتج ويثبت حملج وبدعيلج يا قلبي .. تستاهلين كل خير... لا تقطعين وطمنينا عليج
العفو حبيبتي واكيد بهتم بالناس الطيبين ... والله يسهل عليج ويفرحج بشوفه البيبي سليم متعافي ... وتسلمين علي هالدعوه الحلوه
انشالله يالغاليه ماراح اقطع باذن الله كل يوم معاكم فديتج ربي يثبت حملج انشالله ويتمم عليج وتولدين بسهاله انشالله وباكل بيديان ورمان واكثر من هالخضره تامرين امر قلبي
آنآ موعد ولآدتي 18-12 ويوم آلآربعآ وآلخميس عندي موآعيد وآحد لخآص ووآحد للحكومه آلله يثبت حملنآ وحمل بنآت آلمسلمين
تسلميييييييييين يا قلبي على هالدعوة الحلوة ... والله يرزقج خير هالدنيا والاخرة ... طمنينا عليج شلون صحتج وشلون البيبي ؟؟
ام خاااااااااااااااااالد ولدج توأم ولدي هههههههههه نفس موعد ولادتي .. الله يتمم عليج انا اما مستشفى الهادي او مستشفى الفروانيه حكومي للحين مادري سبحان الله كل مستشفى في اللي تعبو واللي تسهلت ولادتهم ... التساهليل من رب العالمين مو من الدكتور ولا المستشفى .. بس نبي المكان النظيف والتعامل الحلو .. خاااااااااااايفه :emoticon_U:
روان ... الدكتور عادل مرسي اللي كان بمستشفى الجهرا وبعدين راح خاص يقولون زين .. بس ديري بالج لان اكثر الخاص يقولون لج لازم قيصرية .. تاكدي من الحكومه اول ورديله اذا كلمج عن القيصرية .. تدرين يدورون الفلوس على حساب صحتنا السور ... لو تثبتين عند دكتور واحد يكون احسن عشان يتابع حالتج اول بأول .. انا كنت نفسج وكنت ضايعه كل وحده تقولي شي .. بس استقريت عند دكتورتي الحمدلله عرفت اللي لي واللي علي .. كنت مطفوقه تدرين اول حمال خخخخخ
بنات اختي عمليتها القيصرية يوم 8-6-2010 ادعولها تقوم بالسلامه لانها وايد تعبانه من الحمال .. ومعورة قلبي من كثر ماهي خايفة .. تخيلو هذا ثالث ولد لها ومن اول ولد قالولها غلطانه سويتي قيصريه ماله داعي بس كله من الدكتور الله يسامحه قال لها لازم قيصريه ومن بعدها ما تولد الا عمليه .. مرات اقول ان العمليه احسن بس امي تقول عوار ساعه ولا عوار كل يوم .. لان العمليه ما تطيب شهرين ثلاث
